¹ Yesu akusugu gu mbureni akuende gu mbeke Jourdain. Bumongu be ruge ve mbeke andi Yesu ake belonzange neve gulu avagilange ne mbetsi. ² Be pharisiens be ruge gu mbekande bemiuvule tumbe dingenza mulumi agu boke dionge ne mugatsiandi givulitsi gi dumange. ³ Ake bambilere amugage uvege Moise gye. ⁴ Beke muambilere Moise avege diniange mulumi agu rende gi sangumu gigumubusile mugatsiandi nesi agu musanze. ⁵ Dibandu gu diole gu mirime mienu, yandi a rendile mugage, Yesu ake bambile. ⁶ Tumbe ve bandile bulongu Nyambi a kinze dibagele ne mugetu. ⁷ Dibandu dibagele a gusuge gu mbu tayi ne nguyi. ⁸ Akubeve mbure mosi ne mugatsiendi. ⁹ Re dibandu di Nyambi abe sobegene ve samutu gube pasule. ¹⁰ Ve babilange gu ndagu ne be bingitsi bandi be miuvule mu diambu dieni. ¹¹ Abambilere a gu buse mu gatsiandi akonge mususu aga tubi disongi gu yandi. ¹² Mugetu wonge gu buse mulumiandi akonge ne dibagele di nzusu aga tubi disongi. ¹⁴ Batu be begange bane bawu begegi, gu mbu Yesu akebe bembe, Tumbe be bingitsi bandi beke be gabuse. ¹³ Ve Yesu alabe nane ake tibe kabu ne bebingitsi ake bambilere silanu bane be rugi gu menu nuya be gandise. Bulungu bu Nyambi bu munongumosi nawu. ¹⁵ Nianuambile bu reti mutu wu sagusinge bulongu bu Nyambi né mwane mugegi ne gungeze asa giungene. ¹⁶ Avane ake bonge bane mu mekake mandi ake bevege mule abe tsabige mekake. ¹⁷ Ve bendilange gu muvevililu mutu akuru mbangu akuteme ve wusu ne gu miuvule munenzi boti ani vatsié nike dile moniu y mutubu ne mutubu. ¹⁸ Yesu ake muambilera agye wanengire ni muboti gusa mutu wu muboti ka Nyambi yabeni. ¹⁹ Wayabi migage wusa gutube disongi wusa guboke wusa gudage wusa guve bubeyi bugu fure, wu yavagile mbatsi dibi gobise taye ne nguye. ²⁰ Mutune akuambile mulonzi nia gobise mambu mane ve nibilange mwane mugegi. ²¹ Yesu negu mugengile ne gu muronde ake muambilere wasali ne diambu dimosi. Yende gue sumbise biotsu binagu wuke vege be geli doli tsine vane wu dile busine bu gulu. ²² Tumbe ne gulu giambitsi gine ake tsore niuru niuru tsike muvole akue ne guenda mbara ayibe ne mbile meboti abe gisine. ²³ Yesu ne gu gengile gu mbeke andi akuambile be bingitsi bandi page gu kielu abe ne busine gungene gu bulongu bu Nyambi. ²⁴ Be bingitsi bandi beku mame mambu mane.Tumbe Yesu aku bambile bane bami di page gu batu bene busine bekiungene gu bulongu bu Nyambi. ²⁵ Disa page gu gibulu gianengure chameau giungene gu divule di tsongi, ne mutu ne busine giungene gu bulongu bu Nyambi. ²⁶ Beku dimane bekuambile yawu ne yawu. Anye agobuge ? ²⁷ Yesu ake begingile ake bambile gu batu dipage tumbe gu Nyambi disa page mbare diambu diotsu gu mbu Nyambi disa page. ²⁸ Pierre neguse muambile laba duasise biva bietu biotsu duake binge. ²⁹ Yesu ake bambile nia nuambile bureti vasa mutu wugu sile ndaguandi nebane bane be nguye ne bane be nguye be getu ne nguyandi ne tayandi ne bane bandi ne butambe buandi gu kieluami ne musamu boti. ³⁰ Begudile kama gu bulongu bubu ne ndagu ne bane be nguye be bebagele ne begetu ne nguye ne bane ne butambe ne ngube anegu bulongu buarugi moniu y mutu ne mutu. ³¹ Tumbe mbili berege be gube nzime be tsibe nzime abeke berege ³² Bube munzile guegu dimbu di Jérusalem Yesu ayenda gu wusuawu. Be bingitsi bandi babe ne mbile pikile be mubinga ne wome. Yesu ake bonge digumi ne be beyi be bingitsi bandi ve mbeke ake bambilange gu kielu megu murugilile. ³³ Laba duka pandi gu Jérusalem la mwane mutu agué saku gu mbu bivunde bibe bingitsi be Nyambi nebe renditsi be migage. Begu muvere gu nzugu kuangene ve agufulu nebe sake gu batu besa singi Nyambi. ³⁴ Begu musike dibeyi begumu tula mati begu mudimbe a begu muvere gudufu. Tumbe nzufu reru tsigu vioge agu rambuge. ³⁵ Jacques ne Jean bane be Zébédée beku dute gu mbekandi abe kumuambile Munenzitsi duarondi wuku duvagile mue diambu. ³⁶ Ake bevagere gye nuarondi ni vagi gukieluenu ? ³⁷ Beku muvagere duve diniange dukutsagene gu mbeke agu gubundumbe buagu. Umosi gu me bagele magu une gu meguetu magu. ³⁸ Tumbe Yesu ake bagule nusayabi gie nuaguvuli. Nubenzi gunu gimenu nigunu gu sindile bapteme yi nigu baptisilu. ³⁹ Beku muvagere yetu dubenzi. Yesu aku bambilere dimogi dinigunu nubenze dinu ne bapteme yini gu baptisilu nubenzi yi sindile. ⁴⁰ Tumbe gu tsagene gu mebagele mami ne megetu mami samenu nia duve diniange. la yiguvegu kabatu begu vegu yoni. ⁴¹ Ve digumi dibebingitsi bulu nane. Bekube ne mune kabu ne Jacques ne Jean. ⁴² Yesu ake berombe gu mbekandi ake bambilere nuayabere aba guengisu gue tchiefi tsi bulongu ba bebingi la bivunde beku be kibange. ⁴³ Tumbe disagubili nane gu garienu. Awotsu warogube givunde gu garienu ayibi mudianzilienu. ⁴⁴ Wotsu waro gube murege gu garienu ayibi muvige batu botsu. ⁴⁵ Mbare mwane mutu asaruge nonge beke muvege tumbe yandi agavegi moniuandi gu pagu yi batu botsu. yimbili batu. ⁴⁶ Beku vudugu gu Jericho. Ave busugile Jericho ne be bingitsi bandi ne mune bumongu. Vebe mutu dinediandi Bartimée. mwane ne Timée muvonditsi ayiba ne pafu ayibe ve mbeke nzile. ⁴⁷ Ve ayililure Yesu yi Nazareth ayigu tsile ake banda guamuge akuambilange Yesu mwane David yulu me ngebe. ⁴⁸ Mbile bemu vagangere vole tumbe aku gwamugange veveni mwane David niule ngebe. ⁴⁹ Yesu ake sikeme ake bivule gumurombe. Beku rombe mutune wu ne pafe beku muvagere yibe ne ngudu rambuge agakurombi. ⁵⁰ Ake bume koutu yibe nandi ake rambuge dikabi ake rugu mbu Yesu. ⁵¹ Yesu ake muagule Gye wa rondire nivagi gu kieluagu ? Mutu ne pafe ake muvagere Rabbi nia rondire misu metsibugi. ⁵² Yesu ake muambile yende gitu giagu giaku gobule. Vane ne vane Misu meku tsibuge akuene mubinge mutsile.