¹ Udevalosha vwandu ko idambuka mboha ko vwaja valore, na iadanya ivwaloi ko kila uya njicha. ² Vwalamudenge mdu wowose vwalave vekavana vwave vwecha, velorana ucha wose ko vwandu vwose. ³ Amu ipo kala ise koise divekeri jiode orongopo, jivekeri vanyamari dilelembwa kunudikenarudia na iwadia kiriso na uvichwa shindo shifoje. Ikeridamia uvichwe nyi uvichwa dikenailushira nailushiana. ⁴ Kake igwe oo Mwokozi odu Ruvwa, na ukundo wake ko vadwa, uleshukujwa nyelejikira. ⁵ Ise ko kitevi kija irunda jaloi dilentaize kitevikia ucha wake, koisanjwa koinika mara ya kavi na ighaluswa uhia na mmu mele. ⁶ Uja elejibusuja shifoje. Ko jia ya Yesu Kristo Mwokozi wadu. ⁷ Kinesa diitaliwa shicha kambora yake. Kinesa didime iutiwa ilambwa pinya ya mufurisose. Chakundu kikeri muidikije odu. ⁸ Nyi kideda jedanya, na shindo isho ngawri ushidede ko oru, kinesa vaja vamuidikije Ruvwa, vakumbuke idamia ko shido shicha. Isho nyi shicha kavi shionde ucha kavadu. ⁹ Kake shinda shautondo ulekane nasho na saba, na maunangwa, na ihana va loi ko mekoja vaode faida kavi amu. ¹⁰ Mdu akeri ongongo, bada ye miikimbia amu kiya kuoka na jakavi, bofulo. ¹¹ Komanya kee mdu kee icho nyadeka, kavi nyakenauta sabi, amu nyelekura modonyi amonyi. ¹² Ihandu gapemuduma Artemi kwapo ana Tikiko, divamanya icha jakwa kumu Nikapoli, ko amu kunu nimekusudia idamia kigeri kiya mbeho. ¹³ Zena uja mwana osheria na Apolo uvanamade ko ori, valasiija na kindo kiokese ¹⁴ Vadu vedu navo vakuloshe idamia ko iuta mecha ko iruda shindo ikambirana kinesa valave ndunda. ¹⁵ Vandu vose vakeri kimu vandedikire. Didikirie vaja vajikundie ko imani. Mbora idamie kimu nainye vose.