TSUFA'Y GEERA

1 Mungu aang aa axwees dir baabi'iiren nar afe'r aaruse ki/ima yaarire nee sleem na'r idor dimba aba'y. 2 Ala aleerihe bara deluke'ee Mungu inaa axwees nar Garmawo's oo aa qaas wa aalusmoo moroo sleemero, sla'mi a kwada moro sleemero kwaar tleeh baara yamuuwo. 3 Garmawo's an gwa/ateema xirfuuwo's inos an slaqasay kila, " oo Mungu nee moro sleemero ngun amohhe'emaamiis nar /aymuu /uruuwo's tlakwema hamatla ngawa hhe'ees inaa iwiit bahhi dakw /uyay oo Mungu daawri. 4 Inaa lo' wa xifuu't malayka ba/a, as umoo aal tawa Garma kuwa lo wa xirif dir kwado malaykaro. 5 Asma Mungu nga ooika imir aange gawa malaykaro tam oo wak gidaba kuung a Garmaa ee`' "Bili aning aa Baboo hung?" nee slami aa ooika aning aa Baaba diroose inos aa na/aay dir 'eene?" 6 Nee malee`' ale Qomar Mungu Barismowo's ngwa a huu Baraa yaanai i ale ina oo`' " malayka'r Mungu sleemeero ngun i garungureeimitiya'! 7 Gawa malaykaro ina oo`' "Inos kuwada`' malaykaro's nga tleehh idor fur'a nee sagadiya uuseero's aa dor duraii'r asla." 8 Ala dir Garmaawo i kaahi " Mungu kitaango'k oo waawuti'iima ku alhhe'eesay wa'sl; nee Hharata wautiiimaro'k ar gana'amu. 9 Kuu'ng gan'amu una sla`' nee dee' anuma ana si`' Idoorihe Mungu, Munguwo'k una imblaax na'r di/iita qwala'/`' " 10 /imir iimu/uungo Aako kuung yaamu inaihha'f dawri a gadiyar dabawo'k. Moroo'owi i hhitiruut ala kuung a komit. 11 Moroo'owi sleemeero i qaru'y wa idor inqwa'r. 12 Kuu'ng un mututu'k wa idor inqwaaro qare'n wa ale oo /Aben kuwa tsiiti. Ala kuung a bolo warqeeraaka nee kureeriwo'k i hartsatitiyaa'aka. 13 Asma Mungu tam iimir ange dir malaykamowoose a ' ooika gidaaba' "Iwiit bahhi dakwe' ee`' oo doo' /uya'y ay dir wakuuseero'k ngi i qaas baraa dabaa wo'k i ale'. 14 Idoorihe malayka sleemeero a qeeru oo tinda ya/aaw nee Mungu as mukda`' ba/ama ngi sla'w kuwa sagadiyuusiya`'.