Tsufa'y Mibaa' Nee Lahhoo

1 Qooma'r sabaa'to iwa waarahh, Maria magdalene nee aayo'r Yakobo, nee salome mooyaangw kuna tlaaxw oo slaqwla' Yesu kan slihi. 2 Matlaatlee bo/a bolar Jumapili, qooma'r /ooa niwa tsiirihh tar amo'r baara ka'y. 3 Nire kiloin axweesi, ta kaa'hh, tlee tlaa/adar gawaa' afku baa' ngi gwangwaraa' a maa'?" 4 Tawa qaytsiit, naxw's tlaa/da kana a'r kaa gwangwaraa' slaimka /o' wa yangaariir. 5 Tare da'h baraa' /aanta, masoomoo' inqwoarir /awaah nga tsiit kuri ar aa iwiit bihhaa' doo' /iyo'y, tari waa/oo/. 6 Ino's giri ba'y ma waa/oo/amimara, aning a xuu' kuunga' hee' hee' ta /ee/ehhita' a Yesu Nasareti, kuda' taa gawaa' msalaa'ba'r i kikii. Ga/aawaak, dida' geeraawo kway qaa's a diiri. 7 Ala tlawse, eeharuseeros idabawak nee Petro hi beera, Yesu aa Galilayarii giirin. Amoodae u aanda adooda ngira geerii oo,." 8 Tari tla'y, tari la'aain diri /aantaro, asma daaraxaay' gina a'y nee waa/oo/amo. Ta sangw heewi ilawatsiika' asma nina da'ayutiye'. 9 I ba'l Jumapoli matlaatleero Yesu iwa waaslee/ hee aa geerii harhii'it a Maria Magdalene, tida aang nee tlaameer taanqus ngiwa duxuu'n. 10 Inatleer nee ngire adbeemueer mu'kda aang nee Yesu naa adinku'umaamisiye' inooin qoomaa dae ta kumiit tsuunqumis nee /aa/eewo. 11 Inooin kawa axa'as ido'r Yesu ir slaaf, nee ido'r ino's ngura aa'n t aya/aniika'. 12 Alaa tiye mu'k dimbabey nguna haratiimit nar ido'r dimbabegi dir mukko tsa'r oo hatlaa nguna hartiit qooma'r tawa hiit tawati'imit baraa' ayko. 13 Nee kuka nay tlae' kaangasi kure ilahaniis amo'r kuda'a hatla, ala naa male' ya/aniika. 14 Yesu alhhe'eesaywo eeharuseeda' mibaa' nee wa'k qooma'r tawa /ayin ngire harati'iit, girii gilin asma haratlintaao waslerin nee asma munerein kawa gawade'n asma inooin axweesanta mukda' ino's gwa ar, ala inwa baraa' /aantar wa waaslee/ kaa hawatlinti'iika'. 15 Aluwo Yesu ngire ba'y, Tiawse baraa' yaamu slee'meero, ya/abtor hhoo alki/itaak dir muu slee'meero. 16 Oo gaa haratliintii kway baatiis ba/ama ga sla'y oo gaa haratlinti'iika ku sakwasleemuu't. 17 Nee layuu'ka ti kona' nee mukda gaa haratlintii'i nee laamee ka duxun ar umuuee, ta axwees ar tsifrii /aben. 18 Amato/ay tamka ohin, laqaa gar tsu/ut burka wah, gar ngi aw ikahh tam ar niina. Dabain birha gawaa' tiqtuuser i qaa's i hungaagu/. 19 Aako Yesu axweesanta diriin ngiwa hhe'ee's kuharar tla'y gawaa' door, ir iwiit dakw doo' /iyay oo Mungu'. 20 Eehharuuseeda tare tla'y ya/abtor hhoo kare alki/iit umoo'qo diiro, Aako nee inooin tay al gadiyu'us, /uuruu' axweesanto's ngire geehhooatis ar /aya'a naa tleehharumiitiye qoomaadae'."