Tsuafay Tsar

1 Gawa idoorihe ate'n gar tundu as hariim ya/abtooda ta axaasaan an /atlaan wa lo maka paslaan. 2 Asma axweesantada taa oo,' nee malyka i /uuruu koon nee umoo dakusinto mee axaawaslaay sakwasleema ideer. 3 Gawa idoorihe aten sakwasleemaro idor ta'r ba/aman a idoola ba/amar ur idor it bar gar i xuanaka, ba/amaari Aakoinos oo kila ngina alki/iit geeraawo, aluuwo kingina xu'utus diiren nee mukda nga axaasiye tawa lo'. 4 Mungu inos oo kila ba/amari ngina qwa/atiis nar slaqasii nee moroo waa/oo/amo nee tlehheemiii dimba bay oo /uura kooma nee aleesleemu dimba bay oo Qeeruu hhohoo kuwa hanmisi nar idooda inos sla i. 5 Mungu yamuda xaawa nga qaasika dabaa malyka as kiwa waawuti, in an ii diguu diirihe ta axwesaan. 6 Idoorihe hee wak nga kah baraa Gooiro gidaa'ba "Hee a gar mila tam kuu'ng kuwa inslasleer? Laqua na/au hee a gar mila kuu'ng kuwa as daawimit? 7 Qoomarka niinawe hee unaqas tawa hee niinaw dir malaykaro unaa waraha's nar slamaangw oo xirfu nee ilaiwa/ame. (Kwahhama/atle gidaba /aymee'erika unaqaas gawaa gadiyer dabaawok i kahhiya baraa gooir ange.) 8 "Moro sleemeero una gawaa dabawo'os i gas qaa's idoorihe Mungu mor sleemeero nguna qaas qawaa dabaa hee i ale gar a meetiis qasaaro qawaa dabaa heewo i kahh ala aten moro sleemeero ukaa araaniika gidaaba kwa qas badaawos i ale. 9 Tam idoorihe hee taa araan a Yesu inos qoomarka niinawe kunga qaas tawa hee niinaw dir malaykaro ala hinti kwaa slamangw i dahaa's oo xirfu nee ila iwa/ame asma slahha'amuudoo gwa'ara aa slay Mungu idoori ngina tleehh as Yesu gwa'ara ngiwa tsaqi as gawaa umooheewo. 10 Mungu moro sleemeero nguna tleehh nee inos moro, sleemeero nguri amohhe'emiis Mungu nginaa skaa ba.aa taariir ngiwa hardahaasi dir xirfuu i ale, idorihe aa gar hariim Mungu Yesu nguwa boo/eesi nar uur slahha, amaaye as Yesu an kwada muu ngw geerahaa'r amor ba/amari i ale. 11 Asma inooin tsai kwawo, kwada tlakweemaa muk hhoohhooee miis nee mikda taa tlakweema, hhoohhoo eemiis saabooin a wak gawaa idorihee inos i murumiitaka inooin ngiwa hha eewo's ar /akai. 12 I kaahi anign umoowo'k u alki/iit dir hhaaee' eene aning kung u xirfeemiis nar daa'aangw baraa tla/angw mukok wa ale. 13 Nee i male kaahi anign Mungu un haratlintii,' "nee male ale i kaah aning a diiri dirii dinkwa ne na/iida' Mungu naa aning i hariis." 14 Gawa idoorihe na/ii Mungu tseere'rin a wak nee slaqwtain a wak inos Yesu sleeme moro'owi nguna slay wa idor inooin wa ale, idoori ngina tleehh, asma gwa'ara ngiwa slay asma uur gwa'araarose gar i slai a neetlaangw nguwa hhitin kwada ur oo gwa'ara. 15 Gawa idoorihe inos gar slai a muu nguwa gweer kwada taa tsegiit baraa lawaliimar daayaer gwa'ara baraa slafingwin sleemeerowo 16 A gar geehhoo gidaaba inos naa xayka as malayka ngiwa alee/iisar ay. Ala gar nisa xay axwaylar Abrahamu ngina alee /iisar ay. 17 Gawa idoorihe inos gr i wa harin a inos kwa ido'r hhaeewos tleehhi baraa moro sleemeerowo. Gar kusa idoori /iis a inos moso a geeraharusmooin oo ur oo saaliingw, kwada gurtleemuk koom nee inseree hhi wasle. braa kangw Mungune as tlakweema a mukos ngiwa hengeesi. 18 Asma Yesu kila kwaa slahhe eemiis nee kure iiara'ar gawa idoorihe kwada' sleemeero ta iiara'ri ngi aleesalay alee/iisaro