1 Yesu ne eharuseros tanahardah tsewema ne Yerusalemu ne tanatlay ay Bethfage ay tlomar mizeituni alo Yesu eharuser tsar ngina ya/aw. 2 Nginabay Tlawsee dir kijijir gera ne daqway udisieraa kwatseg ne na'/,ay daqway dinqway dinkwa ne inos-gwerak ngidir-eni kubaa. 3 Bar hegala tunda garbay dandoo tisiyee kungaa bawak. Aako nguslaa ne hesi qomarsix kilaa tundualeyaon nixeraa dikwa ne inoin. 4 Gari niatiit ne atodaa tindaoo ner bara aruse aharima iwabo'/,o Nginabay. 5 Dasuu Sayuni iwawutumo wog nixay amor kunga ne daqway ngwatsaan ne na'/,ay daqway hhawato na/ay daqwa onona. 6 Aluwo eharuse tanatlay ne nginatlehhiye todaa Yesu nginabay. 7 Nguna huuiyee daqway ne tlabain ngina gawain iqsiyee ne Yesu ina didiwit. 8 Oyarir bara mukdaa tlabarin ngina hhafiyee bara urwa ne bahhaale alewaxai kinatlaq ne kire hhafbara urwa. 9 Bo'/,ar gera Yesu wa hiit ne kudaa nguahiwa ehara haraa aforin kanatley tanaoo Hosana na/ay Daudi! kwatsuq kudaa naxay ner umoo. Aako. Hosana gawa toowale. 10 Yesu iwahardah Yerusalemu gixsa slemero tana kwaslit ne tanaooamaa kwi. 11 Bo'/,a inamu/e wats hewi a Yesu arusumo oNazareti ar Galilaya. 12 Aluwo Yesu inadah bara hekalu. Mungu ngina gusu afeni slemero kodaa tlaxumaa ne werimi saa bara hekalu wa ale. Sleme ngina gwa gwara mezadu kodaa helar warqemisaa ne kitariin kodaa tlawar weriamisaa. 13 Ngina bay kagoin. Doee kuatet doo saling ala kungaa ugwatlehhee dir. 14 Aluwo tapuu mukti aleslawak nguna hara hardah yeebara hekalu ngire hhoes 15 Aluwo qomar uruser Makuhani ne gouse ngiwaariyee moroo atlehhit ne ngiwa axasiyee ne/iitse eminaa bara hekalu waale takahi Hosana na/ay Daudi tana buhh. 16 Inaoiyee aaxami saa ti mukwi takahi? Yesu inaoo Ee Ala aga balo somusiike bara afer na/ii ne na/iiminakw kodaa duumaa xirfoo /oo ider? 17 Aluwo Yesu ngina gexay ne inatlay tse/a gixsa ay Berthania ire amosiqat. 18 Matlatlero iwakiki/i bara gixsa inaqwarit. 19 Xaano nguna ar bihhiurwi. Ina amodaaxuu ala gar a slay i kihh gawawose aqo ol/oo kilos. Nguna bay diroge /amu miyaqbalo darut maleale. Ne qomasar kilas xaano daa inamao. 20 Eharuse ngiwaariyee tana wa/oo tare oo aidola xa'ano ina moo aqo hindi? 21 Yesu inaoo tundunbabaw loemaw bar haratlinta or- atlehharut ar xa'ano kilos ala tlomar an beraa tiartlay ne ti kwahhi bara tlawi ne in tlehharut. 22 Gorqota finrindaa bara salindaa ne bar hera tlinta orkondaa ailaotaa. 23 Yesu inahardah bara hekalu uruser makuhani ne bariser muw nguna ihardahhiyee qomar iwa Tntsahhatimisi nguna yahasiyee. Ner bara aleslemu maa moroowi kuwatlehhit? Amaa he aleslemu sii ng'wa haris? 