1 Anzashila she mwaafuye mwakoosile ni mbibhi zyinyu. 2 Yamile kunti iga gabhe asuti mwabhalile kuholanya na habhalilo ahashishi. Muhabhalaga kwakulandata umupinti uwa mumwanya ineye npepu iya iya wulala wakubhomba imbombo muhanti mubhana bhimbibhi. 3 Itwe twendi twali pekaanabho pawandilo mubhibha bhatitishile. Tuhabhombaga kunsunguho izya mabhili giitu. Tuhabhoombaga ulugano ulwa mubhili kunjeele zyitu. Twamile tweebhamuata abhigazabu anza bhamwabho. 4 Ilelo uMulungu mwinji uwawila kweeku kenongwa yalugano lwakwe atuganile itwe. 5 Ahabhalilo heetwali twa bhafwe mumakoosa gitu, atuleetile peeka muhalo uwupwa mwa Yesu Krisiti. Lugano bhulo kweekuti muuponile. 6 UMulungu atuzwusizye peeke nakubhomba kwihala peeka pamu mwanya muhanti ya Krisiti Yesu. 7 Abhombihe isho anga ahabhalilo heha kwiinza awezye kutulolesya uwudumbwe umupiti uwawinza wakwe, akutulanga itwe ishi idala ilya winza muhanti mwaa Krisiti uYesu. 8 Kuwinza mwokoliiwe kwidala ilya lwitiho. Niniitafumile kukwinyu. Wupi wa Mulungu. 9 Itakufumila ni mbombo. Angalelo, atahabhe weka winyu wakuyipaala. 10 Kwe kunti itwe twa mbombo ya Mulungu tugombiwe mwa Krisiti uYesu kubhamba aminza mbombo izizye uMulungu apaanjile kufuma haali haani kunongwa yiitu anga tujeendaje mugaanago. 11 Ilelo kumbuhaji paamandi ipo mwali mwa bhandu bha munsi kunookwa ya mubhili. Mukuwili shilwa mwemutitishile hala hebha kunti intohaala iya mumbili yikubhombwa muyobhe zyawandu. 12 Kuhabhalilo iho bhabhabaguuye nu Krisiti mwali mwabhajeni kubhandu ubha ku Isiraeli. Mwali mwabhajeni lwizwano isubhilo mutali nuwana yoli mubhalilo heha. 13 Ilele ishi mwa Krisiti uYesu imwe mwemutalipo muwandilo mwali kutali nu Mulungu bhabha leta paapipi nu Mulungu kuma bhanda ga Krisiti. 14 Kwee kunti awene wewinza wintu, abhombile bhabhili kubha weeka, umubhili wakwe awunanganyinye ulubhumba lwalehanyinye wee watulehanyinye nuwubhibhi. 15 Kwe kunti ahaziwezya indajizyo na miho angalabhe umundu weka umuupwa muhati yaakwe ahafanya uwihalo. 16 Abhombile isho abhabhaingaanye bhebhali inpuga nzibhili abhandu kubha mubhili weeka uwa Mulungu kushilila pashihobhehanyo. Kwiidala ilya shihobhehanyo aha wufisa uwubhibhi 17 U Yesu ayinzile na kulalasya uwihalo kukuiinyu imwe mwali ukutaali nu wihalo kubhala bhebhai paapipi. 18 Anahabhili mwidala lwa Yesu itwe twendi bhabhili tulinipakushila peeka kumupeepu weeka kwinjila kwaa taata. 19 Ishi leelo, imwe mubhandu mubha mansi mwemukushula mubhajeni mubhajeni. Ilelo bhahaya peeka na bhala bhebha baaguye kunungwa ya Mulungu na bhajumbe munyumba ya Mulungu. 20 Muzenjilye muwandalo mubhasotelezwa na bhakuwi. UYesu Krisiti wuyo lyali liwe lipinti ilya paambali. 21 Peepali wuyo inyumba yondi bhalibhunganyinye peeka nakukula nganti shibhanza muhati mwa Mulungu. 22 Mukasi yinyu nimwe mukuzengwa peeka ganti paapala apa kudili pa Mulungu Roho.