^{1 2} 1 ಯೇಸು ದೇವುಡು ಆಲಯುಮ್ನಿ ಇಡ್ಸಿ ಪಾತ ವುಣ್ಣಪ್ಡು ವಾಳ್ ಶಿಷ್ಯುಲ್ಲಾ ಒಕ್ಡು ಯೇಸುಕಿ ಗುರುಲಾ , ಸೂಡಿ ಎಟ್ಟೆ ರಾಯ್ಲು | ಎಟ್ಟೆ ಕಟ್ಟಣ್ಮುಲು | ಅನಿ ಸೊಪ್ಪೆ . 2 ಯೇಸು- ಈ ಪೆದ್ ಕಟ್ಟಣ್ಮುಲ್ನಿ ಸೂಸ್ತಾವಾ ? ಈನ ರಾಯ್ಮಿಂದ ರಾಯಿ ಉಳ್ಸೆಟ್ಲೆದು , ಅನ್ನೀ ಪಡ್ತಾವಿ ಅನೆ . ^{3 4} 3 ಆಮಿಂದ ಯೇಸು ಅಂದ್ಮು ಮಾನ್ಲು ಗುಡ್ಡುಮಿಂದ ದೇವುಡು ಆಲಯುಮ್ಕಿ ಎದ್ರಾಯಿ ಕುಚ್ಚೋನುಂಡ್ನಪ್ಡು ಪೇತ್ರುಡು ಯಾಕೋಬುಡು ಯೋಹಾನುಡ ಅಂದ್ರೆಯುಡು ವೂಳು - 4 ಆದಿ ಎಪ್ಡು ಆಯೇದಿ ? ಅದಂತ ನೆರ್ವೇರೆಕಿ ವುಂಡೆನಪ್ಡು ಯಾವ್ ಸೂಚನ್ಮು ಸೂಪ್ತಾದಿ ? ಮಾಕಿ ಸೊಪ್ಪು ಅನಿ ವಾಡ್ನಿ ಪ್ರತ್ಯೇಕ್ಮಾಯಿ ಅಡ್ಗೇಕಿ ಯೇಸು ವಾಳ್ಕಿ ಸೊಪ್ಪಿನ್ದೆಮoಟೆ - ^{5 6} 5 ಯೋಳಾರ ಮಿಮ್ಮುಳ್ನಿ ಮೋಸ್ಮು ಗೊಳಿಚ್ಚೋಳು ಸೂಸ್ಕೊಂಡ್ರಿ . 6 ಅನೇಕ್ಲು ವಚ್ಚಿ ನಾ ಪೇರ್ನಿ ಎತ್ಕೋನಿ - ನಾನು ಕ್ರಿಸ್ತುಡು , ನಾನು ಕ್ರಿಸ್ತುಡು ಅನಿ ಸೊಪ್ಪಿ ಎನ್ನೋ ಜನಲ್ನಿ ಮೋಸ್ಮು ಗೊಳಿಚ್ಚೋಳು . ⁷ ಇದ್ದಲಾದೆ ಯುದ್ದಲಾ ವಿಷಯವಾಯಿ ಮತ್ತೆ ಸುದ್ದಿಲಾತ ವಿಷಯವಾಯಿ ನಿಂಗ ಕೊಕಾಂದು ಬಿತ್ಗುಮಾನಂಗ ; ಯಂತ್ಗು ಇಂಡೆಕೆ ಅದು ಅಗುರಾದು ಅಗತ್ಯ ; ಅನೇಕೆ ಅದು ಇನ್ನು ಅಂತ್ಯವಲ್ಲ ⁸ ಯಂತ್ಗು ಇಂಡೆಕೆ ಜನಂಗತ್ಗು ವಿರೋದವಾಯಿ ಜನಾಂಗವೂ ರಾಜ್ಯತ್ಗು ವಿರೋದವಾಯಿ ರಾಜ್ಯ ಅದ್ದಿಕ್ಯದು ಮತ್ತೆ ನಾನಾ ಜಾಯಿ ಭೂಕಂಪಗಾಕ್ಕುನು,ಇದಲ್ಲದೆ ಬರಗಾಲಗ ಕಳವಳಗ ಉಂಟಾಕ್ಕುನು; ಇದ್ದಾದಿ ಸಂಕಟತಾ ಪ್ರಾರಂಬವಾಯಿದು. ⁹ ಅನೇಕೆ ನಿಂಗ ನಿಂಗಲ್ತಾ ವಿಷ್ಯಕೋರು ಎಚ್ಚರಿಕೆ ಅತ್ಗೊಂಗೋ,ಯಂತ್ಗು