¹ Daɣ adi, nak d Abbolos a dana-wər-itəwəggu iduf wər nəmos ar wa n maššaɣalan n Ǝlməsix, d almawakkilan-net as imos əššəɣəl-nasan emel y aytedan igita ən Məššina win dasan-əhanen ətənkul. ² Amaran ma itawaran daɣ awedan imosan almawakkil, ar ad imos awedan n alɣadil. ³ Nak əs man-in, wər əzlaya daɣ iduf wa daɣ-i təgam wala wa daɣ-i əgan aytedan wiyyad. Nak əs man-in, wər əgeɣ iduf waliyyan daɣ man-in. ⁴ Wər di-təha tərək n ark əmazal waliyyan, mišan wərgeɣ adi a di-z-ikkəsan. Ǝməli, ənta a di-z-Κrəɣan. ⁵ Wər di-təha tərək n ark əmazal waliyyan, mišan wərgeɣ adi a di-z-ikkəsan Ǝməli, ənta a di-z-išrəɣan. Daɣ adi ad wər təsəwəram awrdan waliyyan lahan dat tawaggan daɣ əssir, isəffəggu awa ihan iwallan n aytedan. Alwaq wədi, awedan kul ad igrəw ɣur Məššina təmmal ta dər ihor. ⁶ Amaran imədrayan-in, ədkâlaɣ-awan-du isalan-in nak d Abbolos fəl ad iqqəl awen almasal a kawan-z-isassagrin batu ta tənnat Ad wər takəyam awa ənnan Ǝlkəttaban Ǝgeɣ adi ənta da fəl a kawan-wər-iggəz awedan waliyyan isifaxran s awedan iyyan alku wa hadan. ⁷ kay wa itaggan ibaragan, ma kay-izlayan d iyyan awedan Ma təleɣ, as wərgeɣ Məššina a dak-k-ikfan Dad zamas awa təleɣ kul ətəwəkfa a kay-itawagga bannan, ma əmsan baragan win tətagga ⁸ kawanay əmərədda təlâm arat kul wa taram, har as təgərgəsam Təqqalam fadda imənokalan ənta nakkanay wəy wər tan nəmos Nəsidaran a tan-təqqəlam əs tdət, fəl a dər-wan nədrəw taɣmar nakkanay da. ⁹ Mišan əs tannaɣ sər-i nakkanay inəmmuzal, ig-an Məššina daɣ ələqqam n aytedan nola d aytedan issiwar əššəriɣa tamattant, nətawagga ares n awnaf y əddənet ketnet, gər za aytedan wala angalosan. Nakkanay za nəqqal s aytedan imeskelan fəl əddəlil n əššriɣa tamattant, nətawaga ares n awanaf y əddənet ketnet, gər za aytedan wala angalosan. ¹⁰ Nakkanay za nəqqal s aytedan imeskelan fəl əddəlil n əššəɣəl wa nətagg y Ǝlməsix, kawanay amaran təqqalam imalan ən tayttay fəl əddəlil ən tassaq-nawan dər-əs Nakkanay tətiwasaɣmaram. ¹¹ Nakkanay wala ɣas əmərədda da ih-âna laz, nəffûd, nəzlâm, nətatawat, wər nəla id nəxsar ¹² izaɣazzab-ana əššəɣəl ən fassan-nan. Nətattar a igan arraxmat y aytedan win dana-tagginen ark awalan, nəzmâr i win dana-sakninen arkanay. ¹³ Aytedan win ɣaššadnen ismawan-nana, nəgammay daɣ-san əs man mallolnen ad ammazzayan d adi. Har harwa da əgân-anaɣ aytedan šilat ən fərədan n əddənet əd səfrad-net. ¹⁴ wər dawan-in-əktebaɣ aratan win fəl a kawan-əzzəbəza təkarakit, kalar əktabaɣ-awan-tan-in fəl a dawan-aga ənnəsixa, wa z'aga i bararan-in əkne tara. ¹⁵ Amaran kud təlâm maraw gim n əlfəqqi a kawan-sasaɣren tarrayt n Ǝlməsix, da wər təlem ar abba iyyanda, fəlas əzəl wa dawan-əgeɣ isalan ən ɣaysa Ǝlməsix, təlkamam-as, ənta ad əqqala šilat n abba-nawan. ¹⁶ Adi a fəl ədgaza gammaya daɣ-wan a di-tattalalam. ¹⁷ Ǝddəlil n adi da a fəl sər-wan in-zammazala Timotay ən ruray əkneɣ tara, issifasan wəllen daɣ ləkkum-net y Ǝməli. Ǝssokaɣ-awan-t-in fəl a kawan-d-assaktu əzzənəf ən ləkkumwa wa əgeɣ y Ǝlməsix, s ənta a sassaɣra daɣ əlkənisaten kul daɣ adag kul. ¹⁸ Wiyyad daɣ-wan taggin ibaragan, fəlas əɣilan wər kawan-in-z-ələsaɣ assa. ¹⁹ Mišan əs turagat n Ǝməli, a kawan-in-asa daɣ alwaq wər nəggug Alwaq wədi, aytedan win tagginen ibaragan əddi, ad ənəyaɣ awa əfragan, wərgeɣ awa gannun ɣas. ²⁰ fəlas Taɣmar ta n Məššina imazalan win taggin aytedan əs tarna-net a daɣ tətawanay wərgeɣ awa əgannin əs mawan-nasa. ²¹ Awak məni daɣ aratan win wa təssofam, A kawan-in-asa ewâyaɣ ələkkud, meɣ a kawan-in-asaɣ əd tara əd man lammodnen.