¹ awa nak buləs əd timotay əmosnen eklan n Ǝlməsix ɣaysa.nəhul-in aytedan kul n əɣrəm ən filib win əmosnen arat daɣ tamattay ən məššina əs tərtəyt-nasan d Ǝlməsix ɣaysa,əd muzaran n Ǝlkənisat əd ² madhalan-nasan.Ǝgmâya daɣ məššina di n abba-nana d Ǝməli ɣaysa Ǝlməsix a fall-awan d-izazzabben arraxmat d alxer. ³ i kawan-d-əkteɣ ad əggudəɣaɣ y Ǝməli-in məššina.šiwatriwen kul šin ⁴ dawan-tagga,fawda təfalawist a daɣ-wan tanat-tagga,fəl əddəlil ən tədhəlt ta di-tətaggim daɣ əzəwwəziwəz n ⁵ Ǝlinjil,a d-obazan ɣur əzəl wa azzaran har ⁶ əmərədda.fadda əkkasaɣ aššak as,əššəɣəl olaɣan wa daɣ-wan issənta məššina əddi,wər tu-z-izzərəz iket wər t-issənta əzəl wa daɣ du-z-azzabbat Ǝlməsix ɣaysa. ⁷ wərgəɣ bannan ifarray əwəl-in y adi daɣ talɣa-nawan ketnawan fəlas əknəq-qawan tara kawanay win dər-i ədrawnen arraxmat ta di-iga məššina gər za əmərədda ad əheɣ kasaw wala deɣ daɣ təbəllant ta əgəɣ fəl Ǝlinjil d ⁸ əsəttəddi-net.məššina issan as tara ta dawan-əgəɣ ketnawan ɣaysa Ǝlməsix iman-net a du-təfal. ⁹ amaran awa gammaya daɣ təwatriwen-in,a daɣ-wan tətittəy tara ta kawan-təhat daɣ ¹⁰ masnat ta n tidət d əgərri n id t-illa arat.as iga adi təfrəgam əsənnəfrən n awa iknan ¹¹ əlluɣ,təqqəlam aytedan zaddognen wər iwer lahan waliyyan əzəl wa du-z-iqqəl Ǝlməsix,təssəgətam imazalan win oɣadnen as ɣaysa Ǝlməsix a ɣur d-əfalan fəl ad itəwəsəɣmər məššina attamal. ¹² areɣ ad təssənam imədrayan-in as ,arat wa di-igrawan da eway-du fadda as əslan aytedan aggotnen y ¹³ Ǝlinjil.təzzar eway-du awen as əssanan sojitan kul win tagaznen əmənokal d aytedan kul sa hadan as əddəlil n Ǝlməsix a fəl aheɣ ¹⁴ kasaw.amaran wərgəɣ adi ɣas,kalar iguz-in kasaw eway-du əs taššam ən mədrayan-nana daɣ əzəgzan təttəyt ən təfləst ta əgan y Ǝməli,a daɣ-san tətittəy taholat n amel n awal ən məššina wər tan-taha tasa. ¹⁵ tidət a imos as wiyyad daɣ-san manjaɣ əd tara n əməzrəy a fəl taggin isalan n ¹⁶ Ǝlməsix.mišan win hadatnen taggin-tan s ənnəyat tolaɣat,amaran tara a fəl taggin adi id əssânan as əddəlil ən təbəllant fəl Ǝlinjil a fəl aheɣ ¹⁷ kasaw.mišan,aytedan win hadatnen wərgəɣ əwəl iyyanda as taggin isalan n Ǝlməsix,kalar tənfa-nasan ɣas a gammayan,əgân iduf n as a fall-i əššitin s adi arkanay wa ənnaya daɣ kasaw. ¹⁸ wər imos adi wala ! Ǝlməxsud as,gər za taggin adi s əwəl iyyanda wala deɣ s ark ənnəyat,isalan n Ǝlməsix a taggin amaran isifalawas-i ¹⁹ adi.a di-aknu deɣ əsəffəliwəs.fəlas əssanaɣ as,adi ketnet a d-awəy ad əgrəwaɣ efsan s əssəbab ən təwatriwen-nawan əd tilalt n infas ən ɣaysa Ǝlməsix. ²⁰ amaran əkneɣ əsəddirən wəllen əgə daɣ attama n as wər di-za-tabəz təkarakit daɣ arat waliyyan.kalar gər za dat awa wala əmərədda,fawda əmosaɣ amaqqajay fəl ad itəwəsəɣmər Ǝlməsix gər za əs təməddurt-in wala əs ²¹ təməttant-in.fəlas nak Ǝlməsix a imosan təməddurt-in,amaran təmattant tənfa-nin a təmos. ²² mišan ya as imos as əššəɣəl n Ǝlməsix təh-as tənfa ad aglaɣ əddara,wədi wər əssena awa za ²³ sənnəfrəna.Ǝttirkaba fəl əššin gannatan.sinahala tara n agamad n əddənet əməla ɣur Ǝlməsix,arat s ənta a di-ofan ²⁴ wəllen.mišan ya fəl əddəlil-nawan ogar tənfa ta tahat ad aheɣ əddənet. ²⁵ arat wədi əkkasa daɣ-as aššak.Ǝssanaɣ as ad aglaɣ əlle ɣur-wan fəl a dawan-ilala ketnawan s ad ittəy əzəgzan-nawan,akn-iwan adi ²⁶ əsəffəliwəs.adi a z'iššitin saɣmar wa təgam ɣaysa Ǝlməsix əs tarrayt-in,s əssabab ən tawaɣlay ta ²⁷ kawan-in-z-aga.taɣara təgat da,agiwat alxal was imməkkan ad t-agin aytedan əzzigzannen s Ǝlinjil n Ǝlməsix .as iga adi,gər za oseq-qawan-in wala deɣ imos as isalan-nawan ɣas a əgrawa,ad əssənaɣ as təglayam daɣ igi n aɣaf iyyanda,tənimannakam s əwəl iyyanda daɣ təbəllant ta təgam fəl əzəgzan isihaddan fəl Ǝlinjil. ²⁸ a daɣ-wan wər agin aytedan wi kawan-əzzəngatnen tasa s arat waliyyan.a sər-san d-awəy adi ikus n aššak daɣ əhluk-nasan,kawanay awəy-du sər-wan ikus n aššak daɣ iguz wa təgam tarrayt ta n efsan.amaran məšsina a z'agin ²⁹ adi.məššina wərgəɤ arraxmat n əzəgzan s Ǝlməsix ɣas a kawan-ikfa,kalar ikf-iwan harkid ta n alɣazab fəl ³⁰ əddəlil-net.Ǝmərədda təgâm fall-as təbəllant šilat əs tas kala di-tənayam əgəq-qat fall-as,ənta deɣ as təsallim as harwa da taggaq-qat.