Tsufa'y Geera

1 Yakobo, ya/abusmo' Mungu' nee oo Aako Yesu Kristo, amo'r tlahh'iimibanee' tsa'r oo a diya/ati, lawaay. 2 Hhae' ee kuunga harfaraak abara warahhe' ne'r baraa slahha'amaye'r dimba dimba'y. 3 Xuak iaraaroo' haratlintaorhu'ng qitla ngu haniis. 4 Mawaak qitla gadiyero's ngi faki daqane kwa/amu u slera ar /arema kiwa konda' aaka baraa umoo'gaaro. 5 Ala hee tla/anghunge ibir sagaloa'r sla' ngi firin wa dir Mungu kwada ngi duxuut ne'r muno qwala/ nee kwa ngi firirima sleemeero ngaa gahhatika'n nee ngin haniis me'r sagaloa. 6 Fmeek ne'r hartlintao xure maqasaar, asma kwada xure nga qas a ido'r gwanduu baraa' tlawi kun ar tla'y kuwa kwakwahhi barti nee toqae. 7 Heewi loemawo miwa hhasliit ar gidaaba firoro's kwa ilaohi nee Aako. 8 Heewi urduuwo's a tsa'r nee baraa urduuwo's sleemeero aa gawduwiika'n. 9 Hhae narkutumo i harin tiwa xirfeesi asma sihhitimoro's. Idoosihe hhiya oo daqaarimo tiwa xirfeesi asma sihhitinoro's. 10 Idoosihe hhiya oo daqarimo tiwa baraa i ki/isi asma in warahh ido'r /ayo'r baraa qamuu wa pahhahhaat. 11 Loa bir na tleer nee hamhamir lo/o'r kahamiis /ayoo in huu nee hhohho ariro's sleemeero in qwa, idosir kila' muk daqare in hhiturutiya wa baraa tla/angw gadiyer'in. 12 Heeda' qiqitliim baraa ia raango kwaa tsuuq asma qoma'r i ara angwsi burngwa baa/ tlamangw slafingw ngu'n ilaaoh, tada taa a/qadin dir kwad mungu' sla'aa'. 13 Umoqoheewo oo iara' nga slay i harndaaka'n iwa oi " iarti asma Mungu ku iariikan nee tlakweema, nee Mungu' ino's oo kila hee tam oo wa'k ngu. 14 Umoqoheewo kun i araa ar nee ilatleriro's toda tla'kw toda ngu ilaxafiit nee ngu uruxuum amo'r saaw. 15 Ilatlerir tlakweema tsihay ngu'n gagad, garta laqwali a tlakweema nee tlakweema birna lo' wa kwa/iiyee' garta laqwali a gwa' ara. 16 Hhaee' oo sla'aruse, mutuna al/ay. 17 Umo/ar/antir hhohho nee umo /ar/arntir aa bu'ut amo'r i dahh a gawa nina awe'd yaamu mor dahh a amo'r Baaboo gwa/atema ino's i bo/oo warqayka ido'r hhantimo ir warqaqay. 18 Mungu ate'n tununa tsawa'r ar slafingw nguwa haniisi ne'r /aymuda' oo loema asma kahho tawa ido'r xwayla'r geera tlehtaan bara tla/angw moroda ino's a tlehh. 19 Hhaeee' oo sla'aruse ti a xu'aa umooheewo ga'r kuwa harm alok kun inslahh axasaro ala sleeme alo'k kun inslahheka'n ga oaro nee in buhhika'n. 20 Asma buhha' hee gada' qoom ar Mungu' tlehharo ngi aleeslayaaka'n. 21 Baraa idoosihe moroo tlakw oo tlakwma qasaak amo'r saw nee umoqo gar tlake nee urwar tiwa tiwa ninawesa /aymuda ta dahaas baraa mune mahu'ng ila ohaak kwada aleeslemuu koom oo munemo hu'ng ng'iwa ba/amiisi. 22 /aymu ila iwawa/ak muto axamisara' i awo ar munerhu'ng kawa kilohumg al/aya /aya. 23 Umohee /aymu ngwa xaasi nee ngwa gadiyeri tlehhiikan ino's a ido'r hee gitse/awo's nga xuxu' baraa kito. 24 Gitse/awo's ngin alqaytsiit bira hhe'ees ire tlay qomar inaw bira warahh idoda gitse/awo's i diriiya ngin sagaqwares. 25 Ala heda yaraayada gana bir nga i qaytsiit, haraayada ar gwerimo, nee ire kumiit ngiwa ila iwa wa/i abar kwada eekan ngi tawo axamiis ngire sagaqwarees, kwisi ku tsuq bra tisi tlahhiti. 26 Abar hee nga ar ino's a hee dini ala tsifirango's ila/aro ngu aleeslayka'n, munowo's ngun kilos al/aya/ay nee diniro's ar tawo. 27 Dinir hhohho ar a hhiturutikan dir geera Mungure'n a ti a panaynee kwa'eeli /imis baraa slahha'amayer ine nee tiwa kilohu'ng xuunda nee slasla /aruu dando yaamu.