¹ Rababaaza do̱o̱ n biiuwaz, Tiyoofilus, doo neta Yeeso bo̱'rǝ sǝ kubrusǝnat rekarǝ dǝna i kweenu paarindǝ. ² Sa'kaa esǝn to̱mbaiya ullǝi paka Rumsa Billǝssǝk to̱mbaiya te̱e̱giirǝ, ³ iya yii zura ullǝl naa zǝngs sa'kaa ɓǝrǝn baarazzǝ. Ru' zu' ittǝkkeǝ pii yiik zura gwandǝllǝ iirǝ, sǝ doosi pak gwanta Billǝttǝ paa. ⁴ De pu iirǝ te' doosi géé kaina daa urshaliima pa, ama ina zo' dogkaa Daarǝk, ina doo géé, "I gee diga miirǝ ⁵ géé yohana bo̱'rǝ batisma na maan ama ii í bo̱'o̱skunuu naa Rumsa Billǝs ru'a í zakairǝ." ⁶ De i tookǝnpu ar mukǝ í de̱su géé, "Dangwanz, bǝlla allǝzi sǝ a gǝtkǝn Israilaawai gwanta iit ya?" ⁷ Doosi géé, " Me̱e̱ka bǝl naa dǝna Bil shiryon a iini pa a gwandǝnni. ⁸ Ama i kink gbam, Rumsa Billǝs na tiitǝ iirǝ paa, i gakp sedaakuiya mii diga Urshaliima na Yahuudiya yas naa samaariya rekarǝ ara dǝl kǝsǝnnakrǝ." ⁹ De daa Yeeso doosapu ne̱ta eti, ipu gwenk ara paakrǝ, i pe'su paarisǝ ko̱lǝz gbǝ'su su i ogu pa. ¹⁰ I pii pin gwenk ni ri'gǝn paarikrǝ, ni umkpa norak mari ittǝkkǝ i de' iirǝ pourǝ na yalǝna bunnan sǝ ¹¹ i doosi géé, Ìi mariya Galiilii no̱k an sǝ i de' ang sǝ i gwen ara paarik ya? Yeesowa i pe'su paari az gǝtǝk gǝn ni i ognu dǝkǝndǝ billǝ paari ak." ¹² Sei i gǝǝ Urshaliima diga ge'a te̱ta zaitundǝkrǝ pou urshaliima... ¹³ De i reks, i tor gwa ara i gawunakrǝ. Íiyi Biiturus, Yohana, Yaakubu, Andaraawus, Filibus, Tooma, batilomaawus, Matta, Yaakubu waza Alfarǝz, Siman naa Yahuuda waza Yaakuburǝz. ¹⁴ Íi yas i daks zur mulǝ sǝ i ree mu'ka naa wǝǝrǝka Bil. Íirǝ te' kitaki' i pii, Maryaamu maiya Yeesorǝz na zeewiya ullǝi. ¹⁶ Dǝnnirǝ Biiturus ruu sǝ de' uri yangirǝ te' mari ipu zu' bamrǝ bansirǝ sǝ doo géé, ¹⁵ "Uri yangi zǝmazi go̱'go̱n ara paka rababairǝk yi'iskǝn zokak, ni Rumsa Biilǝs doon do̱do̱ su' a daudarǝkrǝ yahuudarǝ ura ge̱e̱seǝ iya i kam Yeesoi bilakrǝ paak. ¹⁷ No̱k ur do̱o̱ pu aarǝ te' ama kweesapu we̱'gǝra ullǝ to̱msǝl." ¹⁸ (Ri'ak mazzi yipsapu ar naa we̱e̱sa to̱msa ullǝ go̱'passǝ. Kas zur dii, sǝ baara ullǝl pu'us haa ba'ta ullǝt sups goo. ¹⁹ Mariya urshaliimai yas i me̱e̱me̱n inni, haa i de̱r arki naa me̱e̱la iil Akeldaama, waato, Ara kwaalǝk.) ²⁰ No̱k pu biisǝnǝn rababaaza gessǝzzǝ géé, Ara ullǝk na see kooto, maz uza naa gau roo pa, uza na kwee gbi'kǝma ullǝm. ²¹ No̱k riik to̱o̱to̱n mariya aarǝ te' apu yam diga bǝlla Daa Yeeso pun to̱msǝ aarǝ te'ek, ²² ma'karǝ diga batissmaa Yohanarǝzzǝ rekarǝ ublaa i pe'sunu parikrǝ, iya i gau sedaakui naa aa ruuka robaama ullǝmdǝk. ²³ I kees mari ittǝkkǝ, Yusufu ura i de̱ru barnabasaz gǝ i dǝ'su riir Yustusaz naa Maatiyas. ²⁴ I we̱e̱rǝ Bil i doo géé, Mo̱o̱ Daa Bil, a me̱e̱me̱n timteya marirǝi yas, mariya ittǝkkǝ airǝ ge̱e̱smee ura a te̱e̱guz ²⁵ sǝna gǝǝs ar to̱msa Yahuuda laasas sǝna yi'is ara ullǝk." ²⁶ I zopsi zogǝz, zogǝz kas Maatiyassǝ, sei i tosu to̱mbaiya komna naa muzǝz airǝ te'.