1 Paulo, ya/abusumoo' Kristo Yesu as sla'arir Mungu', nee Timoteo hhiyare'n. 2 Dir mu'k haratlintao'r koo'm nee hhae kwada, inserhhi wasl baraa Kristowo oo baraa kolosai, tsuqa nee wayda oo amo'r Mungu dahha' ila ohaak. 3 Slufay un duxuutaan amo'r Mungu Baabo Aakore'n Yesu Kristo nee tunuu ale firirimaan umo siwaro. 4 Haratlintao'r hung aka axasaan baraa Yesu Kristo nee la'arirhung artakona dir kwada sleemeero ta paratl asma Mungu. 5 Ala'ariri an konda asma haraxu'utir loema ar ta amohhe'ees gawa dawriwo asma kuunga, haraxu'utisi ar loema ana tsewa axase ner baraa /aymau hhohho oo ya/abito'r hho'. 6 Toda' naa ayahung keer ya/abitori inaa /amu laqwa'l nee ire diya/at baraa yaamu sleeme idor ngib /imis baraa hunge imit kawa axase nee kare itsahhatsahhe gawa dando qemu Mungu kwada oo loema. 7 Gaari an ya/abitoda ta i tsahha tsahhir wa dir Epafra, sla'arusmore'n hhiyare'n oo nee ate'n ta al gadiyusaan a sagadiyusmo inserhhir komaka'n oo Kristo. 8 Epafra sla'arir hu'ng ngina diren i iaqa'n ne'r urwa'r qeru. 9 Asma sla'ariri imir bo/oo ngiwa axasaan alefiroro tunamawanika'n garta firirimaan a gidaaba tunuwa hatsisi xu'utir sla'arirose nee bara sagaloaros sleemeero nee xu'utir bara qeruwo. 10 Garta firirimaan a gidaaba tawa hi'ita ner' baraa qitloo baraa Aako ne'r baraa urdu sla'arir kooma' anafirirmaana ar /amu kuwa laqwala, ne'r bara tlaehhemi' i hho' oo ta tlehhita' nee are tawa urarera' ner bara xu'utir Mungu. 11 An firirimaan as /uru kuwa slera' baraa umoo'qo gaaro ne'r /uru xirtowo's ne'r baraa qitla nee aleslemu sleeme. 12 Garta firimaan a gidaaba ne'r baraa qwala/ slufaay kuwa hanisa amor Baaaba' kwada kuunga naa alesleemu i haniis oo tawa alir konda wa bara muk haratlintaaor koo'm oo baraa gwa/atemaa i diria. 13 Tununa ba/amiis wa baraa wawiti'imar' giwitiro nee tunure lohitiis baraa wa witi ima'r gar mawos oo sla'arusmo. 14 Baraa garmawose ba/ama a komaan asma tlakwemare'n ka gurtla'y. 15 Garma a slaqase Mungu' kwada ta ga/awanaka'n ino's an na/ee barismoy kwada daw baraa tlehhita sleemeero. 16 Asma gawa inose moro sleemeero kunaa tlehh, moroo gawa dawri nee moroo baraa yaamu, moroo ta ga/awaan nee kwada ta ga/awanaaka'n, kwada' oo baraa qeeru, nee wawiti'ima, u'k /uru koo'm moroo sleemeero kuna tlehh nee ino's asma ate'n. 17 Ino's in qaro deer imir moroo sleemeero kuwa tlehhika'n, nee baraa inose umogaro in tlehharu't. 18 Nee ino's an Eafa nee slaqwa a kanisa ino's an imu/ungw nee a hee gera oo naa ti'iit baraa mu'k a hhani' idosihe pa/angw ngu ko'n baraa moroo sleemeero. 19 Mungu ngina slaa' aleslemu sleemeero iwa hatsi barawo's wa ale. 20 Ar moroo sleemeero kuwa haraki/isi ner urwa'r garmawo's, Mungu wayda nguna tlehh ne'r urwar tsereda, a ku'ut gawa pehhi, Mungu moroo sleemeero nguna haraki/is ne'r ino's oo kila abar moroo gawa dawri laqa moroo gawa dando yamuka. 21 Kuu'nga' sleeme baraa qoma'r wake ana dahaye tlehhite dir Munguhe tare wakusero's tlehhite' baraa haslo nee tlehhimi'ii tlakwe. 22 Ala hindi kuunga tununa haraki/is ne'r slaqwato's ar urwar gwa'araro's ti gnina tlehh as kahh kunga' tawa muk hhohho, tlehhita, oo xasxaslir komaakan. 23 Aba'r aka kumite, baraa bara tlintaoro toda tunu wa kwa/amiis ar tawa sihhita ar hunwahenresika'n baraa harafaroda ar ya/abitoda hho ta axase' gaari an ya/abitoda, ta alki/iit dir umo hee' ta tlehhi oo baraa yaamu i dirii, Ti an ya/abitoda ani oo Paulo na as gadiyuus. 24 Ani hindi a qwalala/ asma slahha a mayer naa slaw asma kuunga ani slahhaemis oo Kristo a etis as laqwatos un alhhe'emiis ar nguwa haradahaas slaqwatada, a kanisa. 25 Ani a as gadiyusmo kanisari idoda's are kila' ya/abitor amo'r Mungu' dahh nira hardat asma kuunga ar /aymi Mungu ngiwa hatsiwaan. 26 Gari a loemada naa nahhati kwada ta luu/ kureri yarir oo a warahhi ala hindi ka gehhoees dir mu sleemeero oo a haratlintiii baraa ino's. 27 A dir kwada Mungu' a slaa' tiwa gehhoesi idor daqari'imar xirtowl idiri dir mu'k Pakanehe a gidaaba Kristo i barahung dirii, haraxu'utir xirtoda hi'iit. 28 Kwi an kwada ta alki/itan umohewo un firirimaan nee un itsahhatimisaan ne'r sagaloa sleemeero as daqane umo hee ngwa huwaan amor Kristo ner bara gana'amu. 29 Asma ti an barakamiis asma dadiyeda ngiwa tlehh ne'r /uruda gadiyuus baraa ene.