Tsufa'y Mibeer Tsa'r Nee Tsa'r

1 Yesu inaaxwes nee inooin male ale ner baraslaqasii inaoo. 2 Wawitiimer dor aslaqamis ne wawutumo hamsir na/aywos nga tlehh. 3 Ng'ina ya/aw sagadiyusero's ng'iwa kwahhasiyaa kode taatel niwaxayaa bara hemsi ala nee daqayiika. 4 Wawutumo ngina male ya/aw sagadiyuser hatlaa inaoo. Idabawak slee'meero kodaa ta atet qaytsilee moro/ayma ngwaamuhhees. Awe na damay ee kasiq, nee moro slee'meero ku amohhoo qwalasi baraa' sikuku harusi. 5 Ala musi kainkihhmuwaarika aletamosi. Bahha ale tana ki/i bara qamuin bahha ale tana ki/ii baraa' yamudaa tawa moroin werimisi. 6 Bahhale kineal tlatlay sagaiyuser wawutumo nee kinakiliqimis na kire tsu/u. 7 Ala wawutumo inabuhh. Jeshi ros ngina ya/aw kiwatsu/i kodaa na tsu/utiyee na ayain nguna da/iyee naer asla. 8 Aluuwo sgadiyusero's nginaba'y, "Harusi ka amohhoo' ala kudaa batetan aharimiika. 9 Gawaa' idosiye tlawsee ediri dogitor /ohir ur kwahhasaree mu'k yariri nee idor taale sleraa ni hardahiyee baraa' harusi. 10 Sagadiyuse tana tlay aydir lohir ur umooqo mu'k taar kunekwahhas ohhoo nee otlakwedo hamsi inahets dahayero. 11 Ala wawutumo niwadah dahaye slee'meero ngira xuxuu ngunaar hee wak otlabaa harusi nga dahasika. 12 An-dir wawutumo nguwa yahas, "Mulqumo adorhurasler hardahamu dir tlawu harusi ukondaka? Nee hee daa gar amu/ewats ikahh. 13 An dir wawutumo sagdiyusero's ngiwa bay isega hewi dabaa nee yaa nee kwahhak afeni baraa' giwti amosiye ga a/ae nee sihhe naa xoslingw. 14 Asma muktaatet kuur alaota tsawar kunina. 15 Aluwo Mafarisayo tana tlay nee idor Yesu ngureohiyaa ngina lelehhoar ay ner baraa/aymeeriwo's. 16 Ng'ina ya/awiyee eharuser in dinkwa nee maherode. Yesu n'unabayee' " Intsahhatusumo axuan-argidaba kung'a heloema na gartaintshhatimis aslaarir Mungu' ner loema garhe hatlaa ikah' ahhaslilaka nee heta baraa' qantus i kahh. 17 Gawaa' idoorihe ya oang' garta aldkut xa'y iharinda kodi kawa buan amor Kaisari baraa' dabemoolaqa slaay? 18 Yesu nginatsahh hhiturumar in ne inaoo gar anis-iaraadaa kuunga' hhahhafuse? 19 Pesa laqamare artakodr buundaa. Dinaer kana huu. 20 Yesu ngina yahas gitsa/akaa nee umowi aomaa? 21 Kuna bayo Kaisari Aluwo Yesu nginaba'y moroo Kaisari hania amor Kaisaria nee o Mungu' hanisa amo'r Mungu'. Idosi kawaadas tana wa/oo. 22 Alo kuna aytare tlay. 23 Balosiye Masadukayo hahhaale tane hardah e dir Yesu, kodaa kahaa wasle/amor muk-a qatli kahh . Nguna yahasiyee. 24 Kunaba'y "Intsahhatusumo, Musa ineoo bar he barhe alaqwalika agwaa hhiyawos /amerisi ngi ali ne nee na/ay ngu laqwali asma hhiyawo's. 25 Inaderutiyee hhae fanqw. Ogera ineduxun ne inagwaa na/ay ngwa laqwalika. Hare ngina dir hhiyawosihexay. 26 Aluwo hhiyawos aotsar idosir kilaa' ngina tlehh aluwo otami tare idosi ekoda ofangw. 27 Aluu idosi kaatlehh slee'meero haredaa' sleeme inagwaa. 28 Alo balo wasle/amuwo here si arma baraa' hhaesi fangwe? Asma slee'meero kana dux. 29 Ala Yesu ngina mu/ewats nee ngina ba'y an-dakumisaa asma gol axuaaka tam /uru Mungu'. 30 Asma baraa wasle/amuwo muw taduxuxunka laa kiduxutika. Ala muwa idor msika gawaa' doriwo. 31 Dandoo wasle/amo muk-a qatli ya agabalo somusiike todaa Mungu a amo'r kuunga i oo' iwakahi. 32 Aning a Mungu' Ibrahimu, Mungu' Isaka nee Mungu' Yakobowo? Mungu' a Mungu' mu'k aqatlika a Mungu' mu'k slaf. 33 Qomar bo/ay gasi kawaaxas tana wa/oo asma intsahhatimisowo. 34 Ala Mafarisayo, kawa axas argidaba Yesu Masadukayo, nga xasltis tinaburumburiyee inooin dir wa'k. 35 O wak dir ine a he damemo nguna yahas yahasar iara. 36 Intsahhatisumo alqador ur-ar slee'meero ngiba/a a gala baraa/ dabemowo? 37 Yesu nguna mu/ewats, "Ala Aako slee ner murowog slee'meero nee qeruwog slee'meero nee sagaba rog slee'meero. 38 Gar ana alqador geera. 39 Artsar nee tisis aslaqas aharima inslawumowag kuwaslaa idodaa kuung tirslaa. 40 Dabemo slee'meero nee aruse i baraa' alqodari tsar. 41 Nee Mafarisayo qomar tawa baraa' burumburitar kon Yesu ngina yahas. 42 Xa'y! Garta aldakutaa gawaa' Kristowo? Ino's a na/oo maa? Inooin nguna mu/e watsiyee na/o Daudi. 43 Yesu ngina mu/e wats ar idola Daudi baraa' geruwa nguna atet Aako ire oo. 44 Aako nguna alet Aakoee "iwit dakwee o /iiyay ay dir tsaxuserog kiqasi baraa' yaawog? 45 Bar- Daudi Kristo ng'una aletin Aako aluwo idorir na/aywos tlehhiti? 46 Hee ng'wa aleslay mu/ewatsto i male kahh nee i hahh heaqitl ga ngiwa yahasi male ale imiri balosi nee dolro a komit.