¹ Yésu ne gubambile, ne gungénze nia nuambili, ve garienu ve batu be sa gufu nana re besselabe bufumu bu Nyambi gusunde ne bungudu. ² Tsufu yisiamenu ne guvioga, Yesu ne gu bonge Pierre, Jean ne Jaques ne gu bebége gu yulu mukongu. Vano yanti ne gusange gidimu ve wusuawu. ³ Ginengugiandi ne gubange, Biduatu biandi ne gube ne du fugu du viagenu ne pembi Mba nessi begungitsi be sa gurungule fugisse biduatu nénane. ⁴ Vana Elie ne Moise ne guvudussile ne gupakile guamile nandi. ⁵ Vana Pierre ne guambile ra: Fumu duvégi diniango di gu nurungile mesambe meréru dimossi diagu, dimossi de Elie, dimossi di Moise. ⁶ Pierre ne gulabe re a sa ne diambu diguambile, be bingitsi bane guandi be kube ne wome. ⁷ Dimungi ne gubesundile yawu ne gulu diu li diambile re: A wuwu muanami murime mulilaunu. ⁸ Vane ne vana ve yawu ne gugengisse mu mbéke ne mbéka be se kunde labe mutu ka Yesu. ⁹ Ve be sundilange mukongu. A kubevege mugaga wu gubesse guambile batu di bekabe. Kuange ne ve muane Mutu a gu rambugile gu dufu. ¹⁰ Be rare diambudina gu mirime miawu. Yawu ne yawu be kuivusenanga Gurambuge gudufu re guvagere Tsié ¹¹ Be ke muivule re: dibandu gié bérenditsi be migaga ba guambile ra Elie a gurégile ruge? ¹² A kubagule re: Elie a gurégile ruge gu se Tsonzige mambu motsu. A dibandu gié diréndu ra: Muane mutu a gusse kénge vévéni gu kiélu Mbili mambu mu mekake me batu be gu muvine. ¹³ Tumba nia nuambili Ra Elie Mbé maruge batu be kumuvage diotsu di berondange nevu diréndilu gu musamu Nyambi. ¹⁴ Ne gugabuge ve Mbure yibange bebingitsi be mfimbila be ke ragesenu bumongu ba betsiénge. Berénditsi be migaga be kuambila nawu. ¹⁵ Yawu ne gulabe Yesu bumongo be kube ne mugangu néni, ne guénde mbaku gué musambegene ne musage wotsu. ¹⁶ Yandi ne quivule bedingzitsi bandi: Gu kiélu diambu gié nua sosili nawu? ¹⁷ Mutu mossi ve gari bumongu a ke muake: Fumu, nia kubegile muanami dibagele a ne diniuni dibi dia mukalussi dibabe dia muvégi melogi. ¹⁸ A ke vagange ngéku. Nze guivule bediantsi bagu gu mussule diniuni dine Tumbo be sa rungule. ¹⁹ Yandi ne gubagule re: gilale dibatu be sa ne gitu, Gigumbi giotsu ni gubange nénua? Ni gu nusindile kuange ne gigumbi gié Mumbegilianu gunu. ²⁰ Be mu begile muan. Ne diniuni dibi labile Yesu, muna ku sibuge a kuberuge vétsi, mevussi me ku vuduge gumunu. ²¹ Jesu a kuivule Tayandi: A ma Tsinge ne gubéle guna? Tayimuana ne guagule re Mbé aki maune mugégi. ²² Diniuni dina dia mubumingi gu ruvi ne gu mambe, diarondi muboke. Gére wubénze vage muédiambu. dulu ngébe, duamussi. ²³ Yesu ne guagule ra: passi wu se rungule. A gumutu wu ne gitu gusagube diambu dia diaki. ²⁴ Vane ne vana tayi muana ne guamuge a kuambile re: ni ne gitu niessi, nza ne gitu. ²⁵ Yesu ne gulabe bumongu buarugi gu yawu. Ne