¹ ಪಸ್ಕ ಮತ್ತೆ ಪುಲ್ಪು ಇಲ್ಲರ ರಟ್ಟಿ ಪಂಡುಗ ವರ್ರುಕು ಇನ್ನು ರಂಡುನಾಲು ಇಂದಪ್ಪೋರು ಪ್ರದಾನಯಜಕರು ಶಾಸ್ತ್ರಿಗ್ಯ ಉಪಾಯತಿಂಡು ಪುಡುಸು ಅತನತ್ತೆಯಿ ಹೆನಾಗು ಕೊಲ್ಲುರುದು ಇಂಡು ಹವಣಿಸುತಿಂಚುನು, ² ಅನೇಕೆ ಅಯಿಗ್ಯ –ಜನರು ದಂಗೆ ಅದ್ದಿಕ್ಕ್ಯರಕನಿ ಪಾಂಡುಗುಲುಕೋರು ಮಾನ ಇಂಡುಗೊಂಡುಸ್ಸು. ³ ಬೆಥ್ಯಾನ್ಯತ್ಕೊರು ಕುಷ್ಟರೋಗಿಯಾಯಿಕ್ಕಿರ ಸಿಮೋನಾನಾತ ಉಟುಕೋರು ಕಲಿ ತಿಂಗಿರುಕು ಉಕ್ಕೊಂಡಿ೦ದ್ದಪ್ಪೋರು ಒಂಡು ಪಂಬುಳಾದು ಅತಿ ಶ್ರೇಷ್ಠವಾಯಿಕ್ಕಿರ ಸುಗಂದ ತೈಲಾತ ಭರಣಿಯತ್ತೆಯಿ ಅತ್ಗೊಂಡು ವಂದು ಅತ್ತ ಓಡುಸು ಆತನ ತಲಾಕಾಯಿಮೆನಿ ವಾತುಸು , ⁴ ಅನೇಕೆ ಅಟಿ೦ದ್ದ ಕೆಲವರು ತಂಗುಲುಕೋರೆ ಯಸುರು ಸೆಂದುಗೊಂಡು – ಈ ತೈಲತಾ ನಷ್ಟ ಸೆಂದಾದು ಯಂತ್ಗು? ⁵ ಇತ್ತ ಮುನ್ನೂರು (ಪೆನ್ಸ್ )ದುಡ್ಡುಲಿಕಿಂತ ಜಾಸ್ತಿ ಬೆಲಿಕಿ ಇಚ್ಚು ಬಡುವುರುಕು ಕುಡುಕುಬೊದಿಂಚುಲ್ಲ ಇಂಡುಗೊಂಡು ಅತ್ಗು ಎದುರಾಯಿ ಗುಣುಗುಟ್ಟುಸುನು, ⁶ ಅನೇಕೆ ಯೇಸು –ಇತ್ತ ಉಟ್ಟೋಡ೦ಗೋ ; ಇತ್ಗು ಯಂತ್ಗು ನಿಂಗ ತೊಂದರೆ ಕುಡ್ಕುರಂಗ ? ಇದು ನನ್ಕು ನಲ್ಲ ಪಾನೇ ಸೇಂದಿದು , ⁷ ಯಂತ್ಗು ಇಂಡೆಕೆ ಬಡವರು ಎಪ್ಪೋತಿಗು ನಿಂಗಾಲಾಂಟೆ ಇಕ್ಕ್ಯನು;ನಿಂಗುಲುಕು ಮನಸ್ಸಿಂದೆಕೆ ನಿಂಗ ಯಪ್ಪೋರು ಬೇಕಾನೆಕು ಉಪಾಕಾರ ಸೇಯ್ಯಿಬೋದು ; ಅನೇಕೆ ನಾನು ಎಪ್ಪೋತಿಗು ನಿಂಗಲಾಂಟಿ ಇಕ್ಕಿಮಾಟೆ, ⁸ ಈ ಪಂಬುಳಾದು ತನ್ನಿಂಡು ಅನಾದ್ನ ಸೆಂದಿದು;ನಟ ಶರೀರತ ಹೂಣುರುಕು ಅತ್ತ ಅಬಿಷೇಕ ಸೇಯ್ಯಿರಿಕಾಯಿ ಈದು ಮುಂದಾಯಿ ಸೆಂದಿದು, ⁹ ನಾನು ನಿಂಗುಲುಕು ಕರಾಣೆಕೆ ಸೋನ್ನಾರೆ ---ಈ ಸುವಾರ್ತೆ ಈ ಲೋಕತ್ಗೊರು