1 Basi vanavana jakutereva kokidedo kyecha jake mndumi odu Yesu Kristo na ikusang'ina jedu shanguni lwake. 2 Kee mlakajwa ovichwa movinyi nama mlacheilija chakundu muuri, mlakangiswa, kongoo, nama kidedo, nama koiregho vakinaita jedu, kee mfuri ya mndumi imeshika. 3 Mndu wowose alavalembe ko njia yoyose, anu ipecha, ulamacha udekwa, kashukujwa munduuja mnyamani ama mwana Onyamara. 4 Uja mpingi ekweita moo wake uye kila kipendikirwa makilunga ana inghalusa nacho amonyi edamia ikanise ja Makilunga, ekwora moo wake ncho makilunga. 5 He mkumbukye kee kieri ngekeri auduamu nainywe ngale mbie isho. 6 Na lwaha kinashingia mujiichi uja hakuine kierikyake. 7 Amu kija kyekuikye kya mnyamari lwakudi kinautika kake akeri anaitericha lwaha paka andu apesemberwa. 8 Iho nyiho shukwa uja mnyamari nacho, mndumi Yesu apemwagha komumwa o momu wake. 9 Imarija koishukwa ko ikaajake uja ichajake nyi mari iutajake mokitau, koidimajeseria kimekulora na laisa vongo. 10 Na ilemba jose naiinyala koivo vana deka, kokitevi valeidija ikunda loiiyapo, kinesa vakirwa. 11 Koikyo makilunga nyalevaendye pinya ya udekwa vaidikije vongo. 12 Kinesa vavaitimite vose vaja valanaidi kija loi kake vekero venakavorosa na shindo sha udwekwa. 13 Kake kijioda ise imtereshe makilunga mfwi yose kokitevi kyanu, vanavana mkundiwa na mndumi amu makilunga nyale vasumbura ifuma kuvoka kinesa mkirwa, isanjwa na ngoo, na imanya loi. 14 Nyale vadikirya inywe kakitevi kyedu kinesa iado udue o mundumi mndumi odu Yesu Kristo. 15 Basi vanavana imukanenyi kopinya, mnda vaada shija mlatoshwa ana koshidado, ana mragho odu. 16 Na mndumi odu Kristo Yesu amonyi, na Makilunga mndumi odu, ajikundye kajinenga sia ya undarasi na ivedaja jicha, mborenyi. 17 Navafunjio iringoja ngoo sanu, na ivavika pinya ko kidedo na kokindo kicha.