¹ nak iman-nin,imədrayan-in,as kawan-in-oseɣ y a dawan-əməla tidət ta du-təfalat məššina təmosat əssir,wər kawan-əssəkna masnat n awal wala igət ən masnat.fəlas əgeɣ tanat n ² as,iket əheq-qawan,wər dawan-z-agaɣ isalan wər nəmos win ɣaysa Ǝlməsix,d ətəwənɣa wa itawagga fəl təgəttawt. ³ nak azzaman win ɣur-wan əge,əgeq-qan d iba n assahat əd tasa di-təssindawat taysəst ⁴ labasat.amaran isəssəɣritan-in əd təlxuten-in wər əgen əs masnat n awal wala təla ən tayttay,kalar isəssəɣritan a əmosan as issikna infas wa zəddigan əs tarna-net as tidət a ⁵ əmosan,fəl ad iqqəl əzəgzan-nawan arat a sər-wan du-teway tarna ən məššina wərgeɣ masnat n aggadəm. ⁶ dər iga awen da ya,tidət as,təll-ay masnat nəsasaɣru aytedan win saggatakkanen daɣ əzəgzan;mišan masnat ten,wər tat-təla əddənet ta,za wər tat-əlen muzaran-net as ilkâm ad iba ⁷ tamayyamayt-nasan.kalar masnat ta du-təfalat məššina a nəsassaɣru,təmosat əssir irəwan iɣbâr y aytedan.masnat ta,harwa dat əxluk n əddənet ad otas məššina a dana-sər-əs-akfu adkul. ⁸ wər t-illa daɣ muzaran n əddənet ta da,i igrâwan əgərri ən ta da masnat;fəlas ənnar tat-əgrân,wər z'attaytayan ⁹ Ǝməli ən tanaya.dər iga awen da ya ənnan Ǝlkəttaban: «issənsa məššina i win t-əranen,wər kala tu-tənay šat,wər kala tu-təsla təməzzuk,wər kala deɣ ad t-isammadran awedan.» ¹⁰ nakkanay amaran isannafalal-anaq-qu məššina əs tarrayt n infas wa zəddigan;fəlas infas wa zəddigan wər t-illa a daɣ wər issen,wala ɣas aratan win as otas məššina igi-nasan da issân ¹¹ daɣ-san.id wər t-illa awedan issânan awa ihan iman n iyyan awedan,ar iman n awedan wədi da ɣas.Ǝmmək di daɣ as,wər t-illa awedan issânan awa otas məššina.infas-net di zəddigan ɣas a t-issanan. ¹² amaran nakkanay,wərgeɣ infas šilat ən wa n əddənet a nəgraw,kalar infas wa d-ikfalan məššina a nəgraw,fəl ad nagru arraxmaten šin fall-ana d-izazzabbat məššina.adi a ¹³ fəlas,aratan win nəsassaɣru,wər tan-nəsəsəɣru əs masnat ta n aggadəm,kalar masnat ta danaɣ-ihakku infas wa zəddigan as tan-nəsasaɣru.nəsasagru tidət ta du-təfalat məššina y aytedan win iha infas di zəddigan ən məššina. ¹⁴ mišan awedan wa wər nəlkem ar i masnat ta n aggadəm,wədi wər ifreg ad iqbəl arat wa d-ifalan infas di zəddigan ən məššina,id ɣur-əs əmməskəl a imos awen,wər ifreg ad t-agru fəlas infas di zəddigan ən məššina a ihakkan ¹⁵ əgərri-nnet.awedan wa iha infas wa zəddigan,wər t-illa arat a d-ifalan məššina as wər ifreg əgərri-nnet,amaran ənta iman-net,wər t-illa awedan wər iha infas wa zəddigan ifrâgan a sər-əs annu arat.adi a fəl ənnan ¹⁶ Ǝlkəttaban «issanan daɣ awa otas Ǝməli məššina,wala ifrâg a das-agu ənnəsixa?» nakkanay za a igrawan infas di zəddigan ən məššina nəssân daɣ awa otas Ǝlməsix.