1 Nee hindi hha'e tunualefiriinde gidaaba' /aymu Aako fi handihi umoo' diro nee kuiia tleesi idosi amorhunge ii diri'ii, sleeme. 2 Firiime gidaaba' ate'n tunuwaba/amiisi wa baraa' moroo' tla'kw oo mu'k talakuuse, asuma a slee'meero'ka oo haratlintaaro kooma. 3 Ala Aako ku inkihhiim ino's kuunga' tunu/uuru ii doog nee tunude'ee'n dir kwada tlakwe. 4 Harahhiifa a koomaan baraa' Aakoro as kuunga' gidaaba' atlehhita' nee akumta kawatlehhita' toda na dirhungi hara'aa man. 5 Aako munerhung ngi gerahari baraa' sla'aari nee qiitla' wa baraa' Kristo. 6 Hindi hara'aaya' ngi hariisan hha'e ner baraa' umoo Aakore'n Yesu Kristo, gidaaba' ti partle nee hhhiya' kwada hoti ar hotaa' munu/u nee ihotiika an unuuda' ta amo'r ate'n wa ilaote. 7 Asma kuunga' oo kila a xua' ii qoond dirhunge idoren ti kawaaota'. Agahotanika' baraa' tla/aanghunge idor kwoda ila/iwa/amer koma'aaka'. 8 Nee mroo/aman hee' uga/ayaniika' ngwe mowaan bu'uutuwo. Siwarose ate'n gadiye anatlehhan Amsi ne tlatla/aangw nee gadiye'r gawiid nee ner slahha'aamu as mawahuwaatlehhitan dir umoo heewo dirhunge. 9 Idori anatlehhaan as gidabayeka hariima an komanaaka. Siwarose idor ana/isaan as atawa slaqaasa'y tlehhiita'n dirhunge' as gidaaba' idoren ti kawaata. 10 Qoomada tawa dir wa'k nee kuunga tunabawaan baraa' tla/angwhunge hee' bir deer oo gadiyer sla'aaka nee miwa /ayin. 11 Asma a axaamiisa'n bahha'aalero tan hoot ar munu/u baraa' tla/angwhunge gadiye tlehharo ngi sla'iiaka' inooin a mu'k amowaslee'n. 12 Nee hindi kwisiya' sleeme inhara'aamaan nee ininanaqaa'n ner baraa' umoo' Aako Yesu Kristo, gidaaba' ii hariind gadiye ngiwatlehhiiya' ner tsatsa'aarema nee moroo' /aymar in oo' kila kuwa /ayi. 13 Ala kuunga' hha'e ma munesiara baraa' ar gamaa' tlehhituwo. 14 Bar hee' ii der oo ngi sla'aaka /aymure'n kwi baraa' barwari ngu ilaiwawa/aka' hee' har magahhaak nee ma'aldiku'uusara nee ino's a gidaaba' kilqi nguwaee'r. 15 Muharafarara idor tlakusumo ala igahhataak idor hhiyahungw wa alero. 16 Aako wayda ino's oo kila' wayda ngu hariisi qooma slee'meero ner baraa' urwdu slee'meero. Aako idiku'uusi nee kuunga slee'meero. 17 Gari a lawe'ee' Paulo ar da kw'ee' oo' kila' nee an layar ee' baraa' umoo' barwahe, idori an idor nir goa'iim. 18 Tsuqaan Aakore'n Yesu Kristo idiku'usiye' nee kuunga' slee'meero.