1 Tsy ho aminay, ry Yaveh, tsy ho aminay, fa ho amin'ny Anaranao no hitondrana voninahitra, ho an'ny fanekenao mahatoky sy ny fahamendreham-pitokisanao. 2 Nahoana ireo firenena no tokony hanao hoe: " Aiza ny Andriamanitr'izy ireo?" 3 Ny Andriamanitray dia any an-danitra; manao izay rehetra tiany Izy. 4 Ireo sampin'ireo firenena dia volafotsy sy volamena, asan-tanan'ireo olombelona. 5 Manam-bava ireo sampy ireo, fa tsy miteny izy ireo; mana-maso izy ireo, fa tsy mahita izy ireo; 6 manan-tsofina izy ireo, fa tsy maheno izy ireo; manan'orona izy ireo, fa tsy manimbolo izy ireo. 7 Ireo sampy ireo manan-tanana, fa tsy mahatsapa; manan-tongotra izy ireo, fa tsy afaka mandeha; na miteny amin'ny vavany aza izy ireo. 8 Ireo izay nanao azy ireo dia mitovy amin'izy ireo, tahaka izay rehetra matoky azy ireo. 9 Ry Israely, matokia an'i Yaveh; Izy no famonjenao sy ampinganao. 10 Ry ankohonan'i Arona, matokia an'i Yaveh; Izy no famonjenao sy ampinganao. 11 Ianareo manome voninahitra an'i Yaveh, matokia Azy; Izy no famonjenao sy ampinganao. 12 Mahatsikaritra antsika i Yaveh ary hitahy antsika; hitahy ny fianakavian'Israely Izy; ary hitahy ny fianakavian'i Arona. 13 Hitahy izay manome voninahitra Azy Izy; ny tanora sy antitra. 14 Aoka i Yaveh hampitombo an'isa anareo hatrany hatrany, ny anao sy ny an'ny taranakao. 15 Aoka anie ianao hotahian'i Yaveh, izay nanao ny lanitra sy ny tany. 16 An'i Yaveh ny lanitra; fa ny tany nomeny an'ny olombelona. 17 Ny maty tsy mba midera an'i Yaveh, na izay midina any amin'ny mangingina tsy manao izany; 18 Fa hisaotra an'i Yaveh izahay anio ary mandrakizay. Derao Yaveh.