1 Bhala bhondi bhebhalipasi ya nira inza ibhasondelezya bhobhejole abhamwene bhabho ulutiniho twondi, wakwaziwa kubhomba isho ni tawa lwa Mulungu ni manyizyi gatahaligwe. 2 Bhasondelezya mwemuli na bhamwene bhebhakwitiha kusholanya pe bhaholo bha mubho mbelaje ihani kusababu abha mwene bhebhakubhavwa imbombo zyabho bhitiha abhaganwa. Manyizya nu kutangangazya amambo iga. 3 Inga umundu ghumo akutangazya kwa kubhatezya atakuposhela kulolesya kwitu kwe kukwaminiha, ge mazyu ga mwene witu uYesu Krisiti, inge bhatakwitiho imanyizyo kulyeli kulongozya ubhutakatifu. 4 Umundu uyo akuyila atamanyile nahamu. Badala yaki alina haranga nu kudaliha kwi mazwi. Amazwi iga gakupapa umwone, uwuyanzi, kuligana, 5 na haranga hehakwendelela kubhandu bhe injele zinanjishile bhakuleha iyoli. Bhakusibha kuti ubhutakatifu lidala ilya kubha bhadumbe'' 6 Ilelo ubhutakatifu nu kuliziha kuwina ukupiti. 7 Kulelo tutahiza ni shindu na shimo musi. Habhili tutangega nashimo musi. 8 Badala yakwe, vitu kwane ivwa kulya na menda. 9 Ilelo ibho bhebhahayibha nivindu wakugwa mu majaribu, na mumitego. Bhakugwa kubhulema nu umwinji nukusungwa ukubhibh, na kushindu shoshondi sheshikubhabhomba abhandu bhinjile. 10 Kwa kugana ihela wandilo waaina zyondi inzo imbibhi. Abhandu bhebhakusunguha bhategilwe nulutengano, na kuyosha bhubho kuswigo inyinji. 11 Lakini mundu wa Mulungu, gashimbile igo. Fwata bhulonji, ubhutakatifu, kukamiliha, ulugano, kujimbilila nu kuyisha. 12 Homaubhulwe uwiza ulwa lutengano. Lemelela uwumi uwa wila lwe ubhilishililwe. Lyali lyakuti pewafumwizye ishuhuda kwilongolela lya bhalonganyi abhinji kushila sheshili ihinza. 13 Ingukupa iamuri ini kwilongolela kwa Mulungu, weakubhiha ubhupuma kuvindu vyondi, na mwilongolela mwa Krisiti uYesu, wealonji yeyoli ya Pontio Pilato: 14 Yisengule iamuri kubhukamilifu, petali nu woga, kwa kwiza kwa mwene witu uYesu Krisiti. 15 UMulungu ahayilolesya kwiza kwakwe kuhabhalilo ihizo-Mulungu, umubarikiwa, amaha gibhulo, numwene we ahutabhala, umwene we akulongozya. 16 Imwene wali kumwanya we akwihala kuhozyo lwelutakupalamilwa. Nawumo umndu wawezize kumulola nawawezize kumwenya. Kukwakwe lubhelutiniho na kuwezya wila. Amina. 17 Bhabhuzye abhadumbwe bhamusi umu bhatayilaje na bhatagemelaje kubhudumbwe wete wiyoli. Badala yakwe, wakwaziwa kumutegemela uMulungu. We akutupa uwadumbwe wondi uwa yoli inga twishaje. 18 Bhabhuzye bhabombe amiza, bhabhebha dumbe kumbombo inyiza, bhabhe bhakalimu, nu bhutayari uwa kufumwa. 19 Kitawa ilyo bhaliyibhishila uwandilo uwi uwa mambo gega kwiza, inga bhawezye kulema kudila. 20 Timoti, ulinde shila shebhakupiye. Yefwe mndonji izya shilema na madali gega kuyihana ge kumalengabhakuti njele. 21 Kulibhebha kulonga amambo iga, ilelo bhatali nulwitiho. Uwila bhubhanje peka iniwe.