1 Bhaganwa bhani, petuli ninsubhilo inzi na tuyigezyaje tunetwe kukilashindu sheshikutubhomba kubha bhanyali kumabhili gigu naku mpepu. Na tuwanze uwinza kuwoga wa Mulungu. 2 Gombaji inafasi kwa tunetwe! Tutamkoseye umundu wowondi. Tutamunanginye umundu wowondi . Tutajipeye kwa kupata kwa mundu wowondi. 3 Ingulonga ili nte kwakubhabhuna. Pekuti indonjile kuti muli mumoyo ginyu, kukwitu ilwe kufwa peka nakudila peka. 4 Inguyigomwa kuwinji mkasi yinyu, na inguyila kwa munemwe. Nizulwe nukujinjizya. Nizulwa na kwisha ipope pakasi pamayimba gintu gondi. 5 Twizile ku Makedonia, amabhili gitu gatali nu lutuzyo. Badala yakwe, twalabhile kunamna zyondi kwa kuhomwa uhulungu kubhupande uwa kunzi nu woga kubhupande uwa mnkasi. 6 Ilelo Umulungu, weakujinjizya, bhebhalitile, atujinjizizye kuwinzilo uwa Tito. 7 Yitali kuwinzilo wakwe bhulo kuti Umulungu atujinjizizye. Yali iwinza kujinja kula uTito kweaposheleye kufuma kukwinyu. Yeye alituambia upendo mkuu mlionao, huzuni yenu, na mlivyokuwa na wasiwasi kwa ajili yangu. Hivyo nimezidi kuwa na furaha zaidi. 8 Inga lelo uwalaka wani wabhabhombile kuswiga, ine ndakulabha. ilelo ingulabha kuhabhalilo henalolili uwalaka uwo bhuhabhabhomba imwe kubha nishisa. ilelo mwali ni shinsa umuda umunsi. 9 Insalizi nishiye, ntekuti mwali nukulabha, ilelo kulinilyo ishinsa shinyu shabhaletile kwa kwitiha. Shabhajile ishinsa isha kiungu, isho mwatesilwe nte kwa kusililwa kusababu yitu. 10 Pekuti ishinsa isha kiungu shikuleta kwitiha yeyikukamilisya uwokovu bila kwakulabha. Ishinsa sha munsi, inza isho shikuluta ubhufwe. 11 Yenyaji ishinza ishi ishakiungu shonjezizye azma yoni imbili mkasi yinyu. Inza bhuli azma yali mbili kusibitisya kuti mtali na makosa. Inza bhuli ku bhabhilwa kwinyu vwe kwali kupiti, uwoga winyu, kwigana kwinyu, kudaga kwinyu, na kwigana kwinyu kulolo kuti yoli yikwanziwa kubhombeha! Ku kila shindu msibitisizye munemwe kuli mtali na makosa. 12 Ilelo nabhasimbiye imwe, indabhasimbiye kwa wakukosa, nante kwa mundu wakuteseha na mabhibhi isimbe inga kuti ubhuyoli wa moyo ginyu na tunetwe kabhombe kumanyihana kukwinyu kwilongolela kumiso ga Mulungu. 13 Nakulinili kuti tukujinjiha kwa kwonjezya kuyinja kwitu tunetwe, tukwisha iwinza, na ihani kusababu ya kwisha kwa Tito, ilelo umpepu wakwe wabuludisizwe nimwe mwendi. 14 Inza vwenayilile kuwakwe ihani inimwe, indahogopaga. Ishisalo shakwe inza bhulo kila inzwilye twalonjile kukwinyu lyaliyoli, Kuyila kwitu kuti intwe kwa Tito gazibitisizye kubha yoli. 15 Ulugano lwakwe kwa munemwe mpiti ihani, inza vwe mkukumbuha kwitiha kwinyu mwendi, inza vwe mwamukalibisizye wuyo kuwoga nukutetema. 16 Ingwisha kusababu inguyigomwa kamili mkasi yinyu.