¹ ಸೇವಲು ಮನಸ್ಸು ಮಂಚಿವಾಲು ಅಂಕ ಮತ್ಳು ನಿಜಾಂ. ² ಹೇಟಹುನ್ಡಲಅಂಟೆ - ಅನ್ಯಲು ವಾಲ್ ಪೈನ ಸೇಡ್ದಿ ಮೊಪ್ಕುದು. ಮಂಚಿ ಮನುಸ್ಯ್ ಐನ್ದಲ. ಒಕ್ಕ ಪೆನ್ದಳಮು ಹುನ್ಡಲ. ವಾಡು ಎಮನಿ ಇಸ್ತಂ ಪಡ್ಕುದು ಮಂಚಿ ಯೋಚನೆ ಸೇಯಲ. ವಾಡು ಅನ್ಯಲ್ನಿ ಪಿಲಿಯ್ಲ. ಭಗ ಪ್ರಸಂಗ ಸೇಯಲ ಐಡಲ. ³ ತಾಗ ಕುಡ್ದು. ವಾಡು ಸೆದ್ದದಿ ಪೊಂದಕುದ್ದು. ದುಡಲ್ನಿ ಅಸಪಡ್ಕುದು.ಇದಿ ಸಭಾ ಸೇವಕಲ್ಕಿ ಹುಂಡ ಗುಣಳು. ⁴ .ವಾಡ ಇಟೋಳು ವಾಡ ಮಟಲ್ಗಿ ವಿದೆಯಲಾಹಿ ವಾಡ ನಡ್ಸೋವಳಿ. ವಾಡು ಬಿದಲು ಗೌರವನಿನ್ಕ ಇನ್ಕೊವಳ. ⁵ .ವಾಡು ವಾಡ ಎನ್ತ್ನಿ ಅಮಿಂಕ ಬಿದ್ಳನಿ ಅದಿನಸೇಸ್ಕೊಳೆದು ವಾಡ ಸಭೆನಿ ಅಮಿಂಕ ದೆಹುಡ ಬಿಡ್ಲ್ನಿ ಪಲಿಸ್ತರು. ⁶ .ವಾಡು ಸಭೆಗಿ ಕೊತದಹಿ ಸೇರ್ಕೊಕೊದು ಆಟೇ ವಾಡು ಉಬಿಕೊನಿ ಸೈತಾನಡ್ಕಿ ಆದಿನಐತಾಡು. ದೆಹುಡು ಸೈತಾನದೈನಿ ಕಂದಿಂಚಿ ವಾಡ್ನಿ ಸಿಸ್ಸ್ತಾಡು. ⁷ .ವಾಡು ಅನ್ಯಜ್ನಲ್ನಿನ್ಕ ಮನ್ಚೊಡು ಅನಿ ಸೋಪಿಂಚಿಕೊಂತಡು. ⁸ .ಆಟೇರೀತಿಲ ಸಭಾ ಸೇವಕಲು ಮನ್ಚೋಲಾಹಿ ಹುನ್ದಲ. ವಾಲು ರೊಂಡು ನಾಲ್ಕ ಹುನ್ದಕುದು.ಜಾಸ್ತಿ ದ್ರಾಕ್ಸರಸನಿ ತಕ್ಕುಂಡ ನೀಚ ಪನಿನಿ ಸೆಕುಂಡ ಅಹಿಂಡದೇ ⁹ .ನಂಬಿಕೆನಿ ಮಂಚಿ ಮನಸ್ಕಸಿಲ ಪೊಟ್ಕನಿ ಹುನ್ಡಲ. ಕಕುಂಡ ವಾಲ್ನಿ ಮೊದ್ಲು ಪರೀಕ್ಷೆಕಿ ಇಯಾಲ ಅಮಿಂಕ ವಾಲು ಪಾಪಂ ಲೇಕುಂಡ ಕಂಬಿಸ್ತೆ ¹⁰ ಸೇವಕ್ಲ ಪನಿಕಿ ನಡಪ್ನಿ. ¹¹ .ಆಟೇ ವಾಡ ಪೆನ್ದ್ಲಮುಳು ಮಂಚಿವಲಹಿಹುನ್ದಲ; ಚಾಡಿ ಸೋಪ್ಕುದು ಮಂಚಿಬುದ್ದಿ ಹುನ್ದಲ ಅನಿ ವಿಸ್ಯಮ್ಲ ನಮ್ಬಿಗಸ್ತೆ ಹುನ್ಡಲ. ¹² .ಸಬಾ ಸೇವಕಲು ಒಕ್ಕ ಪೆನ್ದ್ಳಮು ಹುನ್ಡಲ ವಲ ಬಿದಲ್ನಿ ಇನ್ತೊಳು ಭಾಗ ಸುಸ್ಕೊನಲು ಅನ್ದಲಿ. ಆಟೇ ವಲ ಪೆನ್ದಲಮು ಮಂಚಿವಲಹಿ ಹುನ್ದಲಿ; ಪೆನ್ದ್ಲಮುಳು ಮಂಚಿವಲಹಿಹುನ್ದಲ; ಚಾಡಿ ಸೋಪ್ಕುದು ಮಂಚಿಬುದ್ದಿ ಹುನ್ದಲ ಅನಿ ವಿಸ್ಯಮ್ಲ ನಮ್ಬಿಗಸ್ತೆ ಹುನ್ಡಲ. ¹³ ಸೇವಕಲಹಿ ಭಾಗ ಪಾನಿಸೇಸೋಳು ಮಕಿ ಮಂಚಿ ಪದವಿನಿ ಕಿಸ್ಥ ಯೇಸ್ಲಾಹುಂಡ ನಂಬಿಕೆ ವಿಸ್ಯಮ್ಲ ದೈರ್ಯನಿ ಪಡ್ಕೊಂತಳು. ¹⁴ .ಬಿರ್ನ ಮೀ ಬಲಿಕಿ ವಚ್ಸನು ಅನಿ ನಮ್ಬಿಕೆಲ ನೇನು ಮಿಕಿ ಈ ವಿಸ್ಯಮ್ಲ್ನಿ ರಸ್ನನು. ¹⁵ .ಅಹಿನ ಒಕ್ಕ ವೆಲ ನೇನು ತಡಂಆಯಿತೆ ಮಂಚಿ ಸತ್ಯಂ ಅದರಂ ಅಹಿನ ದೆಹುಡ ಇಂಟಲ ಜೀವ ಸ್ವರೂಪ ಅಹಿನ ದೆಹುದ ಸಭೇಲ ನಡ್ಸ್ಕೊನ ರೀತಿ ಮಿಕಿ ಗೊತ್ಕವಲಿ. ¹⁶ .ದೇವ ಭಕ್ತಿ ವಿಸ್ಯಮು ಮಹತ್ವಅಹಿಂಡಿ ತರ್ಕಕದು ಆದಿ ಯ್ವವವಂಟೆ--ದೆಹುಡು ಸರಿರಂಗ ವಚೆ. ಆತ್ಮ ಸಂಮದಮ್ಲ ನೀತಿವಂತಅಹೆ. ದೂತಲ್ಕಿ ಕಂಬಿನ್ಚೋನೆ. ಅನ್ಯ ಜನಲ್ಕಿ ಸೋಪೇ ಲೋಕನಿ ನಂಬ್ಕನೆ ಮಹಿಮೆಗಿ ಸೇರ್ಕೊನೆ.