Sura ya 4

1 Ishi, kwekuti Ukrisiti ateseshile kumubhili, yikwatizye ivilwilo ivwi nsibho zizila. uwene bhamayimbile kumbhili asogoye ni mbibhi. 2 Umundu unu atakwendelela awinza kudila mu msunguho inza mubhili, yoli ku lugano lwa Mulungu, kundilo zyakwe zyezisyaliliye. 3 Kuti ahabhalilo hehashilile wuyanile kubhomba imbombo zyeabhakuhisi bhakwanza kubhoma- uwibha, insibho imbibhi, kuholwa, uwupafu, indanjila izyashipagani ni uluhumano ulwa shiholanyo zyezikuhalazya. 4 Bhakusibha kubishiswigo wemukuyefwa kubhomba izyo pekanabho, ile bha kulanga imbimbi kukwinyu. 5 Bhahayifumwa imbazyo kukwake walitayali kubhalonganya bhebhapuma nabhafwe. 6 Shezili kuti indumbililo yalumbililiwe kukwabho bhebhafwe, ilelo na kuti bhahalongwa mabhili gabho kuti bhanadamu, inga bhawezye kwihala kufwatana nu Mulungu kumpepu. 7 Kumbelela kumbombo zyondi kukwinza. Ilelo, mubhe nuwumanyi uwanayoli awinza mubhe ninsibho inyinza ilekuti kundabho zyiyu. 8 We kushili kumbombo zyondi, mubhonje mwe bhadaga kulugano kwawekaweka, inglelo ulugano lutiakufwata kugubula imbibhi zya bhamwabho. 9 Rolesyaji ile mtayilumbuzyaje ha. 10 Inzavye wekawinyu vyaposheleye ishikunjilwa, mbhombela inza kwa vwana, inza bhebhakusimamila ahinza bhavikunjilwa ivwinji zyezifumilwe abhulo nu Mulungu. 11 Inga mundu alonga, nagabhe ndajizyo zya Mulungu, ninga umundu abhombela, yabhe inza uwuwezyo wapeliwe nu Mulungu, inga kuti imbombo yondi UMulungu apalekutinihwa kushilila UYesu Krisiti. Ubhutiniho nuwuwezyo vilinuwene uwila na wila. Amina. 12 Waganwe, matahabhazye indingo yeyikwinza kubhalinga inza ahandu ahajeni, ingalelo ku nahandu ahajeni heshikubha shikwinza kukwinyu. 13 Ilelo navyemkunjela kupata uwumanyi uwa mayimba aga Krisiti, mshanje, inga kuti mshi awinza na kululutila kuwugubulo uwalutiniho lwakwe. 14 Inge mligiwe kwitawala Krisiti, msayilwe, ingalelo umpepu uwa lutiniho nuwupepu wa Mulungu wukwihala kukwinyu. 15 Ilelo atahabhe wowondi uwa mayimba inzaga kugoga, uwibha, umubhomba mbibhi, au wakuyi bhombezya imbombo zya bhamwabho. 16 Ilelo inga umundu akuyimba inza mKrisiti, ataha lole insoni, yoli amtinisha uMulungu kwitawa lyakwe. 17 Ilelo ahabhalilo hafishile ahawulonji kundila mshibhanza sha Mulungu. Ilengayikwandila kukwetu, yihayibhabhuli kubhale bhebhata kutiniha indumbilililo zya Mulungu? 18 Inza ''Uwanayoli akupshilwa kushilila amagomu, yitibhebhuli kwa mundu wetewanayoli nu wimbibhi?" 19 Ilelo wondi bhebha kuyimba kufumilana nu lugano lwa Mulungu bhabhishe isibho zyabho kwa mpeli umutonsu inga lelo bhakubhomba aminza.