¹ И помангья́пэ Ио́на кэ Я́хвэ, Дэвэ́л пэ́скиро, дэ пэр кэ мачё́. ² И пхэндя́: «Мэ ракира́в кэ Я́хвэ, годла́са дэ би́да пэ́ски, И Ёв шундя́ ман, гин мулэ́с. Мэ годлыё́м, и Ту шундя́н мири́ глос. ³ Ту чурдыя́н ман дэ паны́, машки́р мо́рё, кай паны́ сыс сарэ́ндыр бокэ́ндыр. Сарэ́ во́лны Тырэ́ проджя́нас паш ма́ндэ. ⁴ Мэ пхэндё́м: «Ту вытрадыя́н ман, нэ мэ думина́в, со мэ дыкха́ва свэ́нто кхэр Тыро́». ⁵ Облынэ́ ман паня́ кэ и́ло, чарья́са учакирдо́ миро́ шэро́. ⁶ Мэ змэкьё́мпэ кай исы́н бэ́рги тэлэ́ пхув, пхув закэрдя́ ман свэто́стыр, нэ Ту Я́хвэ, миро́ Дэвэ́л, гадэ́са миро́ джиипэ́н мулэ́ндыр. ⁷ Сыр ило́ миро́ тэрдё́лас, мэ зрипирдё́м пал Ту́тэ Я́хвэ, и мангьё́мпэ Ту́кэ и Ту ушундя́н ман дэ свэ́нто кхэр Тыро́. ⁸ Кон поклонинэ́лпэ хоханэ́нгэ дэвлэ́нгэ ачадэ́ дэ лэ́ндэ патябэ́н ^# , ⁹ а мэ яна́ва Ту́кэ жэ́ртва лавэ́нса лошалэ́нса. Со пхэндё́м, кэра́ва. Я́хвэ заракхэ́ла!» ¹⁰ И пхэндя́ Я́хвэ маче́скэ, и ёв вычунгардя́ Иона́с пэ пхув.