Tsufa'y Geera

1 Ani Paulo ya/abusmoo' Yesu Kristo nar idooda Mungu ngar slaa as slafingwda' taa geera' wa al' axxwa's nguwa alki/ut kwada taraa' Kristo Yesu i dirii barwa'ri ngina gooiim. 2 Barwar ngina gooim amooro'k Timoteo garmaaee' oo sla'aarusmo Mungu Baaba nee Aako re'n Kristo Yesu kuu'ng u gurtlay nee u tsuuqi nee u waydoo' i hariisi. 3 Munguwi msagadiyuu's nar munoo'hhoohhoo' iimir baaba iiee wa ale u lo wasluufimiis ani kuu'ng u bo/oo' ginqartisaka altiroro tlaafla/angw nee amsiiwo. 4 Hhirheeriwo'k bira isnsla'w ani ga'r ni lo' wa slaa' a kuung un a'r as kahhoo' ai muroo'ee' iwa haatsi qwa/oowo. 5 Asma ani a xuu' ado'r kuu'ng Mungu kwar haratlinti nar haratlintaao'r waqooda'r koomaaka'. Haratlintaaoori geeraawo aamaaro'k loisi ngin koo'n nee Aayaoro'k Eunike sla'm ani a xuu' ido'r kuu'ng kar koon sleeme. 6 Gawaa' idoorihe ani kuu'ng u inslawtu's gidaa'ba aleesleemuudoo geeeru baraa wo'k i dirii' mukeek iwa doogir, kwada Mungu na diri'k i hariis qoomar ani kuu'ng awa dabaa'ee' i qaas. 7 Asma Mungu' munoo' daaye ngwa ate'n i hariisiika har' na hariis a nunoo' tawa komiitaa /uuruu'r ale nee oo sla'aari nee oo qooma'y koo'm. 8 Aakoore'n aleeka/a/aano mu murumiitar tam ani kwi ta tseeg as ino's, ni sa murumi'itaar sleeme Buatu slahha' eemiis as ya/abto'r hho kuu'ng qiitl wa ido'r ani nar iuuruui Mungu. 9 Ino's ate'n tina ba/amiis tire atee't nar ateetmor hhohho adoori nga tleehhiika as Hehhemiiiren ala ngina hee'hh as idooda ino's a slaa nee as gurtleemuuwo's gurtleemuuwo's kwi nguna hariis nar baraa' Kristo Yesu iimir qoomaada ger taa iimu/u'n iwa kahh. 10 Hinti gurtleemuuwi kuunguna geehhooatis nar hardahamu ba/amusmoore'n Kristo Yesu, ino's gwa'ara ngina baa'l slafiingw ner hhituru' uuma wasle ngire gwalatis nar ya/abto'r hho. 11 Idoorihe ani tina qaa's taw alkilitusmoo ya/abto'ri hho nee ya/abusmo nee instsaahhatusmo. 12 Gaari an ga'r ani ni as idoorir slahhahhaa ala ani a murumiitaaka as slahha'amkwi asma kwada' ani naa haratlintii u xuu' nee sleeme a xuu' gidaa'ba gada' ino's na ani i hariis de'eengo ngi aleesla'y ay bo/oo' alhhe'eesaay. 13 Inslawee'k intsaahhatimisoodor lo' ta dir ee' wa axa's ilaoheek sleeme nee ku instsaahhatiimis nar idooda ho't baraa slafiingoka nar Yesu Kristo kuwa hartlintii nee kuwa sla. 14 Morooda hho tinda kuu'ng i saagin nee Mungu' harmagahheek nar 'uru' Qeeruu' hhoohhoo' kwada baraate'n awa hoo't. 15 Kuu'ng a xu' ido'r mukoo' baraa yaamuu' Asia slee'meero ani tawa geexa'y tawa figelo nee tlermogeno sleeme. 16 Aako mu'k doo' onestaro ngu gurtleemuu i hariis asma qom'ii yaariire ino's ani i gurkwa/amanu's tam tsegmakwi ani tawa tseegngwa as murumu'tuka sleeme. 17 Qooma'r ino's awa rumir i hardah ani ina leelehhiti ire sla'y. 18 Kuu'ng alo wa xu' idooda ino's ani ar sagadiyuumaamiis baraa yaamuu Efesooro Aako ino's ngu gurtleemuu' i hariisi Bo/oo a alhhe'eesaye gurtleemuuda' amo'r Aako daa'hh.