¹ ಕಲಮ್ಲ ಕೆಲವ್ಳು ವಂಚನೆಸೆಸ ಅತ್ಮಲ್ಕಿ ದೈಯಾಮ ಬೋದನೆಲ್ಕಿ ಗಮನವಿಚಿ ನಮ್ಬಿಕೆನಿಂಕ ಪಾಡಿಪೋತರು ಅನಿಆತ್ಮಡು ಭಾಗ ಸೋಪ್ತಡು. ² .ವಾಲು ಸುಳ್ಳು ಸೋಪೋಲು ವಾಲ ಮನಸ್ಕ್ಸಿ ಪೈನ ಕಲ್ಚೋನಲು ಐನಲು ಐಯಿ ³ .ಪೆನ್ಡ್ಲಿ ಸೇಸ್ಕೊಕುದ್ದು ಯೋಳು ನಮ್ಬಿಕೊನಲು ಐಯಿ ಸತ್ಯನಿ ಎನಿಕೊನಲೋ ವಾಲು ಆರಾದನ ಸೆಸಿ ತಿನ್ಕೊದಂಕಿ ದೆಹುಡು ಉಂಟು ಸೇಸಿನ ಬೋಜನ ತಿನ್ಕುದುಅನಿ ಅಜ್ನಪಿನ್ಸ್ತರು. ⁴ .ದೆಹುಡ ಅನಿ ಸೃಷ್ಟಿಯು ಮಂಚಿದಿಅಹಿಂಡಿ ಸೂತ್ರಂ ಸೆಸಿ ಸಿಸ್ಕೊನೆ ದಂಕಿ ಯಮನಿ ನಿರಕರಿಸ್ಕುದು. ⁵ .ದೆಹುಡ ವಾಕ್ಯಂನಿನ್ಕ ಪ್ರಥನೆನಿನ್ಕ ಆದಿ ಶುದ್ದ ಐತದಿ. ⁶ .ಈ ವಿಸ್ಯಲು ತೊಮಡ್ಲ್ಕಿ ಸೋಪ್ತೆ ನುವ ಅನುಸರಿನ್ಚೆ ನಂಬಿಕೆ ಅಮಿಂಕ ಮಂಚಿ ವಾಕ್ಯಲ ಪೊಂದುಕೋನೆವಡು ಯೇಸು ಕಿಸ್ಥಡ ಮಂಚಿ ಸೇವ್ಸ್ಕಐತಾಹು. ⁷ .ಅಹಿನ ಬಮ ಕಥೆಲಹುಂಡ ಅಶುದ್ದಮಹಿನ ಆ ಕಥೆಲ್ನಿ ನಿರಾಕರಿಂಚಿ ನುವ ದೇವ ಭಕ್ತಿಯಾ ವಿಸ್ಯಮ್ಲ ಸದಾನೆಸೆಸ್ಕೋ. ⁸ .ಶರೀರ ಸಧಾನೆಲ ಕೊಂಚ ಮತಗ ಲಾಬಂ ಅಹಿಂದಿ; ಭಕ್ತಿಯ್ಹಿನ ಅನಿ ವಿದಲ ಲಬಕರಅಹಿಂದಿ ದಂಕಿ ಇಪುಡು ಮುಂದ್ರ ವಚದಂಕಿ ಜೀವ ವಾಗ್ದಾನ ಹುಂದಿ. ⁹ .ಈ ಮಾಟ ನಮ್ಬಿಕೊನದೆ ಅಹಿಂದಿ ಅನಿದಂಕಿ ಮಂಚಿದಿ ಅಹಿಂದಿ. ¹⁰ .ದನಿಂಕ ದಿನಕಿ ಮಾಮು ಬಾದಕದೊಳು ನಿಂದೆಯನಿ ಅನುಬವಿನ್ಚೋಲು ಅಹಿನಮು; ಎದುಕಂಟೆ ಅನಿ ಮನುಸ್ಯಲ್ಕಿ ವಿಸೆಸಮಾಹಿ ನೋಮ್ಬುಕೊನಲ್ಕಿ ರಕ್ಸಕಡೈನ ಜೀವಹುಲ್ಲ ದೆಹುಡ್ನಿ ಮಾಮು ನಮ್ಬಿಕೊನಮು. ¹¹ .ಈ ವಿಸ್ಯಮ್ಲನಿ ಅಜ್ನಪಿನ್ಚಲಿ ಅಮಿಂಕ ಬೋದಿಂಚಲಿ. ¹² .ಯೌವನಸ್ಥಅನೀ ನಿನ್ನು ಅಸಡ್ಡೆ ಸೇಸದಂಕಿ ಯೋರ್ಗು ಅವಕಾಸ ಇಕುಂಡ ನಮ್ಬಿಕೊನಲ್ಕಿ ನಡೆ ನುಡಿ ಪ್ರೀತಿ ನಂಬಿಕೆ ಶುದ್ದಲ ನುವ ಮಾದರಿಅಹಿಂಡು. ¹³ .ನೇಣು ವಚೆ ಲೋಗ ಒದದನ್ತ್ಲ ಎಚ್ಚರಿಂಚದಂತಲ ಬೋದಿಂಚಹಂತ್ಲ ಗಮನ ಇಯಂಡಿ. ¹⁴ .ನಿಳಹುಂದ ವರಮ್ನಿ ಅಳಕ್ಸ್ಯ ಸೆಕುಂಡ ಸಬೆಯಹಿರಿಯಳು ಪ್ರವಾದನೆ ಸಹಿತಂಗ ನಿ ಪೈನ ಸೈ ಪೇತಪ್ದು ಅಡಿ ನಿಕಿ ಎಚ್ಹೆಕದ. ¹⁵ . ಈ ಕರ್ಯಲ್ನಿ ಸದಿಸಿಸೆದನ್ತ್ಲ ಆಸಕ್ತನ್ಗಹುಂದು ದಿನಿಕ ನಿ ಅಬಿರುದಿಯು ಅಂದ್ರ್ಕು ಪ್ರಸಿದ ಐತಾಡಿ ¹⁶ .ನಿ ವಿಸ್ಯಮ್ಲ ನಿ ಉಪದೇಸ ವಿಸ್ಯಮ್ಲ ಎಚ್ಹರಿಕಹುನ್ದ ನುವ ಈ ಕರ್ಯಲಹುಂಡು ಇಟಾ ಹುನಪುಡು ನೀನು ನಿ ಉಪದೇಸ ಇನೋಲ್ಕಿ ರಕ್ಸಿಸತಹು.