ಇಂಡೆಕೆ ಅಯಿಗ್ಯ ನಿಂಗಲಾನ ನ್ಯಾಯ ವಿಚರೆಣೆಯ ಸಬೇಲುಕು ಒಪ್ಪುಸಾನು;ಮತ್ತೆ ಸಬಾಮಂದಿರಲುಕೊರು ನಿಂಗಲಾನ ಮತಾನು; ಅಯಿಲಿಕಿ ವಿರೋದವಾಯಿ ನನ್ನ ನಿಮಿತ್ತ ಅದಿಕಾರಿಲಾ ಮತ್ತೆ ರಾಜುರುಲಾ ಎದುರುಕು ನಿಂಗಲಾನ ಅತ್ತೆರಾನು, ¹⁰ ಸುವಾರ್ತೆಯ ಮೊದಲು ಅದ್ದಿ ಜಾನಂಗತ್ಗು ಸಾರಾದು ಅಗತ್ಯವಾಯಿದು. ¹¹ ಅನೇಕೆ ನಿಂಗಲಾನ ಒಪ್ಪುಸುರುಕು ಅತ್ತೆಗಾಂದು ನಿಂಗ ಯಂತ ವಸ್ಸೇತ್ರುದು ಇಂಡು ಮುಂಚಿತ ವಾಯಿ ಯೋಚನೆ ಸೇಯ್ಯಿಮಾನಂಗ; ಅನೇಕೆ ಆ ಗಳಿಗಿಕೋರು ನಿಂಗುಲುಕು ಯಂದ ವರಾದೋ (ತರಲ್ಪಡಾದೋ ) ಅತ್ತೆ ವಸ್ಸೇತಂಗೋ; ಯಂತ್ಗು ಇಂಡೆಕೆ ವಸ್ಸೇತ್ತರಾಯ್ಯ ನಿಂಗಾಲ್ಲ ಪರಿಶುದ್ಧತ್ಮನೆ ¹² ಇದಲ್ಲದೆ ಅನ್ನು ತೆಂಬಿನತ್ತೆಯೂ , ತೋಪು ಮಾವ್ವುನತ್ತೆಯೂ ಮರಣತ್ಗು ಒಪ್ಪುಸಾದು , ಮಕ್ಕಿಗ್ಯ ತಾಯಿ –ತೋಪುನುಕು ವಿರಾದವಾಯಿ ಅದ್ದಿಂದು ಅಯಿಲಿನಾ ಕೊಲ್ಲಿಪ್ಪಿರುಕು ಕಾರಣವಾಕ್ಕುದು, – ¹³ ನಟ ಪೆರುತಾ ನಿಮಿತ್ತಾವಾಯಿ ಅದ್ದಿನು ನಿಂಗಲಾನ ದ್ವೇಷಿಸಾನು , ಅನೇಕೆ ಕಡೆತನಕಾ ತಾಳುರಾದೆ ರಕ್ಷಣೆ ಹೊಂದಾದು. ¹⁴ ಇದಲ್ಲದೆ ಪ್ರಾವದಿಯಾಯಿಕ್ಕಿರ ದಾನಿಯೇಲಾನು ಸೋನ್ನಿಕ್ಕಿರತರ ಹಾಳು ಸೇಯ್ಯಿರ ಅಸಹ್ಯವು ನಿಕ್ಕಿರಿದಲ್ಲರ ಜಾಗುಕೊರು ನೀಂಡಿರೀಕ್ಕಿರತ್ತ ನಿಂಗ ಪಾತ್ತಪ್ಪೋರು (ಇತ್ತ ಓದುರಾಯ್ಯ ತಿಲ್ಜುಗೊಟುನು )ಯೂದಯಾತ ಗಟ್ಟುಲುಕು ಓಡಿ ಹೋಗೋಟುನು, ¹⁵ ಉಟಮಾಳಿಗೆತಮೆನಿ ಇಂದಾದು ಇಗುಜು ಉಟುವೂಲ್ಲಿಕಿ ಹೊಗಾದೆಯೂ ಇಲ್ಲ ತಟ ಉಟುವುಲ್ಲಿಕಿ ಹೊನೆಕೂ ಉಲ್ಲಿಂಡು ಯಂತುನು ಅತ್ತಗಾದೆ ಇಕ್ಕೆಟು, ¹⁶ ಗದ್ದಿಕೊರು ಇಕ್ಕಿರಾದು ತಟ ಬಟ್ಟುಲಾ ಅತ್ಗುರುಕು ಪದ್ದಿರಿಗಿ ವರಾದಿಕ್ಕೆಟು, ¹⁷ ಅನೇಕೆ ಆ ದಿನುತುಕೊರು ಶರುಗುನಿಂಡ್ರಯಿಲಿಕೂ ಪಾಲುಕುಡಿಪ್ಪಿಕ್ಕಿರಾಯಲಿಕೂ ಅಯ್ಯೋ ! ¹⁸ ನಿಂಗಲಾತ ಪಲಾಯನ ತಂಡಿದಿಂತಕೊರು ಅಗಾರಕನಿ ನಿಂಗ ಪ್ರಾರ್ಥನೆ ಸೆಯ್ಯಂಗೋ, ¹⁹ ಯಂತ್ಗು ಇಂಡೆಕೆ ಅ ದಿನುಕೊರು ಸಂಕಟವಿಕ್ಕ್ಯದು ; ಅಂಥಾದು ದವರು ಸೃಷ್ಟಿ ಸೇಂದಿಕ್ಕಿರ ಸೃಷ್ಟಿ ಮೊದಲುಗೊಂಡು ಇಟಿತನಕ ಆಗುಲ್ಲ, ಇಲ್ಲ ಆಗೂದಿಲ್ಲ ²⁰ ಕರ್ತನು ಅ ದಿನಲಾತ್ತೆಯಿ ಕಡಿಮೆ ಸೇಯ್ಯಂದಿ೦ದೇಕೆ ಎದು ರಕ್ಷಣೆ ಹೊದುದಿಲ್ಲನು ಅನೇಕೆ ತಾನು ಪೆರಿಕಿಗೊಂಡಿಕ್ಕಿರಯಲಿಕಿಕಾಯಿ ಅ ದಿನಂಗಾಲ ಕಮ್ಮಿ ಸೇಂದಿದು, ²¹ ಅಪ್ಪೋರು ಏದಾನ ನಿಂಗುಲುಕು –ಇದೋ, ಕ್ರಿಸ್ತನು ಇಟೀದು;ಇಲ್ಲ ಇದೋ,ಆತನು ಅಟಿದು ಇಂಡೆಕೆ ನಂಬುಮಾನಂಗ; ²² ಯಂತ್ಗು ಇಂಡೆಕೆ ಸುಳ್ಳು ಕ್ರಿಸ್ತಾರು ಸುಳ್ಳು ಪ್ರಾವಾದಿಗ್ಯ ಅದ್ದಿಂದು ಸಾದ್ಯವಾನೇಕೆ ಪೆರಿಕಿಗೊಂಡಿಕ್ಕಿರಯಲಾ ಮೋಸಗೋಳುಸುರುಕು ಸೂಚಕ ಕಾರ್ಯಲಾ ಅದ್ಬುತ ಕಾರ್ಯಲಾ ಸೆಂದು ಕಾಟನು, ²³ ಅನೇಕೆ ನಿಂಗ ಎಚ್ಚರಾಯಿ ಇರಂಗೋ;ಇದೋ,ನಾನು ನಿಂಗುಲುಕು ಅದ್ದಿನು ಮುಂದಾಯಿ ಸೋನ್ನಿರೆ. ²⁴ ಇದಲ್ಲದೆ ಆ ದಿವಸಲುಕೊರು ಸಂಕಟ ತೀರನ್ನಪ್ಪೋರು ಸೂರ್ಯನು ನಬ್ಬುಕ್ಕಾದು; ಚಂದ್ರನು ತನ್ನ ಬೆಳಕುತಾ ತಾರಾದೇ ಇಕ್ಕ್ಯದು, ²⁵ ಆಕಾಶತ ನಕ್ಷತ್ರಗ ಬೂಗಾನು ಮತ್ತೆ ಆಕಾಶತ ಶಕ್ತಿಗ್ಯ ಕದಲನು ²⁶ ಅಪ್ಪೋರು ಮಣುಸು ಕುಮಾರನು ಬಹು ಬಲತಿಂಡೂ ಮಹಿಮೆತಿಂಡೂ ಮೇಘಲುಕೊರು ವರ್ರಾತ್ತ ಅಯಿಗ್ಯ ಪಾಕನು, ಆತನು ತನ್ನ ದೂತರಲಾತ್ತೆಯಿ ಅಂಪ್ಪಿ ²⁷ ಭೂಮಿತ ಕಟ್ಟಾ ಕಡೆತಿಂಡು ಅಕಾಶತ ಕಟ್ಟಾಕಡೆ ತನಕ ತಾನು ಪೆರಿಕಿಗೊಂಡಿಕ್ಕಿರಯ್ಲ ನಾಲು ದಿಕ್ಕುಲಿಂಡು