¹ Inywa mvepia kovarimu kokiteve kya inyara ja unyamari wanu. ² Naso mlesivadia kalo koivadia sha orikalu naivadi mangi oidima oruweu, ngoo uja echauta uya lwaha ko vana ja vanyamari. ³ Navo kalo, ise jose naise jileenda ko ivo, ko ikunda ja nyosese, andu jile uta ikunda ja osese naikusara, ji kava ko tabia jedu vana va nyashi chaivo vengi. ⁴ Kake Makilunga, kimekoja afojwa sanu, ko makundo vake madue nyale jikunda. ⁵ Nakie kija jivepia kokitevi kya inyamara jedu. nyale jiilacha anduamu na Kristo; Ee, jile kirwa ko mbora. ⁶ Kajirusa anduamu nacho, Kajidamina anduamu nacho ko orika lo ngoo, ko Kristo Yesu. ⁷ Kinesa kalako kanecha nasilore ifoja ja mborasake uisie ucha wake kodu ise ko Kristo Yesu. ⁸ Amu mlekilwa ko mbora, ko imanya; nayo nyio ilale ipo shikondu, nyi urango mdue omakilunga. ⁹ Nama chiutapo, Mndu wowose alauche kuitarije. ¹⁰ Amu nyi uya wake, jile umbwa ko Kristo Yesu, jiute shindo shicha, nacho fuma kwoka Makilunga icho aletobira kinesa jienda nacho. ¹¹ Kokitevi kya isho tashukenyi kee kala inywe, Mkeri vandu valaishi kokiteve kya osese, mnelaghwa madiniwa na vaja vanalaghwa vadiniwa. Ee, idinwa ja osese nyi nyile utika komoko. ¹² Kee kala kaja mvekari muode Kristopo, Mleloje na vada va mrasenyi va Israeli , vaghanu valakeri vandu va mma ja ilorija jija. Mvekari mleode mleng'idye, kuode Makilunga orikenyipo. ¹³ Kake lwaha, ko Kristo Yesu, inywemvekeri kwacha iho kuoka mova kufai ko ndakame yake Kristo. ¹⁴ Amu icho cho sie yedu, alejiutia ise jose andu jivekeri vavi iva umu, Kakisanja nag'anda ya makidi kyejile la nisye. ¹⁵ Nacho kame ufuna ukituva ko osese nkyouitori yeitimita sija siitanaviwa. Kinesa naute ivo vavi iva mundu muhya umu iposhi kwake. kauta sie. ¹⁶ kava dosiria vose vevavi na Makilunga osese kumu koidya msalaba, kame urika ukituva uja ko msalabacho. ¹⁷ Kacha kaikimbia sia kwanu inywe mvekeri kwacha, na sia kovaja vekeri kufui. ¹⁸ Amu koicho ise vose jile ona chakundu jipe mshikya papa ko ngoo umu. ¹⁹ Ifumalwama inywe chivaghenupo nama veidapo, kake inywe nyivandu va kanyi andu amu na vaele, Vandu vakanyi kwake Makilunga. ²⁰ Mshumbiwa uye ya igho ja vedumwa na valashi, na cho Kristo Yesu amonyi nyigho jing'anie ja mbarinyi. ²¹ Koicho numba yose jina sangiraniwa necha naileha najive ikanisa jiele ko mndumi. ²² Koicho inywe nainywe mleshumbwa andumbwa anduamu iva andu ake a Makilunga ko ngoo.