gukénine diniuni dibi, ne gumuambile re: nia kuvégi dinianga digu vu vuduge mu niuru Tsi muanune yénde we ya kuruge. ²⁶ Diniuni dibi ne guamuge vévéni di ku bume muane vétsi, a ku sibuge vana diniuni dibi di kuvuduge mauna a kube né gibindi bumongu be yabangere muana a mafu. ²⁷ tumba Yesu ne gu mugange ve dikake a rétsige muane, muana ne gurétseme. ²⁸ Yesu ne guingenu gu Ndagu, be dianzitsi bandi be ku muivule gu Tsuéminine: A dibandu gié di du sa rungulile guvuduse diniuri dibi? ²⁹ A kubagule ra: Diniuni di munonguna diavudugi ka ne dulémbu. ³⁰ Ve bendilange, be kuviogile ve musiéngi Galilée Yesu a se Ronde ra mutu a yabi mbure yibavu. A ³¹ kunenza bedianzitsi bandi. A kubambile re: Muane mutu a gu saku mu mekake me batu be gu muboke. Gigumbi gi be gumobokila, a gurambuge gu dufu wissi muréru. ³² Tumba be se yulu diambu diéni, be se kurungule muivule. ³³ Ne guvuduge gu musiéngi Capernaum, ne gube gundagu, ne guivule bediangitsi bandi: gié gi nu se guambilange mu nzile? ³⁴ Tumba be se maugule Mba be kebange gu yabe mutu wu gube givunde. ³⁵ Ne gutsagena, a kurombe digumi ne bebeyi ne gubambile ra: wotsu ve gariénu wua Rondi gube ve wussu ayibi gu nzime batu botsu a kubedianzilange. ³⁶ Ne gubonge muane mugégi ne gumusunze ve gariawu. Ne gumugange mu mekake a kubambile ra: ³⁷ Wotsu wa singi muane mugégi gu ndaguandi gu dine diami, menu a ga singi guandi Passi mutu a ga nzingui, sa menu vike a ga singi tumba mutu wu se Tume guandi. ³⁸ Jean negu muambile re: Fumu dunelabe mutu wa sanzi nieniuni mabi mu dine diagu, yétu dune mugandisse, Mbara a sa nétu. ³⁹ Tumba Yesu a kuambile ra: nu ya mugandisse Mbare ve sa mutu wu benze vage gidianzu giboti gu dine diami gére a se burununéti. ⁴⁰ Mutu sa duvini giburu giébi, ayi nétu. ⁴¹ Mutu gunuvége dimogi di mamba gu kieluami, nia nuambili buréti, a sa gutsiémusse diboti diandi. ⁴² Wotsu wu gu siélemusse mutu mossi ve gariénu wa pagili gitu, di gube diboti gu yandi be ku mutunge dimani mu Ngori, be ku mubume gu mubu. ⁴³ Gére dikake diagu dia kuberussi, ditabuli. ⁴⁴ Mbare diboti gu Ndiayu quingene ne dikake di tabuga ne gudile moniu yi muendu ne muéndu, ne gube ne mekake mebéyi ne guende gu Ruvi dusa Tsimi. ⁴⁵ Passi giéru giagu gia kubérussi gi tabuli Mbara diboti gu Ndiayu wu dih moniu yi péke péka ne giéru gi mossi. ⁴⁶ Ne gube ne biéru bibey. ne gu tindu gu ruvi dusa Tsimi. ⁴⁷ Passi dissu diagu dia kuberussi, duisuli, Mbara diboti gu Ndiawu wu kuingeno ne dissu dimossi gu yulu. Ne gube ne missu mebeya ne guende gu ruvi dussa Tsimi. ⁴⁸ A gu Kagessa yineni ne Ruvi dussa Tsimi. ⁴⁹ Mbara mutu yandi wotsu a gube ne Ngudu ne yi ruvi. ⁵⁰ Kebu guave giboti, Tumba re yatsiemusse Ndumandi dubenze ku yigabusse ne gié? Yibanu ne kébu yenu beni yibanu polu yénu ne yénu.