Tsufa'y Geera

1 Paulo Silwano nee Timoteo amo'r kanisar Watesalonike ner baraa' Mungu' Baboran nee Aakore'n Yesu Kristo. 2 Tsuqa masok ii dirhung nee wahdoda amo'r Mungu' Babore'n da'hh nea Aakoren Yesu Kristo. 3 Lhariin ate'n Mungu' kuwaslufiimiisa'n daqi slemu as kuunga' hha'e asma idor an idor hariim dirne asuma haratlintaor hung in lo'or urareer nee sla'aarirhung dir umoo'qo heewo ii or dogima hee'ees. 4 Idosiye ate'n oo kila' an axwesan ner kirfu, dandohunge baraa' kanisudu Mungu' he' an axweesa'n kangw qitlohung nee haratlintaaor ta konda ner baraa' slahha'aamaye slee'meero. An axweesa'n kangw slahha'aaye'r tasqiqitlinda. 5 Ti an slaqassay oo sakwaslemar ganaa ar Mungu' nee tisi gari ilaqaaqan a kuunga' tunuwaharafari gidaaba' a harinda tawa data baraa' wawtiman Mungu' toda kuunga tunuus slahhe'eemiisi. 6 Asuma Mungu' ii gana'amu kon ngiwa bu'i ner slahha'aamaye kwada kuunga tunuslahhe'eemiiisa'. 7 Nee amohhoa ngiwa harisi dir kuunga kwisi ta slahhe'eemisi tinkwa nee ate'n idori ngin tlehhe qooma'r gehho'ootisaro's Aako Yesu awa baraa' dawri dinkwa nee malaike'r aleslemewo's. 8 Ar baraa' duru'iita asla muuhaa'y ngu buu dir mu'kda Mungu' ngu xu' a'aaka nee kwada ya/abto'r hho'ar Aakore'n Yesu nga ilaiiwaa/iika'. 9 Kin slahhe'eemis ar slahha'aamuku alhhe'eesa'y komaka' kin para'aatl dir Aakowo nee dir kirfoo /uruuwo'se. 10 Idoosi ngin tle'hh qooma'r birnabarda as kuwa diidi'iimisi nee mukuwo's nee kure (iiatlemiis) kirfeemiis nee kwada slee'meero naa haratlinti'iye, asuma alki/ito'r amorhunge ugaya/aaande kuunga. 11 Asuma tihe tunualefinriiriman delo slee'meero. Afiriirima'n gidaaba' Mungure'n tunuwaharafarii gidaaba' a hariinda' /a ka'aamorose. Afiiriiriman ngiwa bo/eesi toda hho' ta sla'a' nee umoo gadiyer hanatlintao ngiwa bo/eesi ner /uruuwo's. 12 Kangwi unfiiriirima'n as umoo' Aakore'n Yesu kuwa kirfeemisa. Afiriiriman gidaaba' kuunga tunuwaalxirfeesi nee ino's asuma tsuqa'r Mungu' nee ar Aako Yesu Kristo.