1 Kulili ine nu Paulo, ne mukujilwa wakwe u Yesu Krisiti, kulimwe mubha kunzi. 2 Igwelewa kuti mwinvuye imbombo yindiinayo iya Mulungu ku wila wakwe kulimwe. 3 Ingubhandishila kufumila na shihalola izi zyanalyoli zyezitubhile. Uwanalyoli unu we wutubhili we nasimbile kumakalata aganji. 4 Igawabhazya iga utumanye she na mwinza, kuwinza unu we wubhile uwa Krisiti. 5 Kumbapo izinji zyezihashila zita umanyile inza she abhalanjile abhasondeleze abhakwe abhinza na bhakubhi hali iha ku umpepu 6 Ibhamnsi bhapwanila peka nitwe uwupwanila ibha mubhili weka bhinjendo zyeka nitwe. Bhashiliki lugano ulwa uYesu Krisiti kishila indumbilili. 7 Indumbililo izi u Mulungu ahambiha kuti inzi bhombaje kushilila ishikunjiwa nu winza wa Mulungu yafumivye kukwani imbombo iyamaha igakwe. 8 UMulungu ahafumwa uwinza unu kukwakwe, habhili inene mundu umunsi ku bhondi kubhala bhebhabhilishililwe nu Mulungu. Izawadi ini yikunanza indumbilile ibhamunsi indumbilo izya udubwe we wutakulonjeha uwa Krisiti. 9 Yikwanziwa imbobhozye ibhamunsi bhondi kuti indumbililo iza wu Mulungu andajizizye uwi kukwilu. Unu mpango wawafisilwe kumaha aminji gegashilile nu Mulungu wa pelile ivindu vwandi. 10 Ishi ilelo kwidala, ilyi ikanisa, uwinza wa Mulungu wewuli kila madala na bhamwene ni ndajizyo imnsi iya umupepu. 11 Iga kabhombeshile kuwinza uwawila nu wila kushilila uYesu Krisiti umwene uwetu. 12 Kulii turi na maha igakusejelela papakwe kwidala ilya kwitiha. 13 Mwebheyi ingulabha mtaha vunzishe amoyo kuti natesilwe kwajili yinyu. Iga wewinza kukwinyu. 14 Ishilelo ingusugamila kwa Tata. 15 Iwene kwitawa lyakwe uwutata wondi uwa kumwanya na pasi kubhilishilwa. 16 Ingulabha mpate kukula umila nu wudubwe nu winza wakwe, abhabhishe bhamaha kishilila umpepu wakwe, wali mkasi mu mwinyu. 17 Ingulabha kuti uKrisiti adilalaje mkasi mu mwinyu kushilila ulwitiho. 18 Ingulabha kuti muyisinde mulwalo uwa lugano lwakwe. Mubhe kulugano lwakwe inga mumanyaje, peka na bhondi bhebhitishile bha wumanye, uwubaba nu wutali, kumwanya na pasi. 19 Na kulumanya ulugano lwakwe uKristi wewushilile injele zyondi she wuli uwinji. Mubhombe gondi iga mpate kwimilila kwa Mulungu. 20 Ishi ayemishilwaje wakuweza kubhomba amapiti hani, kuliko ge tukubhomba na ge tukukwina, iha she likubhomba imbombo mukasi mumwitu. 21 Ee ayimishilwe mu shibhanza isha uYesu wila nu wila ni mbapo zyondi zya wila nu wila. Amina.