1 Gawaa' idoorihe, kuu'ng garmaa'ee' Mungu kuu'ng u tsuuqi nar baraa' Krsito Yesu, kuu'ng moso' a hee /uuruu' koo'm nar tsuuqaaka. 2 Kuu'ng aka axa's tada' slee'meero ani na kuu'ng intsaahhasan qaase dir dabaa mu'k insereehhi wa'sl i ale kwad aleesleemuu koo'm muk hatlaa intsaahaasaro' hhoo' oo Kristo Yesu. 3 Qiqtliim braa slahha'amuu' wa ale'e dinkwa nee ani taa ido'r askaarmoo' hhoo' oo Kristo Yesu. 4 Askaarmoo' baraa slaqwara'r i dirii i dahhika baraa ditsookar moroo' hatla' asma ga'r slaa a geeraharusmoowo's kwada' u'r kilo' ng'un sla'atimis. 5 Tam hee qwaa'tl baraa' /atsooro slamanger ngu slayka' ibira qwaatliika' nar ido'r hariim. 6 Dooslusmooda' gadiyee't nga tleehh nar /uuru i harin bu'utuudoo' gadiyeero's nguwa geera' /ayi. 7 Ti ani ni kah aldakuuteek asma Aako sagaalooa ngi hariis diro'k i ale ar moroo' slee'meero kur tsahh. 8 Yesu Kristo na isslaweek ino's a hee tlahhe Daudi nina was/oo'/ baraa' mu'k aa haa'n wa ale. Gaari'a ya/abto'r hho' ar ni alki/iit. 9 Ani tina slahe'eemiis as ya/abto'r hho' slamu taa tsee'g tawa ido'r hee tlaak. Ala axweesanta Mungu' ka tseegiika. 10 Gawa idoorihe ani umooqo gaaro an qiqtlim as mu'k ta tsawaa'r oo Mungu' as inooin sleeme alo moso' alhhe'eesayee ba/amada'r baraa' Kristo Yesu i dirii' ngiwa slaya' dinkwa ne xirfuuuda' alhhe'eesay wa'sl. 11 /Aymuuwi i harin haratlintaaooro gidaaba' "Ate'n bar ana alqatlaa'n nee ino's a alhootaa'n dinkwa nee ino's sleeme. 12 Ate'n bar aka qiitlaa'n a alwaawuti'iimaa'n dinkwa nee ino's sleeme Ate'n ino's burasa tlaankaa'n ino's sleeme ate'n ti sa tlaank. 13 Ate'n bara insereehhinoo koomain ino's insreehhi wasleewo's i boroo faaxaka asma ino's kilo's aleeslayka sa talaankuuwo." 14 Koomiit muko'k kuwa inslawtimiis moroowihe nanaaqoek geera' Mungu' wa ale gidaaba' axweesanay tlaampa'aamu's kuwa may. Asma tlaampa'aamis i gidaabar kon ka nee mukda ngu axamiis ngu qwarees. 15 Kuu'ng ilakaahama tleehheek tawa sihhit di'r geera Mungu' i ale tawa idor sagadiyusmoo' taa ya/a'n nee ino's sagadiysmooda ' axweesant looeema ngi instsaahhatimis nar idooda'r hariin. 16 Kuu'ng ti "aratl nee axweesanay gidaaba wa'sl kwad mu'k Mungu' ngwa hartlinti'iika axweemaaamisi asma mukwi tan ak saweemiis dir Munguhe. 17 Intsaahhasa'r in in geera i komit idor inkahhay sooni himenayo nee fileto i daya baara' tla/aingw kukwihe. 18 Inooin urauuwaa da'r looeema nga maye asma inooin ta kaahi gidaaba, "waslo/ naa qaaro harda'h" nee gawaa idoorihe haratlintaao'r muu bahhi'ale hare qwaree's. 19 Tam ala idoosiye iimu/ungw haratlintaao aa sihhiit kwa ta qaas nee Mungu /aya'r koo'm ar taa gaaiin gidaaba "Aako muko's ngu xuu' " nee sla'mi unaaoqo heewo oo umo' Aako ateetiim tlakweema ngi ma'y." 20 Baraa' doo ure xoosla'a'r da'w a tada'r miinsli nee muqsla kiloseka' xoosla'a'r peeehaa'y sleeme i deer nee ar tlee'i xoosla'aka taa geera oo' ka qaa's as gadiyer' xirfuu' koo'm tlee' i hhape. Nee koko hatla' kaa qa's as gadiye'r xirfuu koomaada wa/o'. 21 Hee' bir ta hhoohhooee's nee tire Paraatl nee maroowi tlakw naa alki/u't, ino's daqadaa xooslmoo ta qaa's as gadiye'r xirfuu' koo'm kwada ' ta hhoohhoee's oo Aako kwadaa hariim baraa' umoo'qo hadiye'r hhooe. 22 Ala kuu'ng ilatleeridar masoombi iima ilagowek ilakaaharu tleehheek gani'amu kuwa sleer nee haratlintaao sla'ar nee wayda, Adoori na tleehheek kinkwa nee mukda' Aakoo ateetiim nar munoo' hhoohhoo. 23 Ala kuu'ng ma hragwaa' aa'r baraa tlaampa'aa misoo dakti'iima kunda' salooa wa'sl as kawa xu' gidaaba tlaampa'aamisoowi gar huwi a xisla. 24 Lawaalmoo Akako i harnaka iwa xisluusi alomoso an hee' instsaahhatusmoo' hhoo nee hee qiqtlingw baa/. 25 Sla'mi' alo mosoo' ino's an hee' tsatsa'aa'r qooma'r iwa mukda' qwatsin kwad ino's ngu talaampa a misa as dooqa Mungu mukwi ngu hho' i' ingw i hariis nee looeema ngire tsaahhiya'. 26 Gawaa idoorihe saga/ooa ka slay nee xisla buhha gila tawa ti'iiti baraa haamuu neetlaango asma inooin kaa tsegiit baraa' hhamuuda' i ale as sla'aarir neetlaangw ngiwa tlahhitiyo.