Tsufa'y Geera

1 Paulo Silwano nee Timoteo amo'r Kanisa'r Tesalonike ner baraa' Mungu' Baaba nee Aako Yesu Kristo, tsuqa nee wayda alog in dirhung slee'meero. 2 Na'aasa an kahaan daqsleem dir Mungu' as kuunga slee'meero Qooma'r tunuwakahaan ner baraa' salingwre'n. 3 Aislasla'n daqisleem geera Munguhe nee Babore'n gadiyerhung arharatlintla ilakaharu nee sla'aari, nee qiqitlingw daye'r komaka as aluwo baraa' Aako Yesu Kristo. 4 slaaruser Mungu' /aka'aamorhung oo' Axua'n. 5 Nee ido'r ya/aatore'n ar hho nira amo'r hung harda't ngabuwaa' ner /ayma kiias ka sleeme ngina huwa'n ner uuruu' ner baraa' Qeeru hhoohhhoo, ner baraa' xu'umiti nee baraa' tisiiya axua ate'n a mu'k idola baraa' tla/anghuung as kuunga. 6 Kuunga a mu'k ate'n ta dirdel nee Aako idoda /ayamu kwar ilaoote ner baraa' slahha'may ar qwal'/oda amo'r Qeeru hhoohhoo dahh. 7 Tisi gar nahuup ana slaqsaay tlehhiita dir muu slee'meero kwad haratlinti baraa' Makedonia nee oo' baraa' Akaya. 8 Asuma dirhuung wa tlemu /aymu Mungu' ina diyaya/aa't umo diro nee sleeme dir Makedonia nee Akaya kiloseka' ala umo diro haratlintaaorhuung baraa' Munguhe a harda't nee idosiye ta'm ga'r ooh akomanka'. 9 Asuma inooin oo kila ngi oiina' hardahamure'n oo idola baraa' tla/aa'hunge ngi axwsiya idor tara warqere amo'r Mungu' mungida gidaba'r koma'aaka kiwa gexere nee Munguda' slaaf nee oo lo'eema kuwa sagadiyesa. 10 Ngikahiiya ido'r garmawo's kur damaranda gawadamri ale, kwada ta waslo/aatis baraa' mu'k a hha'n wa alero' nee kwising an Yesu kwada ate'n ti gwer awa baraa' sakwaslemada' hi'iita.