Tsufa'y Geera

1 Paulo ya/abusmo Kristo Yesu ani barwaa'ri ngina gooin nar hara'eya'r Mungu' Ba/amusmoore'n nee Kristo Yesu haraxu'utire'n. 2 Bawaa'ri ngina amooro'k i gooiin kuunga Timoteo garmaaee' o kila baraa hawa tlintaaro Mungu' Baaba nee Aakoore'n Yesu Kristo kuu'ng ta tsuuqi nee tugurtlay nee ta waydao i hariisi. 3 Idooda an kuu'ng ar firiim qooma'r ani nwa makedonia'r' kaw gidaaba iwiit Efeso'r wa ale, hinti un male babaw sma kuu'ng muu kuwa hara'eyin bahha ale as intsahhatisa'r hatla mingaa huu'wii. 4 Sla'mi inooin sinka maka digir deliit nee yaeema tle't oo tlahhi'i fadit asmo moroowi ga'r huwi a tlanka ga'r bui i kahh dir haatlintaaor gadiye'r Munguhe. 5 Hara'eyari gar nga as hariis a almoso sla'aan tada baraa munoo hhoohhoo daahh indoogigiin nee afo'r hho ar baraa muuna nee haratlintaaor waaqooda' wasl. 6 Muu Bahha'ale baraa uruuwa'r garaa nga geexaye' axwee'sanay mu'k da'ktana kure digirdeel. 7 Inooin kama'k slaa' tawa intsaahhatuuse'r har'eya'r Mungu' nee slami ga'r ta tlanka kaangaani axwee'si ka xuuiika nee tada ta aleekal/a'n ka tsatsahhanka. 8 A xuaa'n gidaaba haraeya ka hhoo' hee bir ngir gadiyys nar uruuwa'r ganaa. 9 Ate'n a xua'an gidaaba alomoso an tsaahhaa'n gidaaba har'eya ka qaasika' as mu'k hho kama qaa's as mu'k a dee/aanuut nee mukda hara'eya nga sii kana qaa's as mu'k Mungu nguwa haratlinti'iika nee mukda tala kweemaa tlehhahhii't. Nee mukda hhohhoeebaabi' ii' in tsuu'/ nee amu'in nee tsu/utuusir hatla, 10 nee kana qaa's as ququuse nee hhawaateeda fuquusa nee hhawaatee' hatla laqaa /aaneena'r fuquus nee /ameena'r hatla' kana qaa's as fisuuse nee lamuuse nee mu'k lo'o'r tawo'huwa huuw nee kana qaa's as dandoo' umooqo /aymuuwo kwada nee intassahhasa'r lo' ti slaslaawa'aaka. 11 Insaahhasari a tada tinda hariis alir ani as ngiwa alki/iit, instsaahhasaria ya/abtooda hho dandoo' iidigoo' xirfuu Mungu kwada tsuuqaa' koo'm. 12 Ani Yesu Kristo Aakoore'n un sluutimiis, kwada ani a /uuruu' i hariis sla'mi ani im sluufimiis asma ani ina harafaa'r tawa hee inseree hhimoo' komaa'ka ire qaa's baraa gadyee'ro's i ale. 13 Ani kwada aa'ng geeraawo ino's una gotlaa tliit nee una gus uusiim nee unaslahhe'eemiis. Ala Mungu' ani aina gurtla'y asma ti slee'mee'ro ana tlee'hhiit as xu'aa wasle'ee' asma qoomaadae ani Yesu ukwa haratlinti'iika. 14 Ala ani gurtleemu Aakoore'n una lo' wa sla'w dinkwa nee haratlintaao nee sla'aari tada ta koomaan baraa' Kristo Yesuwo. 15 Alaangwia oo lo' oo hariim haratlintaaoro nee sleeme i lo' wa hariin ya/aamaro gidaaba Kristo Yesu nina harda'h baraa yaamuuka i ale as mu'k tlakuuse nguwa ba/amisi nee ani a tlakusmoo' ur dir tlekuuse slee'mee'ro. 16 Gawaa' idoorihe gaari an ga'r ani gurtleeemu ngiwa as sla'w as Yesu Kristo qiqtliingo's nguwa laqa'n dir'ee' i ale ani tawa hee' geera niwa slaqsaay tleehhiit dir mu'k hatla kwada aluu' wa haratlinti'ia' nee slafingw alhhe'eesay wa'sl kwa slay. 17 Nee hinti waawutmoo alhhe'eesay wa'sl kwada bo/oo gwaa'aaka' kwada geehhooeeka ino's ki/o's an Mungu' ilaiwa/arne al to's nee xirfu a ko's ay alhhe'eesay wasle. Amina. 18 Garmaale' Timoteo hara'eyaari ani ngi kuu'ng i hariis as aaru'uumada' ti slaslaya' Aaru'uumada digir deele nee slaqwareda hho' ka slaqw. 19 Komiit haraa' hara tlintaao'r Mungu'he nee afoaada hho ara baraa munoo'wo'k ii a'r i qamimeek. Asma mukko i deer oo afo'r hho' ar muner'in ngaa sii haratlintaaor'in kare qwaaree's asma hhituruuta. 20 Baraa' tla/angw ine Himenayo hee Iskanda i daya inooin ani i kaa paraa'tl amo'r neetla'ngw i ale as ngiwa tsahhiya Mungu' muka gotliit.