Tsufa'y Tsa'r

1 Ala hindi baraa' kangw xeemu Aakoren Yesu Kristo nee haraki/iisa'n dinkwa as tawa haragwa'aan nee ino's: tunufiriiri man kuunga' hha'eren. 2 Gidaaba' utunda dawitimiis laqa mtunaamoqwaremiis ner gaslay baraa' munero' laqa ya/awoo' laqa an slo/i kuto' in amore'n da'hh ar ka'h balor Aako na qaro harda't. 3 Hee' mutunda' naxw ta'm ner umoo idoro asuma bolosi ii xeeraka' ee balor hu'uumada nili'itiya ala'alero, nee heeda tlaa'kw kungwa laqamisi alaalero, kwada garma hhituru'uuma. 4 Kwisi an kwada siasii nee ino's tin gawti tlemiis kilo's alero Mungu' ngun siasii nee umoo'qo gartaqo slufumisi, nee gar ni laqaan in iwitanangw' ay' baraa' doo' Mungu' nee tiwa laqaqan ino's tawa idor Mungu'. 5 Lhii islera'aake ani nee kuunga twa dir wa'k dando kangwsi ngwa ooiike? 6 Hindi gr ngu ila/aa'm a xu'aa as gidaaba' kunguwaa' gehhoeesi qoomada qoom birna xee'r. 7 Asuma lu/aara'n needa tlaakw ii gadiye'r tlehh tam ee' hindi, ala aqo hee' ngu ila/aam in deer hindi, aqo eedir kwayhengesi baraa' uruwaro. 8 Daqaate kwoda tlaakw kuungu geehhoee's kwada Aako Yesu ii gaa's ar histo' afkoa Aako ngun gar gidaabar komaaka' tleehh qooma'r hada haamuwose. 9 Hardahaamu kwada tlaakw nin harda as gadiyer hetlaangw ner /uuru sleeme nee slaqasi'ii nee mooro wa/o/aamoo oo laama. 10 Nee lama sleeme an hara/uutsa moorowi in deruut wa dir kwada qwaara'. Asma sla'aanir looeema nga ilaoohi'iika' as kiwa ba/amiisi. 11 As idosiiye Mungu' ngina gadiyer slasla/aren ii ya/aaw as lama ngiwa haratlinti'iia'. 12 Tisi gar ni huub a slee'meero kin sakwaslemuut kwad looeema ngu haratlinti'i'iika, ala inooin tin qwala/amisiya ar baraa' tlakweema. 13 Ala ii hariin Mungu' kuwa slufimiisan qooma slee'meero as kuunga' hha'e sla'aaruuser Aako. Asma Aako kuunga' tununawagweer tawa /aamu geera oo' ba/ama as hhohhoesa'r qeeru nee haratlintao'r looeemada'. 14 Ti an gar kuunga tunusa/akaa' gidaaba' ar ya/abto'r hho'ee kirfoo Aakore'n Yesu Kristo kuwasleera'. 15 Baraa' idosiye hha'e sihhino hhe'eese' tsahhaak unuuda tina itsahhatiis, dirhung ner /aymu laqa ner barwito'oore'n. 16 Alkwa'ari Aakore'n Yesu Kristo ino's oo kila' nee Mungu' Babare'n kwada ate'n ta sla'a nee gurkwa/asa'r alhheesa'y koomaaka' nee haraxu'uutir hho' ar hoota hi'iita ner baraa' tsuqa. 17 Tunugunkwa/aasi nee munerhung ngi /uruu' ii dogi baraa' umoo' /aymuwo' nee gadiye'r hho'ee'.