¹ awa nak buləs,iɣrâ məššina daɣ tara-net əs tišit n ənammazul ən Ǝlməsix ² ɣaysa.nak d amadray-nana sustinəs nəhul-in Ǝlkənisat ən məššina ta təhat aɣrəm ən korent.iɣr-et y ad təqqəl tamattay-net zəddigat,təhât təla-net s əssəbab ən tassaq-nasan d Ǝlməsix ɣaysa;ənta d aytedan kul win hadatnen edag əhan,əɣbâdan ³ Ǝməli-nana ɣaysa Ǝlməsix,imosan Ǝməli-nasan,imos deɣ wa-nana.məššina di n abba-nana ɣaysa Ǝlməsix təkfəq-qawan arraxmat d alxer. ⁴ faw tigudəyaɣ i məššina di n Ǝməli-nin daɣ talɣa-nawan,tehakkay ta kawan-iga ⁵ arraxmat-net s əssəbab ən tassaq-nawan d Ǝlməsix ɣaysa.fəlas tassaq-nawan dər-əs a sər-wan d-ewayan as kawan-isabbalal daɣ arat ⁶ kul,wəllen daɣ awa təgannim kul d awa təssanam kul.isalan ən ɣaysa win nəga əttiddan ɣur-wan wəllen. ⁷ adi as wər tu-təlla təhəkkut ən məššina wər təgrewam,kawanay win waraɣwaraɣnen i ⁸ tawaɣlay n Ǝməli-nana ɣaysa Ǝlməsix;s ənta a z'isəssuhen əzəgzan-nawan har təzərəst,awəd-du fall-awan əzəl wa du-z-asu wər kawan-iwer lahan ⁹ waliyyan.məššina di kawan-d-iɣran y ad tərtəyam əd barar-net Ǝməli-nana ɣaysa Ǝlməsix,wər d-itəqqəl daɣ tənna-net. ¹⁰ imədrayan-in, əgmâya daɣ-wan fəl udəm n Ǝməli-nana ɣaysa Ǝlməsix ad tənəmənnəkam ketnawan daɣ awa təgannim, ¹¹ taqqamim wər təqqelam təzunen.kalar nəmənnəkat daɣ awa təsamadranam d awa tənnəyem. fəlas imədrayan-in,əgân daɣ-i aytedan n aɣaywan ən kələway isalan n as,təlla gar-ewwan tamazaq. ¹² Ǝnneɣ adi fəlas wiyyad daɣ-wan gannin: «nakkanay buləs as nəlkam» ,wiyyad gannin «nakkanay abbolos as nəlkam», wiyyad gannin, nakkanay butros as nəlkam», wiyyad gannin: «nakkanay Ǝlməsix as nəlkam». awak Ǝlməsix təzunt a iga? ¹³ a təɣilam nak buləs,a itawanɣan fəl təgəttawt fəl əddəlil ən bakkadan-nawan? meɣ ak esəm wa-nin buləs as tətawasalmaɣam daɣ aman? ¹⁴ Ǝggodayaɣ i məššina âs wər daɣ-wan əssəlmaɣaɣ awedan waliyyan daɣ ¹⁵ aman,ar krisbəs əd gayəs.daɣ adi wər t-illa awedan ifrâgan ad annu itiwasalmaɣ daɣ aman s esəm-in fəl ad iqqəl ənalkim-in.awalla,əkte-du as əssilmaɣa daɣ aman aytedan n ahan n Ǝstefanos əntanay ¹⁶ da.a wər nəmos aytedan win,wər kəttəwaɣ id əssilmaɣa daɣ aman awedan iyyan. ¹⁸ tidət as,isalan ən tamattant ən ɣaysa fəl təgəttawt,ɣur aytedan win əhanen tarrayt n əhluk,isalan wər nəla almaɣna a əmosan;mišan nakkanay win əhanen tarrayt n ¹⁹ əlɣillas,nəssân as tarna ən məššina a əmosan.isalan n awen da a daɣ ənnan Ǝlkəttaban: «səbbənnana masnat ən musanan,səbbənnana deɣ tayttay ən malan ən tayttay.» ²⁰ daɣ adi ma din-igan daɣ musanan? ma din-igan za daɣ musanan n Ǝttawret?imusanan n awal n azzaman win den,əntanay ma daɤ-san in-igan?wərgeɣ məššina issəkna as,masnat ta əlan aytedan n əddənet ta,əmməskəl a ²¹ təmos?fəlas məššina a igan əs masnat-net as aytedan wər əfregan a t-əssənan əs masnat ta-nasan iman-nasan,adi a fəl igraz i məššina ad iɣləs aytedan win sər-əs əzzəgzannen əs tarrayt ən salan n Ǝlinjil əmosnen əmməskəl s aytedan win sər-əs wər nəzzəgzan. ²² kəl-Ǝlyəhud za əntanay gammayan a dasan-ətəwəgginat təlməɣjujaten əmosnen alɣalamaten,kəl-Ǝlyunan amaran gammayan masnat.adi a ²³ fəlas nakkanay emel wa nətaggu tamattant n Ǝlməsix fəl təgəttawt,təsənkəft a imos i kəl-Ǝlyəhud a dasan-təgdâlat əzəgzan,aytedan amaran win wər nəmos kəl-Ǝlyəhud əntanay imos ɣur-san əmməskəl. ²⁴ mišan ɣur aytedan win iɣra məššina,gər za kəl-Ǝlyəhud wala deɣ kəl-Ǝlyunan,Ǝlməsix tarna əd masnat ən məššina a imos.fəlas igi ən məššina wədi imosan s aytedan əddi ²⁵ əmmiskəl,wər tu-tewed masnat n aggadəm.igi-net deɣ wədi imosan s aytedan iba ən təla ən tanaya,wər tu-təlla tarna n aggadəm wər oger. ²⁶ ya imədrayan-in,aktiwat-du awa təmosam as kawan-d-iɣra məššina.wər daɣ-wan əggətan aytedan as itiwagga iduf n as əmosan imusanan,wala wiyyad əlanen fərregat,wala wiyyad əmosnen kəl ²⁷ əket.kalar məššina isannafran aratan win wər nəla almaɣna ɣur aytedan n əddənet ta fəl ad izzəbəz imusanan təkarakit.isannafran deɣ win wər nəla farregat daɣ əddənet ta fəl ad izzəbəz təkarakit aytedan win əlanen farregat. ²⁸ awa itawalkan daɣ əddənet ta,d awa itawakyadan,əd wa wər nətəwagga wala a isannafran məššina y a sər-san assabu tamayyamayt ən win əmosnen arat ɣur ²⁹ aytedan.arat wen kul,ig-ay məššina fəl ad dat-əs wər idkəl awedan waliyyan iman-net. ³⁰ kawanay amaran məššina a kawan-osaɣan əd ɣaysa Ǝlməsix,s ənta a danaɣ-iqqalan masnat a du-təfâlat məššina_almaɣna ikf-ana sər-əs ³¹ taqqat,əd tazdak,əd tədarfit.adi a fəl ənnan Ǝlkəttaban: «wa iran adkul ən man-net,idkəlet-tan fəl aššaddat n awa iga məššina.»