¹ Teno etiga o ndayi,tongo inodje inoza, inodje te a bakana te de na kugba fe Eme. Ete nangbo zoo go tsela Eme, a deye ite mele akute ha feyi, ha teyo te ele ka ngama Yezu na doko te no naneke egilano. ² Imbela ba o motindo ano o ngo bada anoto feyi tengo ka ngama Yezu. ³ Engo te Eme le, ede nangbo sesele na hi gumayi tongo ka gbama. ⁴ Esogayi, bili bili kaye lila koteye bakana santu dengo ngbilingo. ⁵ Ingi ngele siti gomo kote de ale ngali Eme, ameme ha te. ⁶ Kpara bili fite ekiliye de, de namele ngu sitingo de na mele engo siti ngo de, ngama to etumbu de siti ngo nonde; bakana te ha fa de na shudhayi. ⁷ Eme bukani de toka namele waza ba de nikoto o santu. ⁸ Tokano kpara eyala mobeko no eyala Eme, no eto feyi sipiritu santu kaye ⁹ Tongo ka makonda ma ete feyi ketsekpa de, tongo Eme e shudha meleye ba ikonda teyi. ¹⁰ Fano, ingbo mele de o Maedonia akutea feyi o ndayini: igana te kadje na makonda. ¹¹ Imele ndjanjaka nde ngbo ba bi, kpara na kpara tsia ngo kaye, dengi mele kitima kaye de kpaye: bakana tatimayi a te. ¹² Namele ba ma iyaga kayi ngbo de jo talisi go djila ko kpara, ba de eyo tongo moyo he sidi nga kpara bilide. ¹³ O ndayi, nikonda de o ndayi ingbo de gbagba de tokango etsia o kpara ela, ela na kpi, idje tsinga de bakana o gara kpara bakana ono wu de elikia ama. ¹⁴ Ayombi te ale ba Yezu kpi tengi zoko, be ba o kpara ekpi go mayambi Yezu Eme. ¹⁵ Nilingita nafa feyi ba toka li ngama: Eni o kara engbongbo gambi go makowo mbi go dhinga moko ngama enoale, nikpina de, nigulu o kpara ekpi de. ¹⁶ Tongo ka go dhinga ngama ko anzelu no gayi nameke kelelo ka Eme Ngama tse ekpe ingi o boyambi Kristu ozoko egilano. ¹⁷ Sidi ngayi o kpara engbo ga go makowo na mbi go lano, o bite ga tewo, oge gambi eni go mafata deni nimaka de ngma. ba nimaka teni de ngama go kpe, teni ngbo ga de ngama de ngama deladela. ¹⁸ Ito kobo esugayi toka ngali no.