1 Ania Paulo saqadiyusmo' Yesu Kristo kwada ta atee' as tawa ya/abuusmo, tire diimbi' as ya/abto'r hho' ar Mungu. 2 Ya/abroori' an tada' a alqadi qaro dir aaruusre'n baraa' haraa' aye da'hhoo. 3 Tada ar daando' garmaawo's kwada' taa laqwal baraa' talahha'y Daudi ale. 4 Kuree /awaakee'smar aleesleem tawa garma Mungu nee /uuruu' hhoohhoone nar aleesleemuda' oo Yesu Kristo Aakore'n he kure waasle/tis wa amo'r mu'k aa qaatla. 5 Inosooda taa geemu' tawa wa slawaa'n ne ya/abtor askahho' xoordu slee'mer tiwa ya/aamtiisiye' nar hartlinta'o ne as umoowo's. 6 Dir inooin aadae' kuunga tunda waagwerne Yesu Kristo. 7 Dir kuunga' oo Rumi kuunga'da taa slaa' nee Mungu tuundire atee't as tlehhimi'iihu'ng kiwa amoohhe'esi. (hhohho'eesi), Baabote'n un qeemuu' tawo'r ii haniis ne waydota' oo Mungu nee Yesu Kristo Aakoren. 8 Ar qeerawo un ma'amiis Mungu e'e baraa' Yesu Kristo as kuunga' sleemeerowo asma haratlintaorhu'ng ka alki/iit baraa' yaamu slee'meero. 9 Asma Mungu' ngi xuu' ido'r ana kuunga nur aleefiririin umo dagitaro as ya/abto'r Garma' ido'r kunga nur aaiim dirose. 10 Baraa' saalingw'ene xeemu' ayaahu'ng'w un firaarii maso' k baraa' deelor sleewer bara Mungu' aa'iie nga ya/a'n. 11 Asma aslaa' kuunga nuwa ar dawane' nuqaw tsuuwaa qeeruwo kahhoo' tundu gawdeesi baraa haraatlintaaoro. 12 Daqanerko' ti qurdkwa/amisaan an ne kuunga' baraa haraatlintaor hung ne te'ene. 13 Ga'rwake a sla'aaka' ngiwa duquum qa'r an a ila/ ki/maa yaarige ideer tam hindin xu'utiismaso mu'ku ni huw amor yesu unsa'w tam ayaa hunge ido'r xoordu' hatlae. 14 Ti tlatwis ne muku Yunani ne muku baraa' Yunaniro kahha'. Ti tlatuus ne muku' sagaa loo'ar koom ne koda sagaoloa waslen. 15 Tam ne al idooriye asloo ya/abtor hhoo nguwa alki/iit dirhunge sleeme kuunga oo Rumirhoota. 16 Asma ya/abto'r hhoo a Ilaamure'n wa araa'araaka' dir koda ngi haraat liintatia i ba/ama'r huwaahuwaahab ay dir Yahudimo tam a Yunaniro sleeme. 17 Asma Mungu idoo ng'a geehhoatis nar ido'r hee ngu'r harima'ri haraataari nar idoodar gooiikat. 18 Asma Mungu' buhhaawo's nga geehhatis imir dawriwo gawa tlakweemawo neas deelaanoo mukwada loo'ema ngi lu/uu /uma' (ng'a tlaangkiye'). 19 An ga'r ka'ngw daando' Mungu isaa geehho'ay dir ine asma Mungu kangw ng'wa xu'tiis. 20 Moroda ga/aango ta ido slaslayka' aa geehho ay iimir yaamu kiwa tlee'hh nee ku tsatsa hhan as moroda ta ga/ay an aleeslee muwo's o qa'anqar nee Mungu iiimas ar iitleemuwasl, (deemuwa'sl) alkwiirko' ido'r tar maatin ika'hh. 21 Kaangwi a asma tam Mungu ng'uwaa xuiye' ngwaxiresiyeka' as tawa Mungu laqa kwa na'ameesika' tare muku' hhaquse tleehhiit hhawor in nee xu'awasler in tire alae' kiree giwtirituuntu'uk. 22 Inooin tam Mungu' ng'wa stsaahhi'i, ala ng'iwa xirfayesiyeka ar gidaaba tawa naang'ay iinslaway in giwtir hhaaw ngire ak ot. 23 Xirfuu' Mungu kooda hhitwuutakaaka' kure wargee's tare aido'r kooqa o he ne o tsir/i ne makitoo'r ya'a tsiya'hh ne moro hatla' gurhiimita' la hiitinor in a tla/af. 24 Asmaaidosiye ngire ma'y baraa idooda slaiya' slaqooin ngire murekeemisii. 25 Inooin hooeema Mungu' ngina waa'athane nar lama moroda Mungu a tleeh kuna ilaiwawaal nee kure xirfee'mis Mungu kila kwadoo tleehharusmoo kwa xirfee'misika Mungu kwada tga xirfee'misi ay alhhe'eesay masle. 26 Idoorihe Mungu' inooin ngire ma'y asma ilatle erir in ar mure wasl kwa digrdeel /ameena tlehhemuuin kwada hariim tawa alhooti nee hhawaate kana waqe's tare kilooin fuqu's nee /ameena. 27 Hhawaate sleeme tlehhemuin oo hariim tawa alhooti nee tiyaa'y kuna may tire kilooin ila tleeruusii lo wa ale tlehhemi'ii harma'aak murer kooma ngire tlehhitii dir hhawaate hatla Bu'utuui inooin wa hariim gawaa slaqooin wa ale. Asma Mungu' nguwa si'ii baraa xu'utir ene bawaa' idoorihe Mungu sleeme inooin ngina ma'y braa' hhaslor' tada a hhitiruut as marooda hariimaaka kuwa tleehhi. 28 Asma Mungu' nguwa si'ii baraa xu'utir ene bawaa' idoorihe Mungu sleeme inooin ngina ma'y braa' hhaslor' tada a hhitiruut as marooda hariimaaka kuwa tleehhi. 29 Inooin maroo hariimaakahe tana taa'ts nee tlakweemawo nee ilatleeriro, sagaagawdu tare haa't da/ito tsu/uta nee xisla a yayma nee as fookay. 30 Inooin sleeme a /ayseemuuse Mungu ngure aa'hhiitii tare sidooduu's tatr daara/a'n tare mu'k ti kilooin xirfee'mis tleehhiit mu'k tlehhemii tlakw leeleehhiit mu'k xwaylite'r in ila iwawa/aka. 31 Inooin a mu'k fuquraangw wasl mu'k insr=ereehhir koo'm muk mukin ngu sla'aaka nee mu'k gurtleemu' wasl. 32 Mukwi askwasleema'r ganaa' ar Mungu ka lo' wa xuu' gidaaba hee' ar aroowi ngu tlehhahhiit gar kuwa hhoo' a gwa'ara ala tawa ala idoorihe inooin moroowi ku tlehhit nee gar ak tlaakw a gidaaba inooin mukda moroowi tlehhiit ngun aleeya/aa/aana sleeme.