Sura ya 5

1 Utahamlongane umusahala umgosi. Ilaumuwishe umwoyo inzutata waho. Ubha pe umoyo abhatunda awashisahala kukuti bhaholo bhaho. 2 Ubhapo umwoyo abhandanda abhatunda inza abhadada bhaho kuwinza wondi. 3 Bhatinishe abhafwile, wala bhebhafwile na yoli. 4 Ileungu mufwile anabhana au abhazukulu, bhaleshe suti bhamanyile kulolesya uwutiniho kubhandu abha kuhaya yabho abhene. Bhalesho bhabhape abhapafi bhabho aminza, ile ini yeyikuhondela pamiso pa Mulungu. 5 Ilelo umufwile yoli wuwula wasyalile mwene. Wope akubhiha insubhilo zyakwe kwa Mulungu. Insiku zyondi akudela kunsayo ni ndabho uwusiku na samusanya. 6 Inga lelo umwandanda ula wakudila kuwupopo afuye, na kuti mwumi. 7 Na ugalumbilile iga amambo inga lelo bhatahabhe na kuyilumbuzya. 8 Inga lelo angakubhatunza abhaholo bhakwe, ihani bhala bhebhalipo mhayayakwe, aluhanile ulwitiho inahawili mubhibhi kwasi na watiti shile. 9 Yoli umwandanda asimbizwe mukasi ngati mfwile angabha na maha gegatapungushile amaha sitini, awinza mshi walinumulume weka. 10 Ilelo abheamanyishile kumbombo inyinza, ingakuti abhatinishile abhana, au apelile mtinishi kubhajeni, au agezizye ivinama ivya bhalwitiho, abhe abhavwizye bhebhayimbaga, ayifumwizye kumbombo yondi iyinza. 11 Ilelo kubha fwile abhatunda, uhane kubhasimbizya muwingi uwabhafwile. Ingawinjila kundingo izyashimubhili kwa Krisiti, bhakwanza kwelewa. 12 Kwidala ili bhakwinjila mumbibhi ilelo wa kuvunza kuyifumwa kwabho ukwa kuwandilo. 13 Awinza bhakwinjila kulubhila ukwa wuhata. Ibhene bhakuzungula ihaya ni haya. Tebhu kuti bhahata, ilele winza bhamanoholo na kunjilila imbombo zya bhamwabho. Abhene bhakulonga imbombo zyezitakubhanza kuti bhalonje. 14 Ilelo ine ingwanza abhandanda abhatunda bhegwaje, abhagosi abhana, bhasimamile ihaya zyabho, ile kuti tutampanje umbhibhi inafyasi iya kutulonjelela kwa kubhomba imbibhi. 15 Ingalelo bhamu munumwo bhamgunjiye u Setani. 16 Inza umwandanda wowondi akwitiha anabhafwile, ilelo pabhavwe, inga ishibhanza shita hamwamilwe, inge liwezye kubhavwa bhebhafwile yoliyoli. 17 Ile abhagosi bhale bhebhakutabhala ihinza bhabhaziwe kuti bhakwanziwa kubhatindiha ahinji, hasa bhala bhebhakuyishugulisha kumanyizya izyi lya Mulungu. 18 Ingalelo insimbizyo gakulonga, "Utahamdinde ing'ombe kwilomu wakulya inafaka,'' nu ''Mbhomba mbombo akwinziwa umshahala wakwe.'' 19 Utahaposhela andonjelezyo izya mgosi yoli inga abhateteli bhabhili au bhatatu. 20 Waonye wakosaji mbele ya watu wote ili wengine waliobaki labda wataogopa. 21 Angukulajizya kulugano kulongolela kwa Mulungu, na kulongolela kwa Yesu Krisiti, na bhahabhi zya abhatebhule, kuti utunze indajizyo izi bila ubhuzyungo wowondi, na kuti utahabhombe imbombo yoyondi kwa kupendelela. 22 Utamubhishilaje umundu wowondi inyobhe nanali. Utahashiriki imbibhi izya mundu uwamwabho. Yikumwanza kumanyila wumwene ubhe wemwinza. 23 Kutakwanziwa kumwela aminzi bholo. Badala yakwe, umweli ahanzi kwajili ya palwanda na mawinu gaho agawila na wila. 24 Imbibhi inzabaazi ya wandu zikumanyiha apazelu na kubhalongolela kuwulongwi. Ilelo zimo imbibhi zikufwata awinza. 25 Inga zinizi, imbombo zimo inyinza zikumanyiha apazelu, ilelo zyondi izya mwabho tezihafisishe.