1 Gawa idoorihe hhaee'ee' kuunga' oo hhohho kuunga sleeme tunda /akaa nee Mungu, Yesu ga/aawaak inos a ya/abusmo nee an geeraharusmoo ur oo saliingw kwada aten ta alki/itaan baraa' haraatlinta oro. 2 Inos kun insereohhi wasl dir Munguhe, munguda' inos ngwa qaas baraa gadiyeero i ale. I doodar Musa sleeme iwa insereehhimo konaka baraadoo Mungu sleemeerowo. 3 Yesu i xirfuu kon lo wa ale Musa ba/a asma umooqohee doo tleehh xirfuuwo's kuur doda,' aa tleehh ba/a. 4 Umooqo doo i tleeharusmoowo's kon ala Mungu inos moro' sleemeero nguna tleehh. 5 Loemawo Musa aa hee sagadiyersmo inserhhimo koomaka baraa do Munguhe inos morda Mungu i kaahi aluuwo nguna alki/iiti. 6 Ala Kristo a garma baraa balir do Munguhe. Aten a do'os baraa /atlaan baraa pihheerene nee haraxu'utirene kwa /atleesaan. 7 Idoorihe Qeeruu hhoohhoo ikaah "Bili bar afor Mungu aka axase, 8 Munerhung ma gawdeesara idooha ta tlehhe qoomar aning muk Israel awa si ii baraa yaamu duruq wa ale qoomar iwaa iiara'ade. 9 Qoomarihan baabiiihung aning anaa daatisiye nar ii ara as tlehhimi' iiee nga arii kwada na tlehhii wa baraa yaamuu duruq ay kureer mibeeri tsiyahh. 10 Gawa idoorihe aning qartada akaa asqwala/ika niree oo' mukwi deelo sleemeero a muk muner' in aa qwat nee urdu'ee ngi ba/oo xu'iya aaka. 11 Ari dooda nar lo'us gidaba "inooin i ba/oo dahiya'aaka bara amohooaree i ale." 12 Hha ee'ee ga/aawaak tam hee wak baraa tla/angwhunge maa deeruut oo munoo tlaakw nee haratlintaao wasl, munoo qwaar asma Mungu slaafu nguwa geexay. 13 Ala kuunga amooqo deelooro ti gurbuuunde dir /aymuwi ir komiiti as tam hee wak baraa tla/angwhunge maa ya/an o kuwa al/ayi nee tlakweema nee iree gawduy. 14 Asma aten sleemeero a alqaatuuser Kristo, aten barsa koomitaan nar Pihhee ta kooman iimir imu/uungo. 15 Gawa idoorihe an gooi ir ka't "Bili abar afor Mungu akaa axase munerhung ma gawdeesara idooda ta tlehhe' qoomar aing awa ric." 16 Muk afor Mungu nga axaas nguree si'ii aa ii ma'aa? A mukda'eeke sleemeero misirir daahh kwada ta geeraharahaar nee Musa. 17 Mungu muk a ii ' Buhhabuuhh kureeri mibeeri tsiyahh aa ii ma'aa? Muk aa ii Buhhabuuhh a kwada tlakweema nga tleehhii' kwada aa gaatl baraa yaamu duruq i ale. 18 Nee aa a ma'aa Mungu a lo'omiis gidaba i dahaya'aaka baraa amohhoaoo's i ale? a lo kwada ino ngwa si'ii?. 19 Gawa idoorihe akaa araan gidaaba naa dahii' ika asma Mungu ngwa hratlinti' ii' iika.