ಒಟ್ಟುಗೂಡು ಸಾದು, ²⁸ ಇದಲ್ಲದೆ ಅಂಜೂರತ ಮರತ ಸಾಮ್ಯತ ಕೆಚ್ಚುಗೊಂಗೋ; ಅತ್ರ ಕೊಂಬೆ ಚಿಗುರಿಂದ್ದು ಎಲಿಲಾ ಉಡಾ೦ದು ಬೇಸಿಗೆ ವಂಜು ಇಂಡು ತಿಲ್ಜುಗರಂಗ ; ²⁹ ಅದೇ ಪ್ರಕಾರ ಇದ್ದಾದ್ದಿ ಅಗಾರತ್ತ ನಿಂಗಾ ಪಾಕಾಂದು ಅದು ಕಿಟ್ಟುಗೋರೆ ಇದು ಇಂಡೆಕೆ ವಾಸೂಲುಕೋರೆ ಇದು ಇಂಡು ತಿಲ್ಜುಗೊಂಗೋ; ³⁰ ಇದ್ದಾದ್ದಿ ನೆರುವೆರುತನಕ ಈ ಸಂತತಿ ಅಳ್ಜು ಹೋಗೆದಿಲ್ಲ ಇಂಡು ನಾನು ನಿಂಗುಲುಕು ಕರಣೆಕೆ ಸೋನ್ನಾರೆ, ³¹ ಆಕಾಶ ಭೂಮಿ ಅಳಜು ಹೊಕ್ಕುದು;ಅನೇಕೆ ನಟ ವೋಕುಗಾ ಅಳಜು ಹೋಗುದಿಲ್ಲ ³² ಅನೇಕೆ ಆ ದಿನುತಾ ಆ ಗಳಿಗೆತಾ ವಿಷಯವಾಯಿ ತೋಪುನುಕೆ ಹೊರುತು ಎ ಮಣುಸುನೂಕು ಪರಲೋಕತ್ಕೊರು ಇಕ್ಕಿರ ದೇವದೂತರಕು ಮಾವ್ವುನುಕು ಗೊತ್ತಿಲ್ಲ. ³³ ನಿಂಗ ಎಚ್ಚರಾಯಿ ಇರಂಗೋ;ಜಾಗೂರಾಕರಾಯಿರಂಗೋ,ಪ್ರಾರ್ಥನೆ ಸೇಯ್ಯಂಗೋ ಯಂತ್ಗು ಇಂಡೆಕೆ ಆ ಸಮಯ ಎಪ್ಪೋರು ವಾರಾದು ಇಂಡು ನಿಂಗಿಲುಕು ಗೊತ್ತಿಲ್ಲ ³⁴ ಮಣುಸುಕುಮಾರನು ತೂರ ಪ್ರಯಾಣ ಸೆಂದು ತಟ ಉಟು ಉಟ್ಟು ತನ್ನ ಸೇವಕರುಕು ಅದಿಕಾರತ ಮತ್ತೆ ಪ್ರತಿಯೊಂಡುಕು ಒಂಡು ಒಂಡು ಪಾನಿ ಕುಡುತು ವಸೂಲು ಕಾಕರತ್ಗು ಜಾಗುರಕನಾಯಿ ಇರು ಇಂಡು ಅಜ್ನಾಪಿಸಿಂದಕನಿ ಇದು. ³⁵ ಅತ್ರಿಂಡು ಜಾಗುರುಕನಾಯಿ ಇರಂಗೋ,ಯಂತ್ಗು ಇಂಡೆಕೆ ಉಟು ಯಜಮಾನ ಅಂದಿಬೇರೊ ಇಲ್ಲ ಸರಿಹೊತ್ತುಕೋರು ಇಲ್ಲ ಕೋಯಿ ವದುರಾಪ್ಪೋರು ಇಲ್ಲ ನೋಸುಗೋಟಲೇನು ಎಪ್ಪೋರು ವರಾದೋ ನಿಂಗುಲುಕು ಗೊತ್ತಿಲ್ಲ, ³⁶ ಆತನು ಪಕ್ಕನೆ ವಂದು ನಿಂಗ ವರ್ಕ ಸೇಯ್ಯರತ್ತ ಪಾತೋಡುಬೋದು , ³⁷ ನಿಂಗುಲುಕು ಸೋನ್ನುರಾತ್ತ ನಾನು ಅದ್ದಿಕಿನೂ ಸೋನ್ನರೆ –ಎಚ್ಚರಾಯಿ ಇರಂಗೋ ಇಂಡಸ್.