1 U Paulo, umusotelezwa uwa Krisiti Yesu uwa mwitu uMulungu, bhabhasabhuye imwe Mulungu bhebhali Kuefeso bhebhali bhasunde kwa Yesu Krisiti. 2 Uwila wubhe kukwinyu winza we wukufuma kwa Mulungu tata witu numwene uYesu Krisiti. 3 Mulungu tata mwene Yesu Krisiti bhamu uwinza. We wula watuputiye kwe kuti mwemuli pamwanya pa Krisiti. 4 We bhashili kugomba insi, UMulungu atusebhile itwe twetishile mwa Yesu Krisiti, Atusibhile itwe enge tubhetwa bhinza bhebhatakutubhuna pilongolela yakwe. 5 Kulugano lwa Mulungu ahatuchagula kuwandilo kutwega anza bhana bhakwe kwidala ilwa Yesu Krisiti. Ahabhomba imbombo hamaha ganile. 6 Kufumila kwake uMulungu akupwalwa kuwinza wakwe iha hamatupiye pabhulo kundala ilwa lugano uwabho 7 Kwe kuti ulugano ulwake, tupindushile kushilila amabhada gakwa kutuyila kumbibhi tulinalwa kwe kuti udumbwe nu winza wakwe. 8 Ahabhomba uwunza kubha nyinji kukwitu itwe. 9 UMulungu ahabhomba angama nyishe kukwitu nayoli agafisile igakubhomba kufuma na hamu gamanyishile mukasi mwa Krisiti. 10 Kwe kuti insiku zifishile kukwila kukwake, uMulungu bha hamukwatizya ahandu kufuma kumwanya munsi mukasi mwa Krisiti. 11 Mwa Krisiti twebhatuchaguye na kusubhila ku wakati. Kwe kuti ikufumilana mpango ishe mukubhomba ivindu vyondi kukwino zyake. 12 UMulungu ahabhomba ishi kuti tubhape uwinza witu. Twali twa bhinza ugomu mkasi mwa Krisiti. 13 Twali kwidala Krisiti kuti mwivyizwe amazwi iganalwoli, uzuwinza winyi mwidala iya Krisiti kwe kuti imwe mwamanyishile kumwitila umupepu umufinjile ku winza we bhabhalajizizye. 14 Umupepu wakupwanila kukwitu ulupaho kupwanila pepaloleha. Kupala kuwinza wakwe. 15 Kwe kuti kufuma imandi uwinza winyu mukasi mwa mwene uYesu lwinyu kubhala bhondi bhebhayibaguye kukwakwe. 16 Italeshile kumulabha uMulungu kufuma kukwaho na kubhateha kufuma kulama kukwani. 17 Ingulabha kuti uMulungu umwene witu uwa Yesu Krisiti, utata nu winza, ikubhapa umupepu ya wutonsu kugubula injele yakwe. 18 Ingululabha kuti amiso ginyu bhabishe uluhozya kwe kuti utakumanya kwa gopa we bhakubhabhilishila kukinyu. Ingulabha kuti mumanye udubwe nu mwinza hapwa nila mumwo kubhala bhebha bha tenjile kwa ajili yakwe. 19 Ingulabha kuti umanye uwupiti na maha igakwe iga mukasi iyitu we tukwitiha unu wupiti kufuma na kubhamba imbombo mumaha gakwe. 20 Iga gemaha gegabhombile imbombo mwa Yesu Krisiti nu Mulungu wakumuzyu swa kufuma kubhebhafuye na kubhihazya munyobhe mumwa umusahala na mahali pamwanya. 21 Ahamwihanzwa uKrisiti kuumwanya ukutali ne bhebhimiliye, abhatabhazi ibhiha kumwa, nya, ni tawa lwelikulengwa. Ahamwihazya uYesu telili ku shishi ilelo ishi wikwinza basi . 22 UMulungu avilishishe ivindu vyonti pasi pa vinama vya Yesu. Amubhishi iwene litwe pamwanya pavindu vyondi kuti shibhanza. 23 Ni shibhanza kuti wemuli wakwe, wali kizuzya ivindu vyoti kumala yondi.