Toko faha 4

1 Fa indro, ho avy ny andro, mandoro toy ny fatana, rehefa lasa mololo ireo mpirehareha sy mpanao ratsy rehetra. Ho avy ny andro handoro azy ireo, " hoy Yaveh Tompon'ny maro, "ka hamela izany ho tsy hisy faka sy rantsany izany. 2 Fa ho anareo izay matahotra ny anarako, ny masoandron'ny fahamarinana dia hiposaka miaraka amin'ny fanasitranana eny amin'ireo elany. Hivoaka ianareo, ary hitsambikina toy ny zanak'omby avy ao amin'ny fihinanam-bilona. 3 Amin'izany andro izany dia hanitsakitsaka ny ratsy ianareo, satria ho lavenona ambanin'ny faladian-tongotrareo izy ireo amin'ny andro izay hiasako," hoy Yaveh Tompon'ny maro. 4 Tadidio ny fampianaran'i Mosesy mpanompoko izay nomeko azy tany Horeba ho an'Israely rehetra, ireo didy sy fitsipika. 5 Indro, haniraka an'i Elia mpaminany Aho mialohan'ny fiavian'ilay andro lehibe sy mampitahotr'i Yaveh. 6 Hamerina ny fon'ny ray ho amin'ny zanaka Izy, ary ny fon'ny zanaka ho amin'ireo rainy, mba tsy hiaviko ka hamelezako ny tany amin'ny faharavana tanteraka."