¹ Omona Nzambi ka lufutumuni ye khidisitu, dingenu bima bia kuzika, ku khidisitu kena wa kuzakala ku koku dia kiyakala dia nzambi. ² Yindulenu bima bia kuzilu keku bia tsia thotu. ³ Sambu lwa fi ye luzingu lwena lwa ku swama ye khidisitu mu nzambi. ⁴ Mu tangwa khidisitu, luzingu lwa benu lwa lubuka, yibwa lwa lubuka ye yandi mu khembu. ⁵ Salenu ni lwa honda bi biena hatsia thotu (bizumba, luvunu, ngindu za mbi, bwifi, kusamba biteki). ⁶ Mu bima be biabi khabu za nzambi zisi kkwisa kwena bana ba lemvuka koku. ⁷ Mu bima be biabi lwa kangidiki mbala ya hika, mutangwa di lwa zingiki mwa. ⁸ Kasi bubuthena, lu fweti ku lukatula mu mambu mama (nganzi, khabu, ngindu zambi, ngusi, ye ndinga za mbi zi lubuka mu minwa mienu). ⁹ Lu dihuniku benu ye benu, sambu lwa dikatudi ye mutu wa kiana mu bi salu be biabi. ¹⁰ Ye benu lwa vwati mutu wa paa, hu lu kumisa ba paa kosu tangwa mu kizuzi kia yandu wa mu sadi. ¹¹ Mu bwabuna kweku ye greki to Jufi, ni wa kota mukhanda to wa konda luyotisu, ni mu kwa buzoba, to sayti, ni pika, to mu kwa kipwanza, kasi khidisitu kena bwosu mu bosu. ¹² Vwatenu, bosu ba solama ba Nzambi, santu ye bazolama, lwa fuluka, mu bulemvu, ma mboti, ku dikulumusa, mupima, mu kukanga mbundu. ¹³ Lu levukilenu benu ye benu. Lusalenu mboti benu ye benu. Omona mosi ka kala ye kima kia ku yhula kwena mutu, lolulasakenu bosu pila yina pfumu ka lu loludi. ¹⁴ A thandwa bima biossu, kalenu ye lutondu, lu lwena nzila ya tsobulu. ¹⁵ Yambu ngemba ya khidisitu ya yala mu tima zenu. Mu diambu dia ngemba yina lwa yhulama mu lutu lu mosi, ye kalenu ba bambuki ba ma mboti. ¹⁶ Yambula Ndinga ya khidisitu ya tunga mwena benu mu bu mvwama bwandi bwosu, mu mayela mosu, longasenenu ye lu hekanenu ndongisila benu ye benu ye mikunga ye ngimbutulu, ye mikunga mia kipefi. Yimbenu kwena nnzambi ye mbundu za kudizaya. ¹⁷ Ye biosu bi lu sala, mu ndinga ye mu bisalu, salenu biosu mu zina dia pfumu yesu. Vutulenu matondu kwena Nzambi tata mwena yandi. ¹⁸ Ba khetu, lemvukenu kwena ba yakala benu, mu pila yi lombila pfumu. ¹⁹ Ba yakala, zolenu ba khetu, ye lu kadiku khabu ye bawu. ²⁰ Bana, lemvukenu kwena bibuti mu ma mbu moosu. Sambu mama mena mamboti kwena pfumu. ²¹ Ba tata, lu sotiku bana benu, sambu ba kadiku ba kudiangana mbundu. ²² Ba pika, lemvukenu kwena ba pfumu mu pila ya nitu mu mambu mosu. kekuni kaka ha mesu ma bawu mu ku ba sepidisa, basi mu mbundu ya masonga. ²³ Mosu lusala salenuma ye mbundu ya mboti boosu mu kuma kianzambi koku ni mukuma kia batu, ²⁴ Ya kuzakani lwa monga kwena pfumu boosu lufutu sadilenu khidisitu pfumu. ²⁵ Kiawu wuna wusala mambu ma mbi ka monga lufutu boosu bu bwena mbiandi kiawu kwena Nzambi luswaswa lwa batu kweku.