¹ Kokitevikyo inyi Paulo nyi mpungwa wake Kristo ko kiteve kyanu inywe mlaichi. ² Koje meichwa kidedo kya mwitori o mbora ya Makilunga ngale negwa kokitevi kyanu. ³ Kee koipusujwa ngaletorwa kirikye ikyo. chakundu ngale songwa ivareghia shidedo shiitale. ⁴ Koikyo, Mkasoma, mpedi ma i manya iichwa jakwa ko kikurikye kya Kristo. ⁵ Kikurikye ikyo kileviwa vandupo ko mashao vengi. Chakundu mlepunujwa vedumwa vake vaele na valeshi kala ki ko ngoo. ⁶ Kee valaishi nyi varisi anduamu vaurisi umu, na va osese lumu na vakaa andamu naise va velajia jake jikeri ko Kristo Yesu ko iidye kidedo. ⁷ Kidedo kyo nkyo ngaleutiwa monfarama, kochakundu kya urango umbora ya Makilunga ngalinigwa kuchakundu ya iuta jake ⁸ Inyi, ngakeri mnina gausie icho mnina ovaele vake. ngali nigwa mbora ye vaikimbia valaichi ushuma wake Kristo ulapevaighara. ⁹ Navalangaria vandu vose vamanye shidedo sha iitori sha shindo shikurikye ikyo, nayo fuma kale sose kile kulora ko Makilunga ashumbie shindo shose. ¹⁰ Kinesa lwaha, ko iidya kanisanyi, Makene ya Makilunga ikeri kafoje imanyike na Vamangi na vaitori ko orika o ngoo. ¹¹ Kokija ekileje ja ndarasi jija ejieleje ko Kristo Yesu mndumiadu. ¹² Koicho jiode ikusirya na idima ishikya kokufui koi mmanya. ¹³ Basi ngatereva mlause amuli kokitevi kya ukiva okwa kokitevi kyanu, Sija sikeri udue wanu. ¹⁴ Koikyo ngape muilikya papa n'ndimi, ¹⁵ Nacho koirina jake upapa wase onveu na orikenyi unadikirwa, ¹⁶ Vasarienyi, koaja ushuma oudue wake, iutiwa omiri kopinya, ko uja o ngoo wake kondo kya ngoonyi ¹⁷ Kristo nadamye ngoonyi sanu ko imanya nkeri na sinde mwimbi oukundo. ¹⁸ Kinesa mdime imanya anduamu na vaele vose Chakundu ukeri itandahaa ileha, iimsana, isokya. ¹⁹ Naimunya ukundo wake Kristo lusye imanya kochakundu ukeri ufoje mwade ishomoka ko ushomoka wose o Makilunga. ²⁰ Basi nakundiwa icho euta shindo shalai mnu siisye isho jina tereva ana shija jana shisarya, kokija pinya yeuta uya ngoonyi sedu. ²¹ Oe, nakundiwa kanisenyi na ko Kristo Yesu na mbonikaavo yose ya ndarasi na ndarasi. Amina.