Sura ya 5

1 Ungubhalabha mubhagozi mwemuli peka, ine ne indi mgosi wamwabho nu shahidi wa kuteswa uKrisiti, na uwope ghughula mputi kuwiza webhuhayiloleha. 2 Ishi, ungubhapa umoyo imwe mubhagosi, dimaji abhandu bha Mulungu lyelili mumwinyu. Lyenyaji tekuti mkwaziwa, mwiza pe mkwigana isho, kubhalilana nu Mulungu. Lyenyaji tekwakugana ihila izyi soni, ilelo kwa kugana. 3 Muyibhishe bhamwene kubhibho bhebhe bhali pasi yawenyelezyi winyu, mubhanje mweshilolelo kubhandu. 4 Inge umuputi umupiti abhayilolesya, mhayiposhela amauwa iga wiza webhutakutezya uwiza wakwe. 5 Nashinisho, mubhana mubhasi, muyisya je kubhasongo bhinyu. Imwe mwendi, kwata je uwishe na kwvwana mumunemwe, uMulungu akubhoma abha maluli, ilelo akubhapa uwiza bhebhakwiha. 6 Yikwaziwa mwihaje pasi yi nyobha ya Mulungu yengemu pakuti abhimile kuhabhalilo hakwe. 7 Mubhihaje indamwo zyinyu pamwanya yakwe pekuti akubhajali. 8 Mubhanje bhakwiha, mwenyaje. Wula umubhibhi winyu, ushetani izya isama yeyikuguluguta akubhendele, akwanza umundu uwakumzepula. 9 Yimilila kwa kugalulanya kwakwe. Kubhanje na maha kulwitiho lwinyu. Mmanyaje kutiabhaholo bhebhali msi bhakushilila amayimba inzigo. 10 Kwa kuyimba kumuda umusi, uMulungu uwa wiza wondi weabhaponyize muwiza uwa wila mkasi mwa Krisiti, ahayibhamalilizya nakubhapa amaha. 11 Uwila bhube kukwakwe wila nu wila. Amina. 12 Kumtiniho Silwano inzuhulo uwiyili, na imbasimbiye imwe kubhusi kushilila kukwakwe. Ingubhapo umoyo na ingubhapo njila kuti shem na bhasimbiye wiza kuyoli uwa Mulungu. Mwimililaje mkasi mumwakwe. 13 Bhebhitishile bhebhali kubabeli, bhebhabhilishililwe peka nimwe, bhakubhalamuha, nu Marko umwanawani, akubhalamha. 14 Lamuhanaji kila mundu kwa kufipa ulugano. Nu lwitiho lubhe nimwe mwemli mkasi mwa Krisiti.