¹ Khiawu yi zola ni lwa zaya ni khi pila yena ya ngolu mvita yi ndwani mu kuma kia benu, mukuma kia babwa Laodice, ti mukuma kia bahika ba moniku kilunzi kia meni. ² Yi sala mu pila ni mbundu za bawu za monga kikesa mukuma za kala za kuvukana mu zola ti mu bimvwama biosu biena mukubakisa, kwa kieleka, mu nzayilu ya kitsweki kia Nzambi disongidila yesu khidisitu. ³ mwena yandi mwa swama bimvwama biosu bia mayela ti bia nzayilu. ⁴ Yi lusamwana bwabwana mupila ni mutu mosi kaka luhuna mu ndinga zandi za lengu. ⁵ Ata yena hoku mu nitu, yena ti benu mu ki pefi. Yi sepila mu kumona mambu mosu mu ndonga mboti ye kukwamina lwa lukwikila lwena mu khidisitu. ⁶ Pila mosi lwa mu yanba khidisitu pfumu, tambulenu ti yandi. ⁷ Kalenu ba kukangama mwena yandi, kalenu ba kutungama mwena yandi, kalenu ba kuyilama mu lukwikilu bwosu ba lulongi, ye kalenu bana bi vutula matondu mbala ti mbala. ⁸ Kebenu ni ata mutu ka luhuniku mu ndinga zina zi tuka mu ma banza ma pamba pamba ti mu luvunu lwa pamba, mosu mana mena mvutu ya mambu ma ba khaba, bwosu bwena mambu mathotu yayi, mafwaananiku ti khidisitu. ⁹ khiawu kinzambi kiosu kiena mwena yandi. ¹⁰ Lwena ba kulunga mwena yandi. Yandi kena pfumu wa kiyeka kiosu ti wa lulendu lwosu. ¹¹ Mwena yandi, ba lukotisa mukhanda, ke mukhanda wa batu ku wa kulweka kietu, kasi mukhanda wa kipefi wa khidisitu. ¹² Ba luzika ti yandi mu nzila mbotika, ye lwa futumuka ti yandi mu lukwikilu mu ngolu za Nzambi wa futwamusi Yesu mukati dia bafwa. ¹³ Mukiana ha lwa kadi batu ba kufwa mu kuma kia masumu menu ye batu ba khonda ku yotisa mu nitu, kasi wa luheki hika luzingu ti wa lulolula masumu menu moosu. ¹⁴ Wu zima pfuka za masumu ti tsibu zina ba soniki za tu tufundiki. Wa katuleza zoosu ye wa komeza ha zulu dia kulunzi. ¹⁵ Wa katula ngolu za pefi za ngolu ti za biyeka, wa tadiseza ku thwala batu boosu ti wa nungeza mu nzila kulunzi. ¹⁶ Hakana, lu yambudiku mutu ka lusambisa mu mambu ma kudia to ma kunwa, to matadidi kilumbu bia khinzi to kulubuka kwa ngonda, bilumbu bia sabata. ¹⁷ Bima biabi biena kininga kia mambu mana ma fweti kwisa, kasi makieleka menu mu khidisitu. ¹⁸ Luyambudiku mutu wu songa kinzambi kia nganda ye kisamba ba wanzio ba luyiba lufutu lwenu. Mutwa wa pila yayi kihana pfunu lwenu. Mutwa wa pila yayi kihana pfunu mu mbona mesu ye ki kuma lulendu mu mabanza m4andi ma kimutu. ¹⁹ Kisiku kangama ti khidisitu wuna wena mutwa. Khiawu, ku mutwa lutu lwosu lwa lusanzuka ye lwena lwa kusimbama ndambu ye ndambu; ye luyela mu ngolu za Nzambi. ²⁰ Lufwa ti khidisitu mu mambu ma tsi thotu, ye buna mukuma khia khi luzinga bwosu bi lunanika kwena batu ba thotu: ²¹ "wu mongiku! wu diku! wu simbiku! " ²² Bima biabi biosu bija fwa mupila ba sadila kebia mu pila ndongisila ti malongi ma batu. ²³ Tsiku zasi zi monika ku nzila ni za mayela mu zaweni, mu pila zi longa kudikulumusa, ti kusadila nitu mu ngolu. Kasi zeku pfunu ku twala nzala za mu lutu.