ಎಟೆಟಿ ಸಾರಲ್ಪಡದೋ , ಅಟಾದ್ದಿ ಈ ಪಂಬುಳಾದು ಸೆಂದಿಕ್ಕಿರಾದು ಸಹ ಇತ್ತ್ರ ಜ್ನಾಪಕರ್ತವಾಯಿ ಸೋನ್ನನು ಇಂಡಸ್. ¹⁰ ಅಪ್ಪೋರು ಪನ್ನೆಂಡ್ ಮಂದಿಲಿಕೊರು ಒಂಡಾಯಿಕ್ಕಿರ ಇಸ್ಕರಿಯೂತ ಯೂದನು ಯೇಸು ಸ್ವಾಮಿತ್ತೆಯಿ ಪ್ರದಾನ ಯಜಕರುಕು ಪುಡುಸುಕುಡ್ಕುರುದು ಇಂಡು ಅಯಿಲಾಂಚುಗು ಹೊಸು, ¹¹ ಅಯಿಗ್ಯ ಅತ್ತ ಕೋಟು ಸಂತೋಷ ಪಟ್ಟು ಅತ್ಗು ದುಡ್ಡುಲಾ ತರ್ರೋ ಇಂಡು ವೋಕು ಕುಡುತುಸ್ಸುನು,ಅದು ಅತನತ್ತೆಯಿ ಅನುಕೂಲವಾಯಿ ಪುಡುಸುಕುಡುಕಾರಾದು ಹೆನಾಗು ಇಂಡು ದವ್ವುತಿಂಚು. ¹² ಪುಲ್ಪು ಇಲ್ಲರ ಪಾಂಡುಗುಲಾತ ಮೊದಲನೇ ದಿನು ಪಸ್ಕತ ಕುರುಬಟ ಅಯಿಗ್ಯ ಅರುಕುರ ದಿನು ಆತನ ಶಿಷ್ಯರು ಅತನಕು –ನೀನು ಪಸ್ಕತ ಕಲಿ ತಿಂಗಿರುಕನಿ ನಂಗ ಹೊಯ್ಯಿ ಎಟಿ ಸಿದ್ದ ಸೇಯ್ಯಿರುದು ಇಂಡು ಕೊಟುಸುನು,ಅಪ್ಪೋರು ¹³ ಆತನು ತನ್ನ ಶಿಷ್ಯರುಕೊರು ರಂಡಾಳುನಾ ಅಂಪ್ಪಿ ಅಯಿಲಿಕಿ –ನಿಂಗ ಊರುಲ್ಲಿಕಿಹೊಂಗೋ; ಅಟಿ ತನ್ನಿ ಕೋಡಪಾನ್ಯ ಸಮುದುಗೊಂಡು ಹೋಗುರಾ ಒಂಡು ಮಣುಸು ನಿಂಗುಲುಕು ಸಿಕ್ಕಾದು; ಅತ್ತ ಹಿಂಬಾಲಿಸಂಗೋ, ¹⁴ ಅದು ಎ ಉಟೂಲ್ಲಿಕಿ ಹೊಕ್ಕುದೋ;ಅ ಉಟ ಯಜಮಾನನಕು –ನಾನು ನನ್ನ ಶಿಷ್ಯರಂಟಿ ಪಸ್ಕತ ಕಲಿ ಸೇಯ್ಯಿರಿಕು ಅತಿಥಿಯಾ ಕ್ವಾಣಿ (ಕೊಟಡಿ ) ಎಟಿದು ಇಂಡು ಬೋದಕನು ಕೊಕಾದು ಇಂಡು ಸೋನ್ನಾಂಗೊ ಇಂಡಸ್, ¹⁵ ಅದು ಸಜ್ಜು ಸೆಂದ್ದಿಕ್ಕಿರ ಮೇಲಂತಸ್ತಿನ ಬೇರ್ ಕ್ವಾಣಿತ್ತೆಯಿ ನಿಂಗುಲುಕು ಕಾಟಾದು; ಅಟಿ ನಿಂಗ ನಂಬುರುಕು ಸಿದ್ದ ಸೇಯ್ಯಂಗೋ ಇಂಡಸ್, ¹⁶ ಅಪ್ಪೋರು ಆತನ ಶಿಷ್ಯರು ಊರೂಲ್ಲಿಕಿ ಹೋಯಿ, ಆತನು ತಂಗುಲುಕು ಸೋನ್ನಿಕ್ಕಿರ ತರನೆ ಪಸ್ಕತ ಸಿದ್ದಸೆಂಚುನು, ¹⁷ ಅಂದಿಬೇರೆ ಅನ್ನಪ್ಪೋರು ಆತನು ಪನ್ನೆಂಡು ಮಂದಿ ಶಿಷ್ಯರಲಾಂಟಿ ವಂಚು, ¹⁸ ಅಯಿಗ್ಯ ಉಕ್ಕೊಂಡು ಕಲಿ ತಿಂಗ್ಯ೦ದು ಯೇಸು ಅಯಿಲಿಕಿ –ನನ್ನಂಟಿ ಕಲಿ ತಿಂಗಿರಿಯ್ಯಲಿಕೊರು ಒಂಡು ನನ್ನ ಪುಡುಸುಕುಡ್ಕಾದು ಇಂಡು ನಾನು ನಿಂಗಾಲುಕು ಸತ್ಯವಾಯಿ ಸೋನ್ನರೆ ಇಂಡಸ್, ¹⁹ ಅಪ್ಪೋರು ಅಯಿಗ್ಯ ದುಃಖಿಸರಲಾರಂಬಿಸಿ ಒಂಡೊ೦ಡಾಯ್ಯಿ ಅತನುಕು –ಅದು ನಾನಾ?ಮತ್ತೆ ಇನ್ನೊಂಡು – ಅದು ನಾನಾ ? ಇಂಡು ಅತನತ್ತೆಯಿ ಕೋಟುಸುನು. ²⁰ ಅತ್ಗು ಆತನು ಅಯಿಲಿಕಿ –ಅದು ಪನ್ನೆಂಡು ಮಂದಿಲಿಕೊರು ಒಂಡು , ಇಂಡೆಕೆ ನನ್ನಾಂಟಿ ದಬುರಿಕೊಕು ಅದ್ದುರಾದೆ ಅದು, ²¹ ತನ್ನ ವಿಷಯವಾಯಿ ವಜಿಕ್ಕಿರ ಪ್ರಕಾರ ಮಣುಸುಕುಮಾರನು ಕರನ್ಕೆಹೊಕ್ಕುದು;ಅನೇಕೆ ಎತ್ತಿಂಡು ಮಣುಸುಕುಮಾರನು ಪುಡುಸುಕುಡ್ಕಲ್ಪಡದೋ ಆ ಮಣುಸುನೂಕು ಅಯ್ಯೋ!ಆ ಮಣುಸು ಪರಕದಿಂದೆಕೆ ಎದ್ನೋ ನಲಾದಿಂಚು ಇಂಡಸ್. ²² ಅಯಿಗ್ಯ ಕಲಿ ತಿಗ್ಯಂದು ಯೇಸು ರಟ್ಟಿತ್ತೆಯಿ ಅತ್ಗೊಂಡು ಆಶೀರ್ವಾದಿಸಿ ಒಡುಸು ಅಯಿಲಿಕಿ ಕುಡುತು –ಅತ್ಗೊಂಗೋ ತಿನಂಗೋ;ಇದು ನಟ ದೇಹ ಇಂಡಸ್, ²³ ತರುವಾಯ ಆತನು ದಬುರಿತ್ತೆಯಿ ಅತ್ಗೊಂಡು ಸ್ತೋತ್ರ ಸೆಂದು ಅಯಿಲಿಕಿ ಕುಡುತುಸು;ಅಯಿಗ್ಯದ್ದಿ ಅತ್ಕೊರು ಕುಡುಸ್ಸುಸುನು, ²⁴ ಅಪ್ಪೋರು ಆತನು ಅಯಿಲಿಕಿ –ಇದು ಬಹು ಜನುರುಕೊಸ್ಕರ ಸುರಿಸಲ್ಪಡ್ರಾ ಪುದಿಒಡಂಬಡಿಕೆಯಾ ನಟ ರಗೂ ²⁵ ಇದಲ್ಲದೆ ನಾನು ದವ್ರುತಾ ರಾಜ್ಯತ್ಕೊರು ಇತ್ತ ಪುದೀಗಿಂಡು ಕುಡ್ಕಿರ ಆ ದಿನುತಾ ತನಕ ಇನ್ನುಮೆನಿ ನಾನು ದ್ರಾಕ್ಷಿ ರಾಸ್ತ ಕುಡ್ಕೆಮಾಟೆ ಇಂಡು ನಾನು ನಿಂಗುಲುಕು ಕಾರಣೆಕೆ ಸೋನ್ನಾರೆ ಇಂಡಸ್. ²⁶ ಪರ್ಗುಂಡು ಅಯಿಗ್ಯ ಒಂಡು ಪತ್ತಾ ಪಾಡಿ ಅನ್ನಿ ಮರಂಗಲಾ ಗಟ್ಟುಕು ಹೊಸುನು , ²⁷ ಅಪ್ಪೋರು ಯೇಸು ಅಯಿಲಿಕಿ - ಈ ನಮಾರಿ ನಿಂಗಾದ್ದಿ ನನ್ನ ದೆಸೆಯಿಂಡು ಅಭ್ಯಂತರ ಪಡಾರಂಗ;ಯಂತ್ಗು ಇಂಡೆಕೆ ನಾನು ಕರುಬನತ್ತೆಯ್ಯಿ ಮತಾರೆ. ²⁸ ಕುರುಬಡುಗಾ ಚದುರಿಸಲ್ಪಡಾನು ಇಂಡು ವರ್ಜಿದು , ಅನೇಕೆ ನಾನು ಅದ್ದಿಂದ್ದಪ್ಪೋರು ನಿಂಗುಲುಕ್ಕಿಂತ ಮುಂದಾಯಿ ಗಲಿಲಾಯತ್ಗು ಹೊಕ್ಕುರೆ ಇಂಡಸ್, ²⁹ ಅನೇಕೆ ಪೆತ್ರನು ಆತನುಕು –ಅದ್ದಿನೂ ಅಭ್ಯಂತರ ಪಟ್ಟುನೆಕೆನು ನಾನು ಅಭ್ಯಂತರ ಪಡುಮಾಟೆ ಇಂಡಸ್, ³⁰ ಅನೇಕೆ ಯೇಸು ಅತ್ಗು –ಈಮಾನು ನಾಮಾರಿಕೆ ರಂಡುಕಡ್ತು ಕೋಯಿ ವದ್ರುತಕ್ಕಿಂತ ಮುನ್ನೆ ಮೂಡು ಕಡ್ತು ನನ್ನ ನೀನು ಅಲ್ಲ ಗಳಿಯರ ಇಂಡು ನಾನು ನಿನ್ಕು ಕರಾಣೆಕೆ ಸೋನ್ನರೆ ಇಂಡಸ್, ³¹ ಅನೇಕೆ ಅದು –ನಾನು ನಿನ್ನಾಂಟಿ ಸಾಗಾಂದು ಬೇಕಾನೇಕೆ ನಿನ್ನ ಅಲ್ಲಗಳಿಮಾಟೆ ಇಂಡು ಬಹು ಆವೇಶತಿಂಡು ಸೋನ್ನುಸು,ಅದರಂತೇನೆ ಅದ್ದಿನು ಸೋನ್ನುಸುನು. ³² ಅಯಿಗ್ಯ ಗೆತ್ಸೆಮನೆ ಇಂಗ್ರಾ ಜಾಗುಕು ವಂದಪ್ಪೋರು ಆತನು ತನ್ನ ಶಿಷ್ಯರುಕು –ನಾನು ಪ್ರಾರ್ಥನೆ ಸೇಯ್ಯಂದು, ನಿಂಗ ಇಟ್ಗೆ ಉಕ್ಕೊಂಗೋಇಂಡಸ್, ³³ ಆತನು ಪೇತ್ರ ಯಕೊಬ ಯೋಹಾನರನ್ನ ತನ್ನಂಟಿ ಅಸ್ಗೊಂಡು ಹೊಯ್ಯಿ ಅತಿ ವಿಸ್ಮಯಗೊಂಡು ಶನ ಮನಗುಂದಿಕ್ಕಿರಿದಯ್ಯಿ -- ³⁴ ನಟ ಜೀವು ಸಾಗುರದ್ನ ದುಃಖತ್ಗು ಒಳಗಾಯಿದು ; ನಿಂಗ ಇಟೆ ಇಂದು ಕಾತುಗೊಂಡು ಎಚ್ಚರಾಯಿ ಇರಂಗೋ ಇಂಡಸ್. ³⁵ ಆತನು ಸ್ವಲ್ಪು ಮುನುಕು ಹೊಯ್ಯಿ ದಿಕು ಬೂದು ಸಾದ್ಯವಾನೇಕೆ ಆ ಗಳಿಗಿ ನನ್ನಿಂಡು ದಾಟಿ ಹೋಗೋಟು ಇಂಡು ಪ್ರಾರ್ಥನೆ ಸೆಂಚು. ³⁶ ಆತನು –ಅವ ತೋಪುನೇ,ಅದ್ದಿನು ನಿನ್ಕು ಸಾದ್ಯವಾಯಿದು; ಈ ದಬುರಿತ್ತೆಯಿ ನನ್ನಿಂಡು ವಾಂಗೆಡು; ಅನೆಕೂ ಅದು ನಟ್ ಚಿತ್ತದಂತೆ ಅಲ್ಲ ನಿಟ ಚಿತ್ತದಂತೆ ಅಗೋಟು ಇಂಡಸ್. ³⁷ ತರುವಾಯ ಆತನು ವಂದು, ಅಯಿಗ್ಯ ವರ್ಕ ಸೇಯ್ಯಿರತ್ತ ಪಾತು ಪೇತ್ರನಕು –ಸಿಮೋನನೆ ,ನೀನು ವರ್ಕ ಸೇಯ್ಯರ್ಯ ? ಒಂಡು ತಾಸನಾ ಎಚ್ಚರಾಯಿ ಇಕ್ಕಿಮಾಟ್ಯ? ³⁸ ನಿಂಗ ಶೋದನೆಕು ಒಳಗಾಗರಕನಿ ಎಚ್ಚರಾಯಿ ಪ್ರಾರ್ಥನೆ ಸೇಯ್ಯಂಗೋ; ಆತ್ಮ ಕರಣೆಕೆ ಸಿದ್ದವಾಯಿದು;ಅನೇಕೆ ಶರೀರ ಬಲಹೀನವಾಯಿದು ಇಂಡು ಸೋನ್ನುಸು, ³⁹ ಆತನು ತಿರ್ಗಿ ಪದ್ದಿರಿಗಿ ಹೊಯ್ಯಿ ಅದೆವೊಕುಲಾ ಸೋನ್ನುತಾ ಪ್ರಾರ್ಥನ ಸೆಂಚು. ⁴⁰ ಆತನು ಪರ್ಕು ಹೊನ್ನಪ್ಪೋರು ಅಯಿಗ್ಯ ತಿರ್ಗಿ ವರ್ಕ ಸೇಯ್ಯಿರತ್ತ ಪಾತುಸು;(ಯಂತ್ಗು ಇಂಡೆಕೆ ಅಯಿಲಿತಾ ಕನ್ನುಗಾ ಬಾರಾವಾಯಿಂಚು ) ಅತನುಕು ಅಯಿಲಿಕಿ ಯಂತ ಉತ್ತುರುತಾ ಕುಡ್ಕುರುದೋ ಇಂಡು ಗೊತ್ತಗುಲ್ಲ, ⁴¹ ಆತನು ಮೂಡುನೇ ಸತಿ ವಂದು ಅಯಿಲಿಕಿ –ಈಪ್ಪೋರು ವರ್ಕ ಸೆಂದು ವಿಶ್ರಾಂತಿ ಅತ್ಗೊಂಗೋ; ಇನ್ನು ಶನಾಗಳಿಗೆ ವಂದಿದು; ⁴² ಇದೋ,ಮಣುಸು ಕುಮಾರನು ಪಾಪಿಲಾ ಕೈಕಿ ಒಪ್ಪಿಸಲ್ಪಡದು; ಅದ್ದಿಂಗ್ಯೋ, ನಂಬುರು ಹೋಗೋಮು; ಇದೋ, ನನ್ನ ಪುಡುಸು ಕುಡ್ಕುರಾದು ಕಿಟ್ಟುಗೋರು ಇದು ಇಂಡಸ್ ⁴³ ಆತನು ಇನ್ನು ವಸ್ಸೇತಿಕ್ಕ್ಯಂದೆ ಪನ್ನೆಂಡು ಮಂದಿಲಿಕೊರು ಒಂಡಾಯಿಕ್ಕಿರ ಯೂದನು ವಂಚು;ಪ್ರಾದಾನ ಯಜಕರು ಶಾಸ್ತ್ರೀಗ್ಯ ಮತ್ತೆ ಬೇರ್ ಬೇರ್ಯಿಲಿಜಾಯಿಂಡು ವಂದಿಕ್ಕಿರ ಜನು ಕೊಡ್ಲಿ ಕೋಲು ಪುಡುಸುಗೊಂಡು ಅತ್ತೆ೦ಟಿ ವಂಚುನು, ⁴⁴ ಇದಲ್ಲದೆ ಅತನತ್ತೆಯಿ ಪುಡುಸುಕುಡ್ಕುರಾಂತದು ಅಯಿಲಿಕಿ –ನಾನು ಎತ್ತ್ಗು ಮುತ್ತು ಕುಡ್ಕಾರನೋ ಅದೇ ಯೇಸು ಸ್ವಾಮಿ; ಅತನತ್ತೆಯಿ ಪುಡುಸು ಭದ್ರವಾಯಿ ಅತ್ಗೊಂಡು ಹೊಂಗೋ,ಇಂಡು ಗುರುತು ಸೋನ್ನಿಂಚು, ⁴⁵ ಅದು ವಂದ ತಕ್ಷಣ ನೆರವಾಯಿ ಅತನಜಾಯಿ ಹೊಯ್ಯಿ –ಗುರುವೇ,ಗುರುವೇ,ಇಂಡು ಸೋನ್ನಿ ಅತನುಕು ಮುತ್ತು ಕೂಡುತ್ಸು ⁴⁶ ಅಪ್ಪೋರು ಅಯಿಗ್ಯ ಆತನ ಮೆನಿ ಕೈ ವೋಟು ಅತನತ್ತೆಯಿ ಪುಡುಸ್ಸುನು. ⁴⁷ ಅನೇಕೆ ಕಿಟ್ಟುಗು ನಿಂಡ್ರಿಕ್ಕಿರಯಲುಕೋರು ಒಂಡು, ಕೊಡ್ಲಿಯಿಂಡು ಬಟಿ ಪ್ರಾದನಯಜಕರಜಾಯತ್ತ ಒಂಡು ಅಳುತ್ತೆಯಿ ಮತಿ ಅತ್ರ ಸವ್ವಿತ್ತೆಯಿ ಬಟಿ ಪೇಟುಸು , ⁴⁸ ಯೇಸು ಅಯಿಲಿಕಿ –ಕೊಡ್ಲಿ ಬಡಗಿಲಾತ್ತೆಯಿ ಅತ್ಗೊಂಡು ಕಳ್ಳನಕು ವಿರೋದವಾಯಿ ವರ್ಕನಿ ನನ್ನತ್ತೆಯಿ ಪುಡ್ಕಿರಿಕು ವಂದಿರಂಗ್ಲ ? ⁴⁹ ನಾನು ಪ್ರತಿದಿನನೂ ದವ್ರು ಅಲಾಯತ್ಕೊರು ಬೋದುಸುತಾ ನಿಂಗಲಾಂಟೆ ಇಂದೇ;ಅಪ್ಪೋರು ನಿಂಗ ನನ್ನ ಪುಡ್ಕಿಲ್ಲ;ಅನೇಕೆ ವರ್ಜಿಕ್ಕಿರಾದು ನೆರೆವೆರಲೇಬೇಕು ಇಂಡಸ್, ⁵⁰ ಅಪ್ಪೋರು ಶಿಷ್ಯರದ್ದಿನು ಅತನತ್ತೆಯಿ ಉಟ್ಟೋಟು ಓಡಿಹೊಸುನು. ⁵¹ ಅಟಿ ಒಂಡು ಪರೆತಾದು ಒಂಡು ಮಣುಸು ಇಂಚು,ಅದು ಬರಿ ಮೈಮೆನಿ ಇಂದು ನಾರು ಬಟ್ಟುಲಾ ಮಾತ್ರ ಇಟ್ಟುಗೊಂಡು ಅತನತ್ತೆಯಿ ಹಿಂಬಾಲಿಸಿತಿಂಚು;ಅಪ್ಪೋರು ಅಯಿಗ್ಯ ಅತ್ತ ಪುಡುಸುಸುನು, ⁵² ಅಪ್ಪೋರು ಅದು ಆ ನಾರುಮಡಿನೂ ಉಟ್ಟು ಬರಿ ಓಡುಮುಮೆನಿ ಒಡೆಸು. ⁵³ ಇದಾನ್ನಪ್ಪೋರು ಅಯಿಗ್ಯ ಯೇಸುನತ್ತೆಯಿ ಮಹಾಯಜಕನಂಚುಗು ಅಸ್ಸುಗೊಂಡು ಹೊಸುನು;ಅತನಂಟಿ ಪರಿಸಾಯರು ಪ್ರಾದನ ಯಜಕರು ಬೇರ್ ಬೇರ್ಯ್ಯದ್ದಿನೂ ಮಹಾಯಜಕನಂಚುಗು ಕುಡಿ ವಂಚುನು, ⁵⁴ ಅನೇಕೆ ಪೆತ್ರನು ಮಹಾಯಜಕನತ ಭವನತ ತನಕ ತೂರುತಿಂಡು ಅತನತ್ತೆಯಿ ಹಿಂಬಾಲಿಸಿ ಅಳುಗಳಾ೦ಟಿ ತಂಡಿ ಕಾಸುರುಕು ಉಕ್ಕೊಂಡುಸ್ಸು, ^{55 56} 55 ಅಪ್ಡು ಮಹಾಯಜಕುಲು ಪೆದ್ ಸಭೆಯೋಳಂದ್ರು ಯೇಸುನಿ ಸೊಂಪಿಬೀಯಾಲನಿ ಯೇಸು ಮಿಂದ ಸಾಕ್ಷಿನಿ ಹುಡುಕ್ರಿ , ಆಯ್ತೆ ಏಮಿ ಸಿಕ್ಲೇದು . 