1 Ulau, vanavana, jiterevienyi, kidedo kya mndumi kitalwe, na imuadya makene chakundu kineri kwanu. 2 Jinde kirwa na vandu valeinyarie, vavichwa, amu ise vose jiichi. 3 Kake mndumi nyi msalari, apevavika pinya naivaringa nauja mbichwa. 4 Naise jikina mvedeje mndumi koshindo shanu kee mnauta chakundu jilevavia kavi kee mpeuta. 5 Mndumi nava songoje ngoonyi sanu muade ukundo o makilunga, na ivedeja ja Kristo. 6 Vanavana, javavia korina ja mndumi Yesu Kristo, kusambuenyi moo sana na vanavana valasumanije, nama chivadia mwandijeya yedu. 7 Muichi mvenyi chakundu kimanyanenyi ivadia, kukitevi mleenda mlaode msumano kwanupo. 8 Nama jileja kande kemala wowose manapo nyi koukiva na ngitema, kio na msanyenyi jile wa kinesa jilachemlemaja mndu wowose okwanu. 9 Chi kee jilaode iitoripo, kake unesi meosedu sive kindo kye kulosha kwenu, mjivadie. 10 Kimekoja na kieri anda jivekeri kwenu jile vavia kidedoki, kee kuode mndu alauri ileta uya, basi alaje kando. 11 Ama jine vaichwa kee kuode vandu kwanu vachienda valaodamsumano, vaode uya savo vavenyi, kake vakinauta sindosha vengi. 12 Naise javavia ivo, na naija kando kavo vavanyi. 13 Kake inywe vanavana, mlalemwa iuta mecha. 14 Koje mndu wowose alapeeda kidedo kyeda kya mreghou, kula mbuenyi na cho nama mladelemachopo, mnjwa. 15 Kake mulamuita lye mndu mbichwayo, kake mkemienyi cha mundu anu. 16 Lwaha, mndumi osia amonyi navaninga sia mfuni yose kila kindo. Mndumi nawe anduanu nainywe mwose. 17 Ngava dikirenyi inyi Paulo, ko koko kokwa ngimanyi. Ikinkyo mbuana ko kile mregho, nkyo mreghye okwa. 18 Mbora ya mndumi odu Yesu Kristo ive anduamu nanywe mwose.