¹ Kake na ingwe deda shindo shiode malashia vwaode uzima, kiya mekoja vwasuri vyawode ivedeja. ² Wazima kokitevi ikunda na katika ikunda na katika ivedeja. ³ Kudo kudo na vasuri vwavwaka vwaye na mdambuke wo uwele vwalave veilikia, vyalawe vaonde ija mvijo uvoje, kake vwakenalashiwa shicha. ⁴ Kinesa vavadikire vaka vasoro orongo, vavakunde vami vavo na ivakunda vana vavo. ⁵ Naiva vwaode kinina iva vaile iuta uya numbenyi kwavo, iva vecha, i tuwatii vomi vavavo vyavenyi, kinesa kidedo kiya Ruva kiladengwa. ⁶ Kudo kudo na vyasoro vavomi uvaitanave iva na kinina. ⁷ Kitika shindo shose ukenakulora ingwe kumonyi iva kilagaro ko matendo meecha, na katika malashio vapo ulora uloi na usitahivu. ⁸ Na shidedo shiode oru shilapedima ihukumiwa makosa kinesa uja amonyi ikaviona atahayarike, mekoja dilaonde kidedo kivichwa ja deda uye yedu. ⁹ Vyatumwa vavaadaye vadumi vave, vevango rosa ko shindo shose valave wepesi vetalua. ¹⁰ Valawe vaimbi ila vwalore uloi mcha ko vose, kinesa vurararike malosho vura Mwokozi odu Ruvwa kitika shindo shose. ¹¹ Amu mbora ya Ruvwa ikenatarama vwandu vwose imeshukwa. ¹² Nayo ikenadilosha ilenga uvichwa na kiriso kiarikenyi, didime idamia ko kinina na loi, na utauwa katika ulimwengu ichwi wolwaha. ¹³ Dejilambwa imanya jiode mbera na ilorwa umangi o Kristo Yesu Ruvwa mudue na Mwokozi odu. ¹⁴ Ichwo elekufuna goo yake ko kitevi kiedu, kinesa nadikire na ngoo zedu sose, na idisanja vandu vawe idamija jake amonji vaja vaode ikambira na koshindo koiruda shindo shicha. ¹⁵ Deda shidedo isho, ikimbia na iuja ko oru lose. Alakumene mdu icho wowose.