1 Matlaatleer bo/a, kaa'hamuser ure ar Mungu' tunado giye dir kwa nee barii seero, nee intsaahhatuser hara'eyar Musa, nee mu'k doo kwasleema. Slee'meero nir kwasleemutiye, Yesu kure tseek kure huu, kway dabaa' Pilato i qaa's Pilaato ngure yaahaas "Kuu'ng a waawatinoo mu'k Yahudiro?" 2 "Ino's ngire ba'y adoosing kuu'ng ta kat." 3 Kaahamuuser uren, Yesu ngure sakwasleemit muruu' yariir ale gawas ile. 4 Pilato ngure male' yaahaa's "mas ilawatsak? Muruu' yaariir oo tuwa sakwasleemut' u ga/ee'saake? 5 Ala Yesu aa male' ilawatsiika, Tamu Pilali idooda ngire waa/oo/. 6 umoo'qoomar sikukuu ure ar Pasaakuwo hee' wa'k baraa' mu'k taa tsegiiti, oo muu' i geerar wa slai kua gweer. 7 Mu'k ta tseekti idere baraa' kusingee oo wa'k baraa' koda a tsu/uutiy, baraa' mu'k tlakusero oo' baraa' tseeganoriin diria. Heeko ta ba'y Barnaba kuna tseel kinkwa nee mu'k hatlaa' asma tana slaqw as axweesanta wawita kuwa sii, muu kure tsu'u/. 8 Boo/aay iri harda'h dir Pilato, kuri iimu/un firooro adooda, /iis i tlehhaati ngiwa ngiwa diriin tleehhi? 9 Pilato ngire ba'y xayhe', a slaa'a waawutmoo mu'k Yahudi nguwa gweer? 10 Asma ino's ngi gergi xuu' ido'r kaahamuser uren ngura amoodii hu'p as da/ta tawo. 11 Ala kaahamuser ure'n, boo/oo muu' gway fuqurii qaa's as Baraba kuwa geeri. 12 Pilato ngire male' ba'y, "Ala kwi ta babeera a waa tinoo' mu'k Yahudi ido'r ngu /iis? 13 Tare tsee' ta koahh, "Kikiieek gawa msalaa'ba!" 14 Pilato, ngire yaahaa's "Gar aa tlakwees a mila? Ala inooin tare lo' wa tseeamim, tawa kaahi, "Inoona kikiieek." 15 Pilato dooda muu' i slai ngina tleehh, Baraba nguna gweer, Yesu kure diif-ar qaway, ngure haniis kuwa kihii'i. 16 Aaskari ngure hu' ay baraa' booma'r ur, Aaskaari slee'meero kure burumbuu'r. 17 Kure tsi'iitiis ar inqwaarir sirda/aat, slama'ngw laqaya' kure tlaatlaa'w kure gawaa' sagos qaa's. 18 Kure laweemiis takaah, waawutmoo mu'k Yahudi /aawaay, kure i tsuuqinta hara geerawo's i tumba raraamu't as kuwa ilaiwawa/i ar waniqaay. 19 Kure saga di'if nar daa'a, kure i tsuuqu'n. Tana geraawo'si i i gurungrei'imit as kuwa ilaiwawa/i nar waniqaay. 20 Waniqayqo kuwa hhe'ee's, inqwaarida' sirdaa/aax kare hingee's kure tlabaawo's i ki/is, kure tsee/ay huu' as kuwa kikiiar ay. 21 Loohiro heeko wa'k oo baraa' ny'ini ka'w kuna harahee's as msalaa'bar Yesu ngiwa gagaari umuuwo's a simonu yaamu kirene, baabuu'n a Aleksanda nee tufo. 22 Aaskaari Yesu ngure hup ay dirk ta babay Golgota, (gidaabaro's Farta saga). 23 Difaa'r taa mooya'ngw manenaner aleesoo'k kana mak dirosii haniis, as ngiwa wahi, ala ng'a sii. 24 Kure gawaa' msalaa'ba'r i kikii, inqwaruu'wo's kure qasmiis, tsawdo kare tleehh as umuu heewo gaaro's ngiwa slay. 25 Kuwa kikii a qooma'r looar ta'm. 26 Gadaaba' kuwa sakwasleemuu't kaa gwaadii gooin ar /aymu'ika, "Waawutmoo mu'k Yahudi." 27 Kuna kikii dinkwaa' nee Fismuwser tsa'r gawaa' msalaa'badu, kooko dako's oo /iyay, kuqa dakw doo basay. 28 (Gooi iri bol, tida' kahh, "Kuna tla/angw tlakuuse'r i harafaa'r). 29 Mu'k yaamuudae waraa'hh Yesu guri tloqmiis ta hara sagerin muumukuumiis, ta kaahi, "A haee'y, kuuguda' doo mungw gu feel, kway tlehh baraa' deelo ta'm i ale!" 30 Ka'r ti kilo'k ba/amis ti aweeris gawa msalaa'baro. 31 Aqoo nar idooda uruuser kaahamuuse nguna waniqusi inooin dinkwa nee intsahhatuuse haraayar Musa ta kaahi, Awa hatlaa' ngina ba/amis, ga/aaweek, ino's kilo's ba/amisaroti aleeslayka. 32 Kristo waawutmoo' mu'k Israeli, aso ni aweeri gawaa' msabaabaro, ate'n ku araa'n daqane u haratliaa'n. "Ta'm mukda nee ino's taa alkikii sleeme kure tloqamiis. 33 Looar /ahho iwa xee'r iimi ire gip yaamu slee'meero ay looa'r gwaleel. 34 Qooma'r looa'r gwaleele Yesu ire tsee' ar afor u'r, Eloi, Eloi, laama sabaktani, gidaaba'ro's a munguu'ee, Munguuee, an misa geexeer? 35 Mu'k dir iisagayda' wa axamiis ire oo', Ga/aawagay i Eliya ateetin. 36 Heeko wa'k nire amorqa wa taain, warqamoohi ngure hikiis baraa' difaa'r qarqaa'r, ngure siihh gawaa' afku daai Yesu ngure wahaas ar warqamooda' i kaahi lakiite' u araa'n axay Eliya ngu aweeisar aya. 37 Yesu ire tsee ar afo'r ur ire tsatiit. 38 Inqwaa'r baraa' boo Mungu' ar do' gwa qasis ire tla/a feehhit gawta wa ale ay baraay. 39 Geeraharusmo askaa'ri, kuda ino's gura qon aa geeraawo's i sihhiit, a dooda' ira gwaa' ngiwa a'r ire oo' ar /o' hewe a tsuwa Garmoo Mungu'. 40 /Ameenarka amorqa' saa'w wa xuumiis i deer A in Maria Magdalene nee Maria aayorin Yakoboda' niina nee Yose, nee looka a salame. 41 Qooma'r iwa Galilayar dirii nguna digidelei, nee ngu al/imamisiya. Nee /ameenar hatlaa ar yaa riri tleeme otal komhomaa ay Yerusalemu. 42 Qooma'r tsindowo niwa xaye, nee asma tawa deelor tiwa amohhenisiya' asma /ooaytlee'ro's a deelor sabaato. 43 Yosefu o' Arimalaya nina harda'h ino's a hee' ilaiwa/ame'r koo'm oo' doo' kwasleema nee ino's sleeme i waawuliima'r Mungu' daamaara'n ino's guruuwo's guna gawdee's ire dah ay amo'r Pilato, slaqwla Yesu ngire firin. 44 Aluuwo Pilato ire wa/oo/ as idooda' iwa tsewaa gwaa' geeraharusmoo' askaa'ri ngure atee't, as nguwa yaahi xay aaqo gwaai. 45 Geeraharusmoo' askaari iwa oo', Aa gwaa' Piloto ire ya/an slaqwta' Yesu nguwaa' haniis. 46 Yosefu inaqwaari ar sanda ngire tlaax Ngure aweeriis wa gawaa msalaaba, gari untsuus ar inqwarida gari qaa's baraa' baa'ar taa fool gawa tlaa/a. Tlaa/ar hatla' ngire gawangwara' ngire afku' baa' aada'r tuuntuk. 47 In Maria Magdalene nee Maria aayo'r Yose dida Yesu kway qaa's kari xuuxuu.