1 No etsia dhinga de sa, ide nganga la mama, o ndayi, ba o ete feyi. 2 So imbela jojo ba ela ka ngama noga bakana moro zi go biti. 3 Go dhinga te o kpara fa ga: gu guma de ongo jojo! Ekaka ndjaka ngo noga fe wo, bakana make de worose engbo de bu, et omaga kadje na makpe pima. 4 Ta, eyi, o ndayi, i go biti mama, tongo kini no ano za yi de bakana moro zi. 5 Eyi ba nde o djadji na tala, o djadji na la. A de o kpara na biti mama, la bili biti. 6 Ni la de bakana o gara, ta nila tokana de, ni ngbo to. 7 So no fe o kpara ongbo la o la go biti, o kpara ngbo rangi de orangi go biti. 8 Ta eni de la, ni ngbo to, yo kude na mala ngo de mokunda de nakunda bakana ndatana, kitima na makowo. 9 Tongo Eme no za siti guma, ta toka naza makowo ete ngama kani Yezu Kirisitu, 10 Nongi no kpi feni, ba de, nilila de ni la ba de ni kowo seke bili dengu. 11 Tongo kane ito guma yi go djaka kote de na gamisi teyi esuga yi bakana ite mala ete tsiane. 12 A te ku te a feyi, o ndayi, iza kpara nde ngbo mele kitima esuga yi, engbo dhoko de yi go bu Eme, te engi te tse siti ngo kani. 13 Ito fe wo mabebe nadjo, toka kitima ka wo. Ongbo gaga esuga yi. 14 Ate ku diri te a fe yi, o ndayi, ifa fe ono ongbo kowo go siti ongo, ito kobho fe wo, iza wo, ebe o indendala, ingbo de ngbengele guma fe kpara nde. 15 Ilila teyi, de kpara bili ge fe ekiliye sitingo toka siti ngo de, ta imele ela nde be jongo esuga yi, sidinga o kpara nde. 16 Ingbo ela nde de lidjadja. 17 Iku teyi fe Eme na mandala de: 18 Ito fe eme jongo toka oke nde, ano ade engo te Eme elanga fe yi kanga yi go Yezu Kirisitu. 19 Imoro kitima ka Sipiritu Satu de. 20 Lo sitingo te ele o profeta de. 21 Ta itsa molimoli engo ba da, iza no engbo jojo. 22 Ilila teyi te o sitingo. 23 Angbo ba Eme na gugu na ezoro yi mele ye djogo, ma iyaga kano sipiritu, memo, de kote, iwo o sitingo, dhinga na mago ka Ngama kani Yezu Kirisitu. 24 Kpara ebhuka yi engi tiga ba, engi melega meleye. 25 O ndayi, iku teyi fe Eme toka a. 26 Ibhitsia o ndayi nde de makunda kani. 27 Mayo sidinga yi te ele ngama, itanga waraga ne nde de o ndayi nde. 28 Angbo ba de jongo ka Ngama kani Yezu Kirisitu ngbo de yi.