24 Yesu ng'ina mu/ewats ng'ina bay. Snisleme kung'mnuyahas yahasar wak birngaoee aning sleme ngioo moroowi gangurtlehhit aale slemu maa. 25 Batsimo Yohana amor niwatlay adoriwo laqaa amor muw? Tinakiloin yahamisiyee tanaoo baraoan dori ng'in dahh in-oi alo Musa haratlintiika. 26 Ala bar-agaoan amor muw mukwi udaay umitan asma muw slemero. Yohana kuwaga/ay a arusumo. 27 Aluwo Yesu kunabay axuanaka. Nginabay tam aning sleme ng'ioaka nar-aleslemu gala omoroowi ngurtlehhit. 28 Ala gartafikirusaa amila? Hee na/ii tsar Inadaqay dir o wak ne nguna bay. Na/ay ee tlaw gadiyetlehhar awek bara qaymo mizabibu. 29 bili. Na/ay inaoo aning adaqawaka Aluwo aldu koros nginawarqes ire daqay. 30 He daa in adaqay ay dir na/ay tsar gar aooaqo todar kilaa. Na/aywi inamu/ewats adaqw ako ala adaqayika. 31 Agala bara na/iika tsare o slaarir babowas ng'a tlehh? Tanaoo na/ee gera Yesu nginabay loemawo nun babaw mukdar ushuru ohim ne tsatuse tagirin dahamu bara wawitiimar Mungu gera ale dirhunge. 32 Asma Yohana nina xay amorhungw ar uruwar ganaa ala ugaharatlinti'iika nee oohumuse nee makahaba ngwa harati'iiye nee kuunga tisi kawa ande iwatlehhimiit aga hhoindi'iika as alo kuwa haratlia 33 Slaqasay hatlaa iatiqase. Heko ider he yamu ur kom oqaymo Zabibu ngunadahas. Tawang'ire qasixoslmo ngunatlehh o divai ng'irio/i ng'inatlehh /ampar xumuse ne ng'ina hanis dir muk zabibu ga/aw. Aluwo ina ay kuhatlaa kay. 34 Qamar buung zabibu niwanaka/a sagadiyuse bahhale nginaya/aw amor dos /usedar mizabibu - mizabibu woa kunalehh. 35 Ala duslusedar mizabibu nginaartlayee sagadiyuse daa owale ngunadifiyee ngure gasiyee ne ohatlaa ngunatlaqwiyee ner tla/e. 36 Ki/ima hatlaa heqaymo ngina male ya/aw sadiyuser hatlaa oyarir takodaa o gerawo. Ala dosluser mizabibu ngina idodar kila itlehhyee. 37 Alusiye ako daa nguna ya/aw amor-in na/ay wos inaoo na/ayee nguilaiwa/iyaa. 38 Ala doslusedor mizabibu nguwa aryee garmadaa tinabayee kwi aalusumo. Qwalasaree ugasan daqaniaten ali an-ohan. 39 Idosiye nguna ohiyee ngure kwahhiyee afeni bara qaymor zabibuwo ne ngure gasiye. 40 Xay he qaymo loo armizabibu birnahardah garng'iitlehhi dosluser mizabibu? 41 Kuna bay muksitlakw ngun hhitin ner idor llowa dihh, ne aluwo qaymo sir mizabibu ng'in dir dosluser hatlaihanis muk ngubuaa asma zabibu a hamar 42 Yesu nginabay goi akasomuseiike. La/anotasii ne muktlehhit a la/ano ur-omaper i tlehhit. Gari iamor Aako dahh bara ilarene a wa/o/omoro? 43 Idorihe mizabibu wawitimimar Mungu katatahh wa dirhung ne kahamis dir xoror/amu wos ngu ilaiwaw/a/? 44 Idorihe He qotawakahi a huu gawatla/anosi kun-ge qaqay. Ala umoqohetaihuu kunxos/. 45 Uruser Makuhani ne Mafarisayo slaqasii wos ngiwa xasiyee kana ar gidaaba' a inooin ngin xwes. 46 Ala umobarta dabatlesarslaa gawawo's ladaayumit asma xoro asma muu kuwa ga/ay a arusumo.