56 ಬಹು ಮಂದಿಲು ವಚ್ಚಿ ಯೇಸು ಮಿಂದ ಸುಳ್ಳು ಸಾಕ್ಷಿ ಸೊಪ್ತೆನು ವಾಳ್ ಸಾಕ್ಷಿ ಒಕ್ಟಿಕೊಕ್ಟಿ ಸರಿ ಪಡ್ಲೇದು . ^{57 58 59} 57 -58 ಆಮಿಂದ ಕೆಲುವ್ಲು ಲೇಸಿ ನಿಲ್ಪಡಿ - ಸೈಯಿಂಚ ಕಟ್ಟುಂಡೆ ಈ ದೇವುಡು ಆಲಯುಮ್ನಿ ನಾನು ಪಡೆಸಿಡ್ಸಿ ಸೈಯಿಂಚ ಕಟ್ಲೇನಿನ ಇಂಕೊಕ್ಟ್ನಿ ಮೂಡು ದಿನಾಲ್ಲಾ ಕಟ್ತಾನು ಅನಿ ವೂಡು ಸೊಪ್ಪಿಂದಾನ್ನಿ ಮಾಮು ಇನ್ನಾಮು ಅನಿ ವಾಡ್ ಮಿಂದ ಸುಳ್ಳು ಸಾಕ್ಷಿನಿ ಸೊಪ್ರಿ . 59 ಇಟ್ಟ ಸೊಪ್ತೆನು ವಾಳ್ ಸಾಕ್ಷಿ ಒಕ್ಟಿಕೊಕ್ಟಿ ಸರಿಪಡ್ಲೇದು . ^{60 61 62} 60 ಅಪ್ಡು ಮಹಾಯಾಜಕುಡು ಲೇಸಿ ನಡ್ವೆ ನಿಲ್ಪಡಿ - ನುವ್ವೇಮಿ ಉತ್ರುಮು ಇಚ್ಚೆಟ್ಲೆದಾ ? ವೂಳು ನೀ ಮಿಂದ ಸೊಪ್ಪೆ ಈ ಸಾಕ್ಷಿ ಏಮಿ ? ಅನಿ ಯೇಸುನಿ ಪ್ರಶ್ನಿಚ್ಚೆ . 61-62 ಆಯ್ತೆ ಯೇಸು ಊರ್ಕೆ ವುಂಡಿ ಏಮಿ ಉತ್ರುಮು ಸೊಪ್ಲೇದು . ತಿರ್ಗಿ ಮಹಾಯಾಜಕುಡು - ಭಗವಂತ ಕುಮಾರುಡೈನ ಕ್ರಿಸ್ತುಡೋ ನುವ್ವ , ಅನಿ ಯೇಸುನಿ ಅಡ್ಗಿನ್ದಾಂಕಿ ಯೇಸು - ನಾನೇ , ಇದ್ಕಾಕುನ್ನ ಮನುಷ್ಯಕುಮಾರುಡು ಸರ್ವಶಕ್ತುಡು ಕುಡುಮ್ ತೊಟ್ಲ ಆಸಿನ್ಮಾಯುಂಡೆದ್ನಿ ಆಕಾಶ್ಮುಲು ಮೇಘಾಲ್ಲಾ ವಚ್ಚೆದಾನ್ನಿ ಸೂಸ್ತಾರು ಅನೆ . ^{63 64 65} 63-64 ದೀನ್ನೀ ಇನಿ ಮಹಾಯಾಜಕುಲು ವಾಳ್ ಅಂಗಿನಿ ಸಿಂಪ್ಕೊನಿ - ನಾಕಿ ಇಂಕ ಸಾಕ್ಷಿ ಎಂದ್ಗೂ ಕಾವಾಲ ? ವೂಡು ಸೇಸಿನ ದೂಷಣೆನಿ ಇನ್ನಾರೇ , ಮೀಕಿ ಎಟ್ಟ ಕಂಟಾದಿ ಅನೇಕಿ ವಾಳಂದ್ರು - ವೂಡು ಮರಣ್ಮು ದಂಡನೆಕಿ ಹೊಂದೇತಕ್ಮೋಡು ಅನಿ ತೀರ್ಪು ಸೇಸೆ . 65 ಆಮಿಂದ ಕೆಲುವ್ಲು ಯೇಸುನಿ ಊಸಿ ಯೇಸು ಮಕನ್ಕಿ ಮುಸ್ಕು ಏಸಿ ಗುದ್ದಿ - ಪ್ರವಾದ್ನುಮು ಸೊಪ್ಪು ಅಂಟ ವುಂಡ್ರಿ . ಮಲಿ ಓಲೇಕಾರುಲು ಯೇಸು ಕೆನ್ಕಿ ಕೊಡ್ತಾ ವಾಳ್ ವಶಂಕಿ ಸೀಸ್ಕೊನ್ರಿ . ^{66 67 68} 66-67 ಇಕ್ಡುಕಿ ಪೇತ್ರುಡು ದುಗುನ ಅಂಗಳುಮ್ಲ ವುಂಡ್ನಪ್ಡು ಮಹಾಯಾಜಕುಲ ದಾಸಿಲ್ಲಾ ಒಕ್ತಿ ವಚ್ಚಿ ವಾಡು ಚಳಿಕಾಸ್ಕೊಂಟ ವುಂಡೇದ್ನಿ ಕನಿ ವಾಡ್ನಿ ಸೂಸಿ - ನುವ್ವ ಸಹ್ಮು ಆ ನಜರೇತೊಡಾಯಿನ ಯೇಸು ಜೊತ್ಲ ವುಂಡ್ನೋಡು ಅನೆ . 68 ವಾಡು - ಕಾದು , ನುವ್ವ ಏಮಂಟಾವೋ ನಾಕಿ ಗೊತ್ಲೇದು , ತಿಳ್ಸೆಟ್ಲೆದು ಅನಿ ಸೊಪ್ಪಿ ಆಕ್ಟರ್ಕಿ ಪಾಯೇ . ^{69 70} 69 ಆನ ದಾಸಿ ವಾಡ್ನಿ ಕನಿ ಹತ್ರುಮ್ಲ ನಿಲ್ಪಡುಂಡೋಳ್ಕಿ - ವೂಡು ವಾಳ್ಳಾ ಒಕ್ಡು ಅನಿ ತಿರ್ಗಿ ಸೊಪ್ಪೆದಾನ್ಕಿ ಸೇಸೆ . 70 ವಾಡು ತಿರ್ಗಿ ಕಾದು ಅನೆ . ಕೊಂಚ್ಮು ಪೊದ್ಮಿಂದ ಆನ ನಿಲ್ಪಡುಂಡ್ನೋಳು ಪೇತ್ರುಡ್ಕಿ - ನಿಶ್ಚಯ್ಮಾಯಿ ನುವ್ವ ವಾಳ್ಳಾ ಒಕ್ಡು , ನುವ್ವ ಗಲಿಲಾಯ್ಮೊಡಂತೆ ಅನಿ ತಿರ್ಗಿ ಸೊಪ್ರಿ . ^{71 72} 71 ಆಯ್ತೆ ವಾಡು - ಮೀರು ಸೊಪ್ಪೆ ಆ ಮನುಷ್ಯುಡ್ನೀ ನಾನರಿಲೇದು ಅನಿ ಸೊಪ್ಪಿ ಶಪಿಚ್ಚೆದಾನ್ಕು ಆಣೆ ಪೆಟ್ಕೊನೆದಾನ್ಕು ಪ್ರಾರಂಭಿಚ್ಚೆ . 72 ಅಪ್ಡೇ ಕೋಡಿ ರೊಂಡ್ನೆ ಸಾರಿ ಕೂಸೆ . ಅಪ್ಡು ಪೇತ್ರುಡು - ಕೋಡಿ ರೊಂಡು ಸಾರಿ ಕೂಸೆದಾನ್ಕಿಂತ ಮುಂದ್ರ ಮೂಡು ಸಾರಿ ನಾ ವಿಷಯ್ಮಾಯಿ ವಾಡ್ನಿ ಅರಿಲೇದು ಅನಿ ಸೊಪ್ತಾವು ಅನಿ ಯೇಸು ವಾಡ್ಕಿ ಸೊಪ್ಪಿನ ಮಾಟ್ನಿ ನೆನಪ್ಕಿ ಸೀಸ್ಕೋನಿ ಆ ವಿಷಯುಮ್ಲ ಯೋಚಿಚ್ಚಿ ಏಡ್ಸೆ.