Tsufe Gera Hhaye

1 Kitauu doo geera ng'una gooim dir kung, Teofilo, ar niwa axwees tada sleemero Yesu aa tleehh ne ire intsahhatimis. 2 Ay deloda kuwa ilaoh wa gawa Gari an aluu hara'aya kawa dux ar bara Qeeruu Hhohho ay dir ya/abuse tada inos a tsawar. 3 Aluu slehhe'emisuwose ne gwa'ararose inos kuna ar islaf ne sleeme slaqasii yarir oo dimbabe ire ar ador inos ir slafi. Baraa deloor miberitsiyahhe tina gehhoutimis diri ini ale ne ina axwees dando wawitii mar Muungu. 4 Siwada tiwaihhantlir dinkwa ne inoin ngina haraeyin ar giolaba ma tiitii bara Yesusalemmuwo, maso ngin dana axweeesantada ar Baaba tada ao, "Ta dirie wa axase, 5 Ar gidaba Yahani ina batimis ner ma'ay walo ne kunga, tundun batimis ne Qeeruu Hhohho baraa deloori ninawu a meti" 6 Ne qoomada tiwaihhantliye ndikwa ne eharuse nguna Yahamis Aako qomari atadae muk Israeli kuwa wawitiimariini ki/isi? 7 Inos ng'ire bay, iqondaka dirihunge kunga kawa xua siiwada ne qomada Baaba a qaas bara alesleemuwose aa inos kilos. 8 Ne kunga /uuru u sleera baloda Qeeruu Hhohho birna hardah gawahungi ale. Ne kunga aa muk'ee tada ta ande kare oinda sleemero bara Yerusalemuwo ne Yahudi sleemero ne Samaria ay alhhe'ese Yamu. 9 Aako Yesu ti ngiwa hhe'es oaro, ne inoin iwa gawta qa/aya, inos kure tlees ne tlafi ngure tuntuk asma kahhoo ng'uwa ariaka ner ilain. 10 Qoomar tawa dawri ga/aya ner magahhato iwa tlay, Ta qaytsit, muk tsar aa sihhiit baraa tla/angw'in inqwaro/awak ng'wa dahasiye. 11 Tari O' kunga muk Galilaya asma mila mas sihhimita wa dirii tawa dawri ge/era? Yesuwi aa dawri tsa/an ni ki/ner adoda kura ande iwa tsa/a/an dawri ale. 12 Aluwo tari ki/ ay Yesusalemu tindina awer wa gawa tloomar miseitumi inos ka tseew bahhii Yerusalemu, saweemawos harhitinor deloor hungu/uma. 13 Niwa hardahiye tare tsa/an gawa qorofa amoda ange tawa iwiwiit. Inoin aa koka Petro, Yahani Yakobo, Andrea Filipo, Tomaso, Batholomayo, Matayo, Yakobo Garmaa Alfayo, Simon Zelote ne Yuda Garmaa Yakobo. 14 Sleemero tana idar hee wak tleehhit ner ilakaharu tana kumiit ner bara firo. Dinkwa neee /amena sleeme in Mariamu Aayir Yesu ne hhaewos. 15 Baraa deloodae Petro ina Sihhiit baraa tla/angw hhae, faror in a tsiru wak ne miberi tsar (120), Ire O'. 16 Hhae ange Iqon goi kawa bo/esi, tada ang Qeeruu Hhohho aa o' ner afkoo Daudi gawa dando Yuda. Inos an kwada mukda Yesu ohar aw ng'wa tumu'us. 17 Inos angero ne aten a dinkwa ne gadiyedari aten ta tlehhiitan ana altlehhaan ne inos. 18 ( Hindi heewi qaymo ng'ire tlaaxw ner peesar a slay ner tlehhmuda tlaakw ne disinge ina hu'u ner waga, slaqwa ne guruwos ire fehhiit ne waqatuwos ire tiit. 19 Kwada sleemero na hootiye baraa Yerusalemu kangwi ng'una axasiye, ne Yamuda kire bay ner kaangw ayain "Akeldama" Gidabaros a "qaymor tsere.") 20 Baraa kitabu O Saburi kagoin, kitangos kwada i tawo iwiiti ne maderuut hee barada wa hoot ne hee hatlaa wawiitiimaros ng'i ohi. 21 Ne iqon hee wak oo hhawata kwada ne aten aga alhootan qomada, Aako Yesu iwa baraa tla/ang'w ren, 22 Imir batismoo Yohani ay baloda Yesu kuwa ar tlay ay gawa, iqon hee wak iwa deruti dinkwa ne aten wasle/uwos kure uiman amor muu. 23 Hhawate tsar kire qaas gerain, Yusufu kwada ta bay Barnaba ne kwada ta bay sleeme Yusto ne Mathia. 24 Inoin tare firin tare oo, "Aako kung muner muu sleemero a xu, Laqmang baraa koka tsare kwada kung ta tsawad. 25 Asma pa/angwi ng'uwa ohi ne gadiyeda ar ya/abiima, ti Yuda a hhitin ire amoros i tlay." 26 Tsawdo kare tleehh, ne Mathia kure tsawar nee kure harafar tawa hee wak dir Ya/abuseeda mibaa